ارجو الافاده عن سعر النترا ٢٠١٠ رشه الناحيه اليمين من الشنطه

[ppiitt]

رجو الافاده عن سعر النترا ٢٠١٠ رشه الناحيه اليمين من الشنطه من جوه يعنى او بمعنى اصح انا شفت هونداى النترا كامله اتوماتيك موديل ٢٠١٠ فيها خبطه من كبوت العربيه اثرت على الشاسيه حاجه بسيطه جدا جدا دون رش اى جزء ورحت المحطه قيست الزوايا الاماميه طلعت مضبوطه مفيش تاثير على العجل ومن ورا فيها خبطه من الناحيه اليمين وتم استعدالها من الفرده اليمين اللى ورا وفى رش من الشنطه من جوه فوق الحته اليمين وبرضه الزوايا طلعت تمام للعجلتين اللى ورا لان الخبطه لم تقترب الى الميزان الخلفى العربيه السليمه نفس الموديل بتعمل حوالى ٩٠ الف جنيه دى ممكن تنزل كام عشان الحاجات دى او بمعنى اخر الخبطتين دول ينزلوا من العربيه كام ارجو منكم الافاده ولكم الف الف شكر

[ppiitt]

فى امتظار ردكم يا اصحاب الخبره علما باننى كنت فى سوق العربيات مدينه نصر وكنت مع التجار وشافو العربيه وقالوا عادى العربيه بتتباع بس بتنزل فى ثمنها شويه همه قالوا ممكن من ٦٠ الى ٧٠ الف يعنى تنزل من ثمنها من عشره الى ١٥ الف الكلام ده صحيح ولا لا ارجو تحديد سعر للعربيه بحيث اكون بعيد عن المخاطر

[ppiitt]

علما بااننى ساشتريها لان كل حاجه ليها سعر هيه بس فى اعاده بيعها بتنزل شويه زى ما انا هشتريها برضه بسعر اقل لانها لاتؤثر على مشى العربيه او مشاكل فى الاستخدام

[ppiitt]

يامسهل يارب اين الاستشاريين واهل الخبرهفى انتظاركم

[gigomiko]

60 الف كويس قوي عليها

[ppiitt]

اعتقد لو ٦٨٠٠٠ كويس

لكن سعر ال ٦٠٠٠٠ ده سعر فيرنا او ممكن يكون اقل كمان وبعدين كثر خيرك يااخى العزيز على الرد ولكن معقوله عدد مشاهدات كثير ومفيش غير رد واحد فقط بس فى انتظار ردودكم يااهل الخبره

[mhamad ghany]

جرب لينك طلب التسعير اللي في المنتدى في قسم بيع وشراء

[gigomiko]

حضرتك العربية فيها نوعين من العيوب في الاساسيات رشة دواخل ال هي الشنطة و الشاسيه مخبوط و فيه استعدالات يبقي 60 الف ده سعر طبيعي جدآ للحالة