مشكلة في بوية السيارة

[kiro0000]

انا عندى عربية دايو لانوس انا كنت رشيت رفرف العربية من 5 شهور والايام ده عندى مشكلة فى نفس الرفرف لون بوية الرفرف بهت وبقى الرفرف خشن اعمل ايه هل المعه ولا اروح لحد بتاع دوكو مع العلم ان لون العربية اسود

[saddam]

انا عندى عربية دايو لانوس انا كنت رشيت رفرف العربية من 5 شهور والايام ده عندى مشكلة فى نفس الرفرف لون بوية الرفرف بهت وبقى الرفرف خشن اعمل ايه هل المعه ولا اروح لحد بتاع دوكو مع العلم ان لون العربية اسود

صديقي المواطن
من.الواضح حاجتين أولا إن البوهيجي مسترخص في الخامات
ثانيا مجابش رقم كود لون العربية بالكمبيوتر
ثالثا وده الخطأ الشائع عند عامة الشعب المصري والبوهيجي مصلحته ميقلكش عليه وهو إن العربية لما تترش لازم ترجع تاني بعد أسبوع لنفس البوهيجي عشان تتسحق بصنفرة مقاس 1500 أو 2000 عشان الخشانة تروح والعربية تبقه مرايه

أما النصيحة المؤقتة لحالتك توديها لبوهيجي وتقل له لمعلي وإسحقلي الرفرف ده بصنفرة 1500 وبعد ميخلص فيه عصارة ب 45 جنيه تجيبها دي بولش مكنة ومياه حترجع الرفرف زيرو وبالتوفيق وإلى اﻷمام ومن نصر إلى نصر
ودمتم للنضال

[akmm]

دايما الاستاذ صدام بيجيب الحل من الاخر