طريقة عمل المعجون

[احمد كامل]

السلام عليكم
اريد ان اعرف كيف يتم عمل المعجون الذى يستخدم على الصاج قبل البوية
و ما هى المكونات المستخدمة لعمل هذا المعجون
لان عندى بعض المناطق متقشرة و كنت عايز امعجنها بنفسى من غير مااروح للبوهيجى

[ahmed_eng2001]

حضرتك تقصد معجون الاستوك ؟؟

ده معجون بيتباع عند بتوع البويات ... و بيتباع معاه مصلب .. حضرتك بتخلط شوية صغيرين اوى من المصلب ( النسبة بتكون مكتوبة على العلبة )
بتنضف كويس مكان الحتة الى انت عاوز تمعجنها ... و تمعجن ... و تسيبه ينشف كويس ... و بعدين تساويه بالصنفرة لغاية لما يكون مساوى للصاج

فيه فديوهات كتير على اليوتيوب بتشرح الكلام ده
متابع معاك

[احمد كامل]

اه فعلا هوة دة اللى انا اقصده
جزاك الله كل خير
ليا بس استفسار بسيط ازاى انضف الحتة اللى هتتمعجن ؟
هل بالصنفرة ؟ و لو بالصنفرة بيكون نوعها ايه ؟ و شكرا لك

[ahmed_eng2001]

التنضيف بيكون على حسب الحتة الى عاوز تمعجنها ... بمعنى ..

انها لازم تكون على الصاج .... لو فيه بوية قديمة ممكن تشيلها بثر .... او بنزين ...
لو فيه صدأ ... يتشال بالصنفرة ... لو اماكن لحام فى الصاج او بنط بارزة ... لازم تتساوى بالصاروخ او الصنفرة

[hugan]

لازم تستخدم مياه مع الصنفره

[amr011111]

هى اسمها صنفرة دوكو بس ليها درجات بس مش عارف درجه ايه اللى بتستخدمها
بالنسبه للمعجون اسمه معجون استوك بيتباع عند اى موان فيه منه رصاصى وفيه منه بمبى
والعلبه بحوالى 21 جنيه تقريباَ

[ahmed_eng2001]

لازم تستخدم مياه مع الصنفره

فعلا يا فندم ..... وجود المياه فى عملية الصنفرة .. بيضمن سطح ناعم .. المياه بتكون عاملة زى عامل ملين للصنفرة للحصول على سطح انعم ... و خاصة لما الصنفرة تيجى على اجزاء من الدهان القديم
بس لو حيصنفر حتت صاج على طول ... مش مهم المياه

[احمد كامل]

ازاى هستخدم المياه انا حصنفر الصدأ و المعروف ان المياه بتخلى الصاج يصدى

[hugan]

ازاى هستخدم المياه انا حصنفر الصدأ و المعروف ان المياه بتخلى الصاج يصدى

يتستخدم المياه لصنفره معجون الاستوك
مش صنفره الصاج

[احمد كامل]

يتستخدم المياه لصنفره معجون الاستوك
مش صنفره الصاج

تمام يا باشا وصلت كدة