fiat 128

[alaaeldineffat]

بسم الله الرحمن الرحيم

انا قرارت اي شغل في العربية انا هعمله و عامل مقاطعة مع الميكانيكية و الكهربائية و كله ماعادة السمكرية لعدم توفر الادوات
الكابوت المعجون العليه نطر وبقي شكله معفن

والمعجون كتير تحت حوالي 5 طبقات فوق بعض المهم فكرت احرقه لاكن كده هيتقشر من تحت ف جبت اسطوانة صاروخ عليها حتات صنفرة دية بتشيل البوية و المعجون و اول لما توصل لل صاج تطلع شرارة خفيفة

المهم فضلت اشتغل حوالي ساعة لغايت لما وصلت لكده


بس انا قلت اشيل المعجون خالص بعد لما وصلت للفي الصور ده الصاروخ جه علي ايدي بس جت سليمة تعويرة بسيطة بكرة هكمل و اديها وش فلار او سكينة معجون خفيفة و ارشها دوكو

[ashraf_sms]

الله ينور عليك ياكبير وعقبال ما تعمل العربية كلها ان شاء الله بس انا وشايف ان الكبوت مطبق انا عندي كدة برده مطبق وفيه العلب اللي ماسكاه متفككة كدة متعرفش ديه حلها ايه

[alaaeldineffat]

سيليكون عظم من جوة

[Abo-Yousef]

انا محتاج فعلاً برضه سيليكون عظم ده لان الشنطة من ورا قبه كدو كأنها مخبوطة وكل ما اعدلها ترجع تتعوج تانى فا بصيت عليها من تحت لقيت الشبيكة اللى جوه مش لازقة فى الصاج فى بعض المناطق عشان كدة عاملة الموضوع ده ... وفى مشكلة تانية ... والمشكلة دى مش عندى لوحدى دى فى كل عربيات ال 128 والمشكله دى فى شنطة العربية ... الميكانيكى اللى عملت عنده عمرة الماتور حصل بينى وبينه كام تاتش كده وبعدين اتصالحنا فا قالى ادى الشنطة اللى انت خايف عليها وعمال تحط كل حاجة فى الشنطة وراح خابطها بايده كده ناحية اليمين عكس لسان القفل لقتلك الشنطة راحت مفتوحة ( شبيك لبيك ) اتجننت قولتله كده بوظتلى الشنطة قالى اهيه وراح قافلها قولت ايه ده ؟؟؟؟؟ راح عامل نفس الموضوع تانى خبطها راحت مفتوحة .... ومن ساعتها وانا قلقان وخايف انزل شنطة العدة والكوريك والاستبن وسايب الشنطة فاضية ومفيهاش غير شوية كراكيب

[amr011111]

انا محتاج فعلاً برضه سيليكون عظم ده لان الشنطة من ورا قبه كدو كأنها مخبوطة وكل ما اعدلها ترجع تتعوج تانى فا بصيت عليها من تحت لقيت الشبيكة اللى جوه مش لازقة فى الصاج فى بعض المناطق عشان كدة عاملة الموضوع ده ... وفى مشكلة تانية ... والمشكلة دى مش عندى لوحدى دى فى كل عربيات ال 128 والمشكله دى فى شنطة العربية ... الميكانيكى اللى عملت عنده عمرة الماتور حصل بينى وبينه كام تاتش كده وبعدين اتصالحنا فا قالى ادى الشنطة اللى انت خايف عليها وعمال تحط كل حاجة فى الشنطة وراح خابطها بايده كده ناحية اليمين عكس لسان القفل لقتلك الشنطة راحت مفتوحة ( شبيك لبيك ) اتجننت قولتله كده بوظتلى الشنطة قالى اهيه وراح قافلها قولت ايه ده ؟؟؟؟؟ راح عامل نفس الموضوع تانى خبطها راحت مفتوحة .... ومن ساعتها وانا قلقان وخايف انزل شنطة العدة والكوريك والاستبن وسايب الشنطة فاضية ومفيهاش غير شوية كراكيب

شنطة العربيه والكبوت سهل فتحهم جدا
ممكن تخلى سمكرى يلحملك فى شنطة العربيه مسمارين ويباتوا فى تقبين فى جسم العربيه ده حل الشنططه
وبالنسبه للكبوت اعمل خوصتين حديد على البطاريه

[Abo-Yousef]

شنطة العربيه والكبوت سهل فتحهم جدا
ممكن تخلى سمكرى يلحملك فى شنطة العربيه مسمارين ويباتوا فى تقبين فى جسم العربيه ده حل الشنططه
وبالنسبه للكبوت اعمل خوصتين حديد على البطاريه

حوار البطارية ده انا جبت قاعدة بطارية جديدة وعملت ليها تقفيصة حديد كاملة وبباب يتقفل بقفل ودى خلصنا منها اما موضوع الشنطة ده فا حد قالى عليه بس مش لحام قالى اربط مسمارين بورمه بس المشكلة ان المكان اللر هربطهم فيه رفيع جداً ومينفعش للمسامير وفى نفس الوقت مكان خروم المسامير صغير جداً برضه ومش عارف اعملهم ايه ؟؟؟ انا فهمته وهوا حل جامد جداً حتى يخلى الشنطة تبقى امان ومتتفتحش تانى ... وقالى برضه على حوار عشان العربية لا قدر الله متتسرقش ... اخلى الكهربائى يعملى زرار يفصل العربية يخلى المارش ميديش دوار خالص وأخبى المفتاح ده فى اى مكان مش باين زى الشنطة او تحت التابلوه .....

[alaaeldineffat]

كملت صنفرة. النهرده أخذت ساعة و نصف بس بقت علي الصاج خالص بكرة إنشاء الله همعجن و أرش فلار

[alaaeldineffat]

[Abo-Yousef]

الله ينور ياااااسطة ... شغل ميه ميه ... بس على فكرة الصاج عاوز يترد من البوز بتاع الكابوت ردها الاول قبل ما ترش فيلر

[akmm]

شغل حقيقى جامد ..... من حضرتك وكويس جدا انك عرفت توصل للمرحله دى.

[Abo-Yousef]

الله ينور يا عيلاااااااااااااااء :D عايزين نفتح ورشة بقى يابوب :p

[Mr.Lawyer]

بجد شغل عالى وكان نفسى من زمان حد من الاخوه يكون جرب يعمل شغل بايده ف الدهان والمعجون ويشرحه باستفاضه لانى كنت محتاج اعمل شغل ف الاكصدام عندى ونفسى اجرب اعمله بايدى لانى بحب تكون ايدى ف العربيه ، الاكصدام عندى اتقشر منه حته دهان صغيره ( مش عارف عيب دهان ولا معجون ) بجانب خبطه سنتى فى سنتى موقعه المعجون وكنت ناوى اجرب فيها واعمل الشغل بايدى بس مكنتش عارف ابدأ ازاى ولا اعمل ايه !!

فياريت حضرتك او حد من الاخوه الافاضل يوضح تفاصيل اكتر عن شغل السمكره والدهان عشان تساعدنا لو فكرنا نعمل شغل بايدينا

ومتابع حضرتك ف الشغل المحترم اللى بتعمله ومنك نستفاد برده :)

تقــــبل مــــــــــرورى وتحياتى ،،

[Abo-Yousef]

علاء ماشاء الله عليه عبقرينو :d وانا وهوا الحمد لله ولله الحمد بقينا نشتغل فى عربياتنا بإيدينا واستغنينا عن الصنايعية

[akmm]

لسه متابع نهايه الشغل الجميل ده ...................

[Abo-Yousef]

الشغل ده معمول من مدة وفى شغل جديد كتير اتعمل بعديه كمان :)