رأيكم بشراء سيارات حوادث

[Omar Tamer]

السلام عليكم
بفكر اشترى سيارة حوادث اية رأيكم فى الموضوع
وياريت اللى عنده خبرة فى المواضيع ديه يشاركنى الرأى و ايه المراحل اللى بتتم بعد شراءها بالورق و هتبقى اسعارها فى رينج كام و هتتكلف كام كمصاريف عليها و كده تقريبا ؟

[ENG.MaRk]

معلش بس ممكن حضرتك تفهمني وجهة نظرك في الموضوع ده !!!

[Omar Tamer]

معلش بس ممكن حضرتك تفهمني وجهة نظرك في الموضوع ده !!!

يعنى مثلا اشترى عربية جولف او لانسر على سبيل المثال و تكون عاملة حادثة كبيرة و اشتريها و ازبطها انا بقى سمكرة و تغيير ما يلزم بحيث انها ترجع كأنها جديدة

[dr/hamza]

يعنى مثلا اشترى عربية جولف او لانسر على سبيل المثال و تكون عاملة حادثة كبيرة و اشتريها و ازبطها انا بقى سمكرة و تغيير ما يلزم بحيث انها ترجع كأنها جديدة

ثم

[د.محمود صلاح]

ان كان هتخليها ليك ولاستخدامك يبقى محتاج صبر وبحث وتعب ولف ع الورش ..

انما لو كان للتجارة فطبعا كلها مشاكل ولازم تنصب على المشتري لما تبيع وشبهة حرمانية ووووو الخ

[Ahmed Saad]

بص ياباشا مالهاش أي لزمه لأنك لو هتخليها ليك هتصرف عليها فلوس كتير اكتر ما هتجيبها سليمه وفي الآخر عربيه معيوبه ولو بعتها لحد هتبقى معيوبه وعمرها ماهتظبط معاك موضوع الحوادث ده بيشتريه التجار النصابين ويخدوا رقم الشاسيه ويغيروه مع عربيه نصين ملحومه أو عربيه مسروقة وتتغير معالمها وتتباع مستعمله بسعرها الطبيعي وشغل نصب من ده كتير وفي أحد أعضاء المنتدى في قسم ميتسوبيشي الله يعينه اشترى لانسر بومه وطلعت مغيره رقم الشاسيه والمرور قفشها وهو لا حول له ولاقوة من الاخر موضوع مالوش لزمه وخسارة مجهود وفلوس على الفاضي.

[أسامه الحسيني]

ان لو اشتريت سياره حوادث وبعد ما صرفت عليها لو حبيت تبيعها بعد كدا وكنت صريح مع الى هيشترى منك هتلاقي سعرها فى الارض ومحدش هيرضي ياخدها منك

[J A G U A R]

مش مقتنع بالفكره

[A.Roushdy]

بص
العربيات بالذات لما بتفتح بقها مش بتتقفل
لان كل جاجة فيها متوصله بالتانية وكل قطعه غيار فيها ليها جزء شغال فى مكان تانى
استحالة تعرف ترجعها زى الاول او حتى 50% من الاول
المصانع الكبيرة زى بى ام ومرسيدس لما بيلاقو ان عربية طلعت من المصنع معيوبة بيعدومها على الفور
لان تكلفة انتاج واحدة جديدة اقل بكتير من تكلفة تصليح العربية المعيوبة
ودة ان دل فيدل على ان التصليح بيبوظ حاجات اكتر ما بيصلح
والعربية لو حادثتها وصلة للشاسية والقوايم انسى انها ترجع سليمة تانى وهتعكنن عليك حياتك لو فكرت تركبها ولو فكرت تبيعها عيش بقى فى بحر الذنوب من الدعوات اللي هيدعيها عليك المشترى