صدأ وبداية بارومة تحت الفرش

[المصرى دايو]

الحمد لله ربنا وفقنى واشتريت سيارة دايو لانوس 99 حالنها جيدة جدا وكنت عند الكهربائى بعمل شوية شغل فى الكهرباء والتكييف شال الفرش علشان يشتغل نبهنى ان السيارة بها صدا وبداية بارومة تحت فرش السيارة من جهة السائق ونصحنى بانى اذهب للسمكرى يصنفر الصدا ويوضب الجزء دة وبعد كدة اروح لبوهيجى واحط بلك علشان يعمل طبقة عازلة
انا مش عارف الكلام دة صح ولا هيبقى كدة شغل دواخل وخصوصا انى سمعت ان البلك معناه بالنسبة للسوق ان العربية مغيرة وبتدارى لحامات ؟؟؟؟
ايه افضل حل اعمله ولا يكون بالنسبة لتجار السوق شغل فى دواخل السيارة
شكرا

[المصرى دايو]

منتظر ردود الخبراء يا جماعة علشان ابدء فى الاصلاح اى الطرق افضل
شكرا لكم

[amr011111]

تعملها طبعا علشان البارومه متسرحش

[akmm]

املها افضل لان البارومه فى الجزء ده خطر جدا وومكن تزيد وبلاش البلك من الداخل هو ممكن يديها نفس لون العربيه وبس .

[المصرى دايو]

يا جماعة انا اكيد هعملها وهى اعتقد لسه معملتش بارومة ولا سرحت فى السيارة انا سؤالى الجزء اللى تحت رجلى وتحت الدواسات دة اعمله بالبلك زى ما الكهربائى قال ولا لون السيارة وهل يتلاحظ ولا لا انا مش عاوز العب فى الدواخل
دة هو استفسارى

[akmm]

بلاش البلك وعمله بلون السياره افضل ............... وطبعا بعد علاج البارومه .

[المصرى دايو]

بلاش البلك وعمله بلون السياره افضل ............... وطبعا بعد علاج البارومه .

طيب هل دة مش هيتلاحظ ان لعب بدواخل السيارة ؟؟

[akmm]

اكيد هيتلاحظ ولكنك بتعمل ده علشان يكون شبيه بالطبيعى بتاعها وباقل الاضرار وايضا للقضاء نهائيا على استفحال البارومه