بخصوص رش العربيه رد بسرعه لو سمحتم

[BraveH]

السلام عليكم

انا محتاج رد بسرعه من خبراء الدوكو بعد اذنكم

انا باب العربيه كان مخبوط ورديته علي البارد اتقشرت حته معجون من عند الباب فقولت ارش العربيه

رحت لبتاع الدوكو قالي في خرابيش ورا وخرابيش علي الكبوت والاكصدام قولتله خلاص رش العربيه كلها

دلوقتي جيت اروح اشوف الشغل لقيته ممعجن الحته اللي عند الباب وحته الخرابيش ومش موقع البويه من علي كل العربيه

هل كده هو صح ؟؟ ولا اقوله وقع البويه ومعجنها كلها ؟

انا مديله 1000 جنيه

[hesham fawzy h]

متابع

[Ahmed abdkarim]

العربية لو فابريكة من برة او لو واخدة معجون قليل مش بيشيل البوية خالص . بيطفى العربية
ويطفيها معناها انه يسنفر العربية كلها بسنفره ناعمة لغاية لما اللمعة بتاعة العربية تروح و ملمس العربية يبقى ناعم .

انما برضه فى ناس بتعمل شغل اى كلام وتكون العربية واخده معجون كتير وبرضه بيطفى العربية و يرش فوقها وده غلط مليون فى الميه علشان البوية بعد التعرض للشمس و لو حد سند عليها بتفرقع .

[BraveH]

العربية لو فابريكة من برة او لو واخدة معجون قليل مش بيشيل البوية خالص . بيطفى العربية
ويطفيها معناها انه يسنفر العربية كلها بسنفره ناعمة لغاية لما اللمعة بتاعة العربية تروح و ملمس العربية يبقى ناعم .

انما برضه فى ناس بتعمل شغل اى كلام وتكون العربية واخده معجون كتير وبرضه بيطفى العربية و يرش فوقها وده غلط مليون فى الميه علشان البوية بعد التعرض للشمس و لو حد سند عليها بتفرقع .

العربيه نوبيرا بس هي كانت مرشوشه قبل كده
بيقولي انا هديلك للعربيه وش نضافه هيرشها كلها بالجنوط

هل كل ده يكلف 1000 جنيه ؟

انا حاسس انه اتنصب عليا وبيقولي هجبلك نوع دوكو اسمه جنرال وفضل يشكرلي فيه

[BraveH]

مفيش حد يرد يطمني يقولي اتنصب عليا ولا لا عشان انفخ السمكري ده لو كان بيشتغلني

[Ahmed abdkarim]

العربيه نوبيرا بس هي كانت مرشوشه قبل كده
بيقولي انا هديلك للعربيه وش نضافه هيرشها كلها بالجنوط

هل كل ده يكلف 1000 جنيه ؟

انا حاسس انه اتنصب عليا وبيقولي هجبلك نوع دوكو اسمه جنرال وفضل يشكرلي فيه

ممكن تكون العربية مرشوشة قبل كده ويترش فوقها تانى بس العبره انها متكونش واخده معجون . أو واخده معجون قليل جدا ومش فى كل العربية .

واضح ان العربية مش بتاعة حضرتك من الزيرو ومتعرفش واخده معجون ولا لأ . الفيصل أنك تعرف هى واخده معجون ولا لأ . الموضوع مينفعش يتقال على النت الموضوع محتاج نظرة فنية إلى حد ما .

اما بالنسبة لل 1000 جنية العربية لو فيها مرمة و حتترش كلها بويه نضيفة فرن ممكن تكون معقولة او غالية سنة ويفرق برضه اذا كانت ميتالك ولا عادى . بس اول مرة اسمع عن نوع البوية ده . اشهر نوع بوية الصنيعية بيقولو عليه البغبغان علشان مرسوم عليه بغبغان .