فيرنا ... سكمره و دوكو - برجاء المساعدة

[sarsossa]

يا جماعة انا حاليا بشد فيرنا سمكره و دوكو و لخبرتى المعدمه تقريبا .. حابب اعرف رأيكم
اتفقت مع صاحب الورشه ع 2500 للاثنين ..فرن طبعا .. و قالى الدكو هيكون اوميجا الى هو هو كابسى و قالى ده كويس

الخبطات الى عندى كان ف الرفف اليمين و الباب معاه
و خبطه اماميه .. هغير فيها حديد الاكصدام والاكصدام مع يظبط الصدر
استعدال حديد الاكصدام الخلفى .. مع تغيير 4 فوانيس و ظبط الفوارق و السوك

انا رحت جبت الحاجه من دمشق و رجعتله بعد يومين و قولت ااكد عليه الكلام فالى انت مقولتش هترش سقف و كده هنزود السعر ل 2800 .. مع انى فاكر تمام انى مأكد ع العربيه كلها و كلامى كان واضح

المهم بعد رغى .. قولنا نشتغل و فالاخر نتكلم

العربيه حاليا الجنب اليمين كله ع الصاج و شغال فيه
ولقيته معجن الجنب الشمال و سابيه .. بيقولى انه كشف الصاج بس ف الشمال

دلوقتى العربيه كلها لازم تيجى ع الصاج ولا مش لازم ؟ انا عايز الشغل A 1
و الرش قولتله انا عايز البويه ماكسى ماير الايطالى مش عايز مصرى و هو وافق
ايه رأيكو ف البويه برضوا و الورنيش يكون ايه
وسؤال اخير معلش .. اجيب رقم لون اعربيه منين هى نبيتى
هو قالى احنا هنظبطه من غير كومبيوتر ..!!!

ودى صور للعربيه من غير الجنب اليمين علشان لو حد عنده ملاحظات







و شكرا مقدما :D

[eng wael]

الاخ الفاضل
السعر معقول جدا لان العربيه فيها شغل كتير
البويه المصرى الكابسي مش وحشه ولكن طالما انت عايز الايطالى مفيش مشكله
انا مش شايف داعى للقلق
سيبها على الله بس المهم تكون شفت شغله ونتيجه الفرن
وانا من شهرين رشيت عربيتى الكورسا وعملت ناصح وواحد قالى 3500 وبويه مستوردة شكيت فيه وروحت لواحد جارى معرفه العربيه معجبتنيش واللون اتغير ورغم انه قاللى مش مشكله نرش تانى من غير فلوس بس شكلها اتغير لانها كانت جربانه هههههه وموضوع ان الرش بيكون محبب قالى بعد كده ممكن تتسحق وتتلمع طبعا ده عيب برضه بس انا كبرت دماغى لان كل ده ب2000 جنيه
سيبها على الله الراجل بدأ شغل تابعه انت بس كل فترة
وان شاء الله ترجع عروسه