حد جرب الحكاية دى ؟؟

[طارق المحلاوى]

الموضوع ان الخدوش زادت فى جسم العربية وكمان فى الأكصدامات وكل ما أقول للسمكرى عاوز ارشها ولو من بره بس يقول لى أوعى تعمل كدة علشان بتققل من سعرها ..
فسمعت عن قلم ازاله الخدوش ..فيترى فيه حد جربه ؟؟وماهى النتيجه ؟؟ ولا الحكايه اشتغاله وخلاص
وشكرا مقدما

[Mostafa Bedo]

وﻻ ليه اي ﻻزمة مبيشلش غير الجروح السطحية لكن اللي انا اشتريته كان صيني ب 20 جنية مش عارف بقي في انواع اصلي وﻻ كله كدة

[طارق المحلاوى]

اشكرك على المرور والرد ...
اعتقد ان اللى موجود كله صينى ..بس انا شوفت حاجة تانية عبارة عن عدد 2 معجون بس مش عارف بيستعملوا ازاى !!
عموما فى انتظار تجارب اخرى من السادة الأعضاء

[iNjECTOR]

أولا انا مش عايز حضرتك تزعل على عربيتك من حالة الدوكو بتعها لان ده معظم حال اكثر من 90 من العربيات
ثانيا الراجل بتاع الدوكو ده راجل محترم ... واحد غير كلن قالك وماله تعالى نرشها علشان تبقى كويسة

ثالثا : ان هقولك على حل هيحسن من شكل العربية جدا من غير ما نلزق كربون او نلزق إستيكر بلون العربية
هتحتاج الادوات ديه وكلها موجودة فى كارفور المعادى














1- بداية لابد من ان تغسل سيارتك بالغسول بالزجاجة الاولى فى اقرب مكان من مكان الراجل الطيب بتاع الدكو اللى فى الغالب عنده جهاز البوليشر
بعد الغسيل مباشرة وبعد ماتوصل للراجل هتديله المنتجات اللى فوق ديه وترتيب إستخدامها كالتالى
بس بعد إذنك متخليهوش يعمل العربية كلها مرة واحدة حتة حتة (الكبوت - الابواب .... إلخ ) ومع كل منتج بعد إذنك يستخدم لبادة جديدة او بمسمار يشيل أثر المواد اللى على اللبادة :-
أ - زجاجة Polish and wax : وفايدة المنتج ده معالجة الحالة المزرية لدوكو العربية وبيعمل دمج جزئي لاطراف الخدش

ب - Polish wax color : طبعا هتجيب زجاجة بلون عربيتك مش : وفايد البواش ده ان هيلم اكثر بين اطراف الخدوش بس المره ديه على مستوى الخدوش الاكثر عمقا

ج - Sonax paste wax : العلبة الحمراء الاخيرة وديه علشان تعمل لامعة خيالية للعربية

د - Astonish Spray'n Shine : وديه اخر رجاجة وديه بقى لتفنيش وإعطاء لامعة اكبر

بعد إذنك تستخدم دايما فوط مايكروفيبر ومحظور الفوط الصفراء ولو الدنيا زنقت يبقى تيشيرت او فلنا قطن 100 %

طبعا فيه كام نصيحة :
1- ممنوع إستخدام المنظفات الاوانى لانها هتضيع كل اللى عملته فى اى غسلة
2- ممنوع غسل العربية فى المغسلة بمسدس المغسلة إلا الاجزاء السفليه من العربية لانها هتقصر عمر الحاحجات الللى انت عملتها والغسيل يتم عن طريق جردلين كبار جردل ميه وجردل فيه ميه مخلوط عليها غسول العربية
3- غطى دايما العربية بمفرش مانع المطر لانه بيحافظ اكثر على العربية


الحكاية ديه المفروض هتعملها كل 6 أشهر بمواعيد ثابته

------------------------------
طيب والجروح العميقة :
هتجيب كوريكتور من اى مكتبة من النوعية اللى بتتفتح من فوق وبعد ماتفضيه وتغسله بتنر من عند اى حد بتاع حدايد وبوهيات هتروح لبتاع دوكو وهيعملك تمن كيلو بلون عربيتك وتملى الكوريكتور بلتمن ده او بجزء منه وهتعدى على كل الجروح العميقة بس بعد إذنك ضيف اكثر من طبقة للخدش لغاية ماتحس انه بارز تانى يوم هتروح تانى لبتاع الدوكو وبصاروخ التلميع وبالبوليش اللى بلون العربية وبالصوروخ هتساوى الجرح مع الدوكو مع لون البولش ومش هتصدق ان اصلا كان فيه هنا اصلا جرح


تحياتى

[amhhma2003]

iNjECTOR
موضوع رائع بس متعب لو اتعمل فى البيت

[akmm]

شكرا للتقرير .............. رائع .

[طارق المحلاوى]

الأخ العزيز injector
اشكرك على المشاركة المفيدة جدا جدا....
بس الحكاية كدة تبقى وسعت قوى.. وانا عاوز حاجة بسيطة وسريعة..
مرة اخرى شكرا على المرور ..