استفسار بخصوص بقعة صدا في شنطة العربية

[Tamert]

انا كنت شاري لانوس 2 من فترة و كان فيها نقطة صدا ( في الحتة اللي ورا الفانوس الخلفي ) نتيجة زيت باكم و قع عليها حاجة كده 2 سم في 2 سم المهم من فترة بصيت عليها حسيت ان الرقعة بتزيد و احد ميكانيكي مسحها كويس و بعدين حط عليها شوية شحم و قالي ده حل مؤقت انت كدة منعت الهوا عن الصدا فمش هتكبر او تقلب برومة
و رتها لواحد صحبي قالي ان ممكن تحط عليها نوع عازل زي عازل الصوت و اليماة و كده شريحة بتتلزق و كده تبقي حمتها و في نفس الوقت مرشت دواخل
اعمل ايه مش عارف قلت استشيركم و شكرا

[Tamert]

ايه يا رجالة في ايه انا قلت اسيب الموضوع ياخد وقتة .... 33 مشاهدة و لا رد ..... معقولة .... ربنا يبعت

[Mr.Lawyer]

للأســــف القســــم دا الردود فيه ضعيفه اووووووى

انا اخويا عنده نفس المشكله ف عربيته ومش عارف يعمل فيها ايه

[Tamert]

و الله يا باشا انا اعتقد موضوع شرائح العزل ده كويسة بس انا كنت عايز مشورة اضافية

[hateeem]

سبحان الله نفس مشكلتى اللى كنت داخل اعمل بيها توبيك دلوقتى

انا كنت عايز اسال الناس ع حل غير الرش و فى نفس الوقت ميقلش من تمن العربية

لما اجى ابيعها

[omar101970]

اللى انا باعمله لو حصلت حاجه زى كدا انى بانضف مكان الصدأ كويس باستعمال wd40 وبعد كدا احط عليه طبقه شحم كويسه واغطى المنطقه كلها بيه
وبوجه عام انا عامل ارضيه الشنطه كلها كدا كنوع من المحافظه عليها

[dadofranz]

انا عندي نفس المشكلة بس في السقف
تقريبا حاجة وقعت عليها وعملت بقع صدأ صغيرة في سقف العربية
وعايز حل ليها بدل ما تقلب بارومة وتاكل السقف
وخصوصا ان الشتاء داخل والندى عندي الصبح بيبقى فظيع

[J A G U A R]

انا عندى نفس الحكايه فى الشنطه نتيجه خبطه
بس هاضطر ارشها هيا مش كبيره

[sonaeg]

انا عندي خربوش طويل خلي الصاج باين وبدأ يصدي. البوهيجي دهنه بويا بالقلم وقاللي ماتقلقش البوية حتوقف الصدا وكده تمام

بدل ما ارش الباب كله ....

كلامه صح ولا هجس كعادة الصنايعية؟