إعـــــــلان

Collapse

.

,
See more
See less

تجربة إزالة إسبراي تم رشه على بوية السيارة ..والنتيجه ..غير متوقعه

Collapse
X
 
  • Filter
  • الوقت
  • Show
Clear All
new posts

  • تجربة إزالة إسبراي تم رشه على بوية السيارة ..والنتيجه ..غير متوقعه

    أنا عربيتي لونها إسود مط ..يعني مش ميتالك ..كان فيه خربوش عفي في الكبوت ..وده كان بسبب كلب واقف على سقف العربيه وأول ما شافني نازل جري قام متزحلق قام عامل الخربوش ده ..وكان فيه كام حته كده مجرحه في الكبوت ..وده بسبب إن تقريبا كان في واحد بيذاكر على الكبوت

    المهم الخرابيش دي كانت مضايقاني قوي ..ورحت لكذا بوهيجي وسألت عن حل ليها ..وكلهم أجمعوا ..لازم ترش كبوت في الكامل

    المهم سألت واحد بوهيجي عن الإسبراي اللي بيتباع في علبه أبو 7 جنيه ..قلتله هيديني نفس درجة اللون اللي عندي ..قالي الإسود المط كله درجه شبه بعض .وإن خلفت هتبقى حاجه مش هتبان أصلا ..وكان عليها ..رحت جبت علبة إسبراي إسود ب 7 جنيه ..وعشت حياتي على الكبوت ..بتاع 5 حتت كده رشتهم على الكبوت عشان أقدر أداري الخرابيش دي ..وكانت النتيجه ..مذهله ..الإسبراي إيه ..بيلمع كده ومنور وشكله إيه ..تحسه كأن العربيه طالعه من الفرن وقتي

    أنا بصراحه فرحت ..وقلت ده على كده ممكن الواحد يرش العربيه كلها ب 100 جنيه إسبراي ..وسبت الإسبراي لحد ما نشف وبقى تمام التمام

    لغاية هنا والدنيا وردي وجميلة وآخر حلاوه..لغاية تاني يوم ..الشمس طلعت على العربيه وجات على الإسبراي اللي أنا راشه ..وإذا بيا أفوجأ إن البويه اللي كانت بتلمع وجميله وآخر حلاوه ..بقي لونها بني ..ومش كده وبس ..دي لمعتها رااااااحت ..ومش كده وبس ..بقت الحتت اللي أنا رشتها دونا عن العربيه كلها هي اللي بتلم تراب ومطفيه .وبقي شكلها بشع ..

    بصراحه إتضايقت قوي ..وندمت ..روحت لواحد بوهيجي وريته العك اللي أنا عملته ..قالي ياريتك ما عملتها ..كنت سيبها بخرابيشها أحسن..قلت للبوهيجي ..طيب هي ملهاش حل ..قالي حلها الصح ..ترش كبوت ..حل مؤقت ..تمامك معايا لمعة بولش ..أهي تلمع العك ده ..وتخلي العربيه كلها بتلمع ..وده يدخل في ده وأي حاجه وخلاص لغاية ما تنوي بقى ترش العربيه كلها وخلاص ..قلتله لمع ..قام جايب العده بتاعته ولمع لمعته المتينه ..وبعديها ب 3 أيام ..ألاقي الحتت دي برضه طفيت دونا عن العربيه كلها ورجعت زي ما كانت ..أنا قلت لنفسي خلاص ..دي ملهاش حل غير إنها ترش كبوت في الكامل ..وكنت متضايق منها قوي الحتت دي بصراحه

    لغاية ما جت في دماغي فكره ..ليه ما شيلش أنا البقع دي بنفسي ..وكان السؤال اللي عاوز إجابه ..هستخدم إيه عشان أشيل العك ده ..فكرت في التنر ..لكن لقيت إنه ممكن يشيل بوية العربيه نفسها ..وفكرت في الجاز ..لكن لقيت إنه مش هيعمل حاجه أصلا ده غير إنه هيجير بوية الفبريكه أصلا ..وكان الحل الأخير في البولش ..أيون ..هو البولش ..

    جبت علبة بولش ب 7.5 جنيه من عند بتاع الحدايد ..بولش ناعم طبعا مش خشن ..وقمت ماسح الكبوت مسحه نضيفه قوي من التراب اللي عليه ..وجبت فوطه قطن ..وحطيت مسحات بولش مكان البقع دي ..وإنزل دعك يا معلم ..وكانت المفاجأة ..إن الإسبراي الغبي اللي أنا كنت راشه ..راااااااااااااااااااااااح..والكبوت ما شاء الله عليه ..رجع فبريكه تاني ..أنا عن نفسي إنبهرت ..وقلت أعمل كل البقع اللي في الكبوت ..لغاية ما نضفت الكبوت كله ..ورجع زي ما كان ..بنفس الخرابيش اللي فيه ..بس قلت مش مشكله ..أحسن من البقع السودا المطينه اللي كانت عليه

    وهي دي تجربتي مع إزالة إسبراي رشيته وإداني نتيجه مختلفة عن اللي كنت عايزها ..وأهي غلطه .ومش هتكرر تاني
    [SIGPIC][/SIGPIC]--------

    m_m_sh_a سابقا

  • #2
    احسنت
    لا اله الا الله سيدنا محمد رسول الله

    Comment


    • #3
      الحمد لله على كده
      الخرابيش ارحم من دا كله
      [SIGPIC][/SIGPIC]

      Comment


      • #4
        طريقة عرضك جميله :)
        اللهم بارك لنا فيما رزقتنا

        [SIGPIC][/SIGPIC]

        Comment


        • #5
          الحمد لله إن البوية إتظبطت .
          ألف مبروك
          :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

          Comment


          • #6
            كويس كده ................ واى خرابيش من اى نوع طالما غويطه لابد من الرش لامحال ...........
            :36_2_55[1]:

            Comment


            • #7
              الف مبروك
              ( ادخلوا مصر ان شاء الله امنين )

              Comment


              • #8
                المشاركة الأصلية كتبت بواسطة akmm مشاهدة المشاركة
                كويس كده ................ واى خرابيش من اى نوع طالما غويطه لابد من الرش لامحال ...........
                ما هو ده الدرس اللي أنا إتعلمته ..إن البولش الخشن بيستخدم وهي العربيه لسه طالعه من الفرن ..وده عشان يخلي بوية العربيه كلها مياه واحده زي ما بيقولوا ..والبولش الناعم للتلميع ..لكن أنا معرفش ليه في إعتقاد عن ناس كتير إن البولش بيستخدم في علاج الخدوش
                [SIGPIC][/SIGPIC]--------

                m_m_sh_a سابقا

                Comment


                • #9
                  الله يباركلك فى عرضك للموضوع
                  طيب انا اعمل ايه بقه اللى العيال ولا د التيت فى الشارع بيحفرو فى البويه عندى
                  اسلم حل اغطيها
                  اساسا عربيتى رشه خوارج فمستنى اما يبطلو
                  نق وحسد وبعدين ارجع ارشها . هههههههههههه

                  Comment


                  • #10
                    معلش - ماحدش بيتعلم بالساهل
                    الحمد لله على كل شئ
                    [CENTER][B][SIZE="5"][COLOR="blue"]لا إله إلا أنت سبحانك إنى كنت من الظالمين
                    يارب سترك وعفوك ورضاك[/COLOR][/SIZE][/B][/CENTER]

                    Comment

                    Working...
                    X