لون العربيه

[byada10]

هو لو عايز اغير لون العربيه ارشها يعنى بلون تانى

بعد ما ارش المفروض ايه الخطوات علشان الرخصه ؟ و التكلفه كام ؟

[saddam]

صديقي المواطن
يعني إيه التكلفة كام تقصد تكلفة الرخصة ولا تكلفة الرش
لو عالمرور لو رخصتك سارية مفيش تكاليف كلها إكراميات وتوافه بأقل من 300 جنيه
ولو تقصد تكاليف الرش فدي أنواع كتير حسب الخامات والنظافة حتلاقي واحد يرشلك عربية ب 900 جنيه وحتلاقي واحد بيرش ب 4 أو 5 آلاف جنيه وفيه خلطات بتوصل ل 35 ألف جنيه بس ده شغل خاص
ولكن الوسط بالنسبة لك لو حتستعمل سكنس وقول حترشها لونين وفرن مع 2 كيلو ورنيش وحتحل زجاج وأكر وعلامات وفواتيس فقول حتكلفك 3 آلاف جنيه وممكن لو عملت إختصارات ومحبتش الشغل النظيف وملقتش حد حيعملهولك عشان محدش في القاهرة حيرضى يحللك أكر وبربريزات على نظافة فحتلاقي حد يعملهالك ب 1500
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[byada10]

انا عايز اغير لونها يا باشا و اثبتها فى الرخصه علشان ما تبقاش مخالفه

الخطوات ايه بقى ؟

[byada10]

فين الوحوش ؟

[saddam]

انا عايز اغير لونها يا باشا و اثبتها فى الرخصه علشان ما تبقاش مخالفه

الخطوات ايه بقى ؟

صديقي المواطن
ردي كان واضح و وافي مفيش خطوات
حترش وبعدين تاخد العربية المرور بتاعك تعمل لها ورق فحص وتتفحص وتطلع رخصة جديدة بلون جديد لو سارية مش سارية حتدفع تجديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed.Essam]

هو لو عايز اغير لون العربيه ارشها يعنى بلون تانى

بعد ما ارش المفروض ايه الخطوات علشان الرخصه ؟ و التكلفه كام ؟

بصراحة معنديش فكرة عن الخطوات
بس هل حضرتك لازم تغير لون العربية ؟ لان ده اكيد هيقلل من تمن العربية في حالة اعادة البيع لانها هتبقى رشة بالكامل والله اعلم
فأعتقد لو اللون الحالي لعربية حضرتك لو مش وحش ومقبول بالنسبالك ممكن تسيبها كده احسن وتكتفي برش الاجزاء اللي محتاجة ترشها عشان العربية تنطق عن الاول

واولا واخيرا ده قرار حضرتك :)