ياريت اللي يعرف سبب المشكلة دي وحلها يقولي يا شباب

[msheta]

السلام عليكم ورحمة الله
أنا معايا هيونداي فيرنا موديل 2007 لونها فيراني وكانت محافظة على لونها لغاية من سنتين تلاتة بدأ السقف زي يجير أو يجرب وزاد بالتدريج لغاية ما بقى دلوقتي السقف والشنطة والكبوت بنفس المنظر.. المشكلة كمان إن الحتت اللي كده ملمسها خشن زي ما تكون طبقة جير فعلا!
عايز أعرف ممكن ده يكون سببه إيه والحل يكون إيه يا جماعة؟؟

[khaled_yassin]

متابع لان عندى نفس المشكلة ونفس الموديل

[eng_amg]

للأسف حتلاقي الكلام دا في السيارات ذات الفئة.... يعني.. نسميها ما دون 100،000 جنيه
الدهانات بتكون رديئة ورخيصة فبتبوظ مع الشمس والرطوبة
انا معايا لانوس 2012 وبدأت تعمل كدا من السقف
وايضا افيو 2007 ونفس الموضوع. وزميل لي معاه افيو أيضا..

الحاجات دي مش حتلاقيها في الفئات الأخرى إلى فوق 100 أو 150 الف إلا بعد 10 سنوات على الاقل من المعاملة الشاقة

[Ahmed Tarek 00]

اكيد المياه والشمس انا عندى نفس المشكلة

[iNjECTOR]

طبعا مش عايز حضرتك تزعل ولللاسف زى مالاستاذ الكريم eng-amg قال الحاجات ديه بتحصل فى فئات العربيات اللى اقل من 100 ألف وطبعا اللى حضرتك شيفه من تغيير عبارة عن اكسدة حادة
طيب فيه حل --- اه فيه حل
1- لازم تلاقي جراج مقفول من فوق او على الاقل غطاء Water Proff
2- هتشترى الزجاجتين دول من كارفور المعادي او من بعض الهايبر من جنب حضرتك :-




الزجاجة اللى فوق هتغسل بيها العربية كلها تمنها تقريبا 40 جنيه هتقعد معاك حوالى 8 إلى 10 غسلات وبعدين هتشتري الزجاجة ديه اللى برده هتلاقيها فى كارفور المعادى




هتروح بالزجاجة ديه وهتشترى لبادة صارخ تلميع حجم 7 بوصة وهتروح لبتاع الدوكو فى نفس يوم الغسيل ويستحب مباشرة بعد الغسيل

- إن شاء الله مع كل حتة الراجل بتاع الدوكو هيعملها هتلاقي احة ديه تشوف فيها وجه حضرتك ربنا يحفظك منور فيها وهتبسط جدا من دوكو عربيتك


موفق بأذن الله وهستأذنك علشان الاخوة هنا يستفادا ياريت تصور عربيتك قبل الموضوع وبعده طبعا

[msheta]

شكرا لكل الردود.. أنا توقعت إن المشكلة تكون بسبب الشمس فعلا..

الأخ العزيز injector شكرا جزيلا لذوقك ولمعلوماتك القيمة..
كنت عايز أعرف كمان سعر الزجاجة التانية ولبادة صارخ تلميع - كده صح؟ - اشتريها منين ؟
إن شاء الله هحط الصور قبل وبعد لما أعمل الموضوع ده
دعواتكم

[الاسد المهاجر]

طب وده هيرجع اللون ولا هيداري بس
معلومات قيمه

[iNjECTOR]

لاداعي للشكر ....
اللبادة تمنها هيتراوح من 15 إلى 25 جنيه حسب المكان اللى هتشتريه منه وطبعا هتلقيها عند إما بتوع البوهيات او فيه شارع مش فاكر غسمه دلوقتى متفرع من شارع رمسيس مشهور جدا بالمعدات
الزجاجة التانية تمنها تقريبا 90 جنيه معلش غالية شوية طبعا بس بالاستخدام الحكيم ممكن تقعد معاك فترة اطول لانك بعد كده ممكن تستخدمها فى معالجة الخدوش الصغيرة

اهم حاجة انك تشترى علبة شمع سوناكس
\

اللى هتلاقيها 98 جنيه على ما اتذكر وديه بقى لو عملت كل مره هتغسل بيها العربية هتعقد معاك من 9 شهور لغاية سنه المهم انك بس تشبر الدو بالشمع ومتخدش كمايات كبيرة
---------------------------------
اخى اسد المهاجر :
طبعا انا كده مش بدارى لا طبعا .. انا كده بشيل طبقة الدوكو اللى حصلها اكسده وبلمع الطبقة اللى وراها وكمان بحط طبقة شمع وحمايه هيقعد تقريبا من 3 إلى 5 اشهر

[Ahmed Tarek 00]

متابع