حكيت العربية

[kiapicanto2014]

حكيت العربية على الرغم انى ما كملتش بيها 300 كيلو ..... الحمد لله الحمد لله الحمد لله الف مرة .... بس من جوايا متضايقة جدا جدا جدا ... نظرا لانى متعلمة السواقة جديد و الركنة صعبة حبتين ... بس بدأت اتعلمها شوية .. بس المرة دية اضطريت اركن فى جراج ضيق و ادخل بضهرى و اركن ورا عربيتين و الناحية المقابلة فيه كمان عربية راكنة ... المهم حكيتها فى الحيطة .. الحكة واضحة على الرفرف الامامى .. بس الصاج بتاع العربية مش داخل لجوة الحمد لله .. هى مش خبطة .. هى حكة .. مكانها بقى خشن و اللون متغير بس واضحة جدا و على 3 مستويات (يعنى 3 خرابيش فوق بعض )... قولولى اعمل ايه ؟؟؟؟؟ و اعملها فين و هل العربية ممكن ترجع زي الاول و لا خلاص كدة ؟؟؟ .. الفكرة كمان ان مكان الحكة متخربش يعنى خشن .. طيب هتنفع تتنعم و لا لأ؟؟ ... اعذرونى انا مش بفهم حاجة فى موضوع العربيات دة !!! افيدونا افادكم الله

[rotanamasoud]

سبيها شويه تاخد العين ولما تكملى تعليمك وتاخدى كويس على العربيه وابعادها وديها لحد يلمعها ويعالج اللى فيها

[mem]

خليها شويه والحمد لله انها جت على اد كده وده وارد طالما لسى متعلمه السواقه جديد
ولا تقلقى بسيطه وعلاجها سهل جدا بس اهم حاجه تروحى عند حد بتاع دوكو شاطر
بس نصيحه خليها كده شويه

[sasatony]

بسيطة جدا ان شاء الله سبيها شوية فعلا تاخد العين
وبعد كده وديها لبتاع دكو زي مالاخوة الافاضل قالو
لكن نصيحتي انا انتي مضايقة عشان العربية الجديدة بس مع الوقت هتتعودي خاصة ان في شوارع المحروسة وانتي ماشية العربية بتتجرح يعني

[eng-ahmed]

أنا اى حاجة كانت بتحصل فى عربيتى كنت اجرى اروح اعملها لحد ما زهقت

و بعدين قررت من اخر مرة الاكصدام اتخطبت بسبب واحد ربنا يسامحه أنى اسيبها و معملش حاجة

فأنا رأيى اننك تسيبيها شوية و متكرريش غلطاتى السابقة

[akmm]

كل التعليقات السابقه من الاخوه الاعضاء صحيحه .... فعلا تتساب شويه وبعد فتره تتعمل ببساطه ......