اسعار السمكره و الدوكو مهذله

[EgyArmy]

بسمع عن ارقام غريبه فى السمكرة و الدوكو
محتاج اعرف سعر سمكرة عتبتين و باب و رفرف كلهم فيهم حكات متوسطة
السعر هيكون من كام لكام كدة ؟
و الدوكو لو رشه نضافه خفيفه جدا هتعمل من كام لكام كدة
و سؤال اخير
محدش يعرف ميكانيكى سيتروين فى اسكندرية قريب من العجمى يكون كويس او بنزينه بتكشف بما يرضى الله

[Abo_Mazen]

هي أسعار الدوكو هي اللي فيها مبالغه فعلا ..يعني تلاقي شغل ممكن أي حد يعمله قدام البيت عنده بيتاخد فيه ألف وألف وميتين كمان ..مش عارف أنا بصراحه إيه الهبل ده

[EgyArmy]

هي أسعار الدوكو هي اللي فيها مبالغه فعلا ..يعني تلاقي شغل ممكن أي حد يعمله قدام البيت عنده بيتاخد فيه ألف وألف وميتين كمان ..مش عارف أنا بصراحه إيه الهبل ده

عندك حق يا رفيقى
و السمكرة برضه حتى لو على البارد و تقدر انت تعملها بنفسك بيطلبوا مبالغ رهيبه

[Abo_Mazen]

عندك حق يا رفيقى
و السمكرة برضه حتى لو على البارد و تقدر انت تعملها بنفسك بيطلبوا مبالغ رهيبه

مش زي البوهيجي ياصاحبي ..والله تحس إن البوهيجي لما بيشوف الشغل وتسأله هيتكلف كام ويقعد يفكر كده على ما يقولك السعر تحسه إنه عمال يقول بينه وبين نفسه أستهبل في كام ؟؟أستهبل في كام ؟؟؟

[Zing0]

أنا فى الدوامة دى بقالى 4 شهور
بسأل على السمكرة و الدوكو
بالنسبة للسمكرة سمعت أسعار من 200 ج إلى 1700 جنية (متأكد من الأرقام مش نايم)
و كلهم يقولولك هنعملك اللى ميتعملش

و الدوكو قالى مصنعية 500 و المون عليا
أو 1300 و يقوم بالشغل كله بس بيشترط يوديها لسمكرى تبعه !!! (إتهرينا من الشغل ده يا بلدينا)
واحد تانى قالى هأخدمك... سمكرة و دوكو 1200 ج (تقريباً ده هيسمكرها بالمعجون) !!!
واحد ثالث بيقول 1700 زى السمكرة
(و للعلم مش هأرش ميتالك و لا خلط ألوان يعنى ده أقل القليل )

اللى فهمته لما سألت واحد زميلى فى الشغل معاه تاكسى, قالى الصنايعى تروحله و هو فاضى, لو مشغول متروحش
و أسعار الزبون بتختلف من واحد للتانى على حسب "شكل الزبون", يعنى اللى شكله يدى على محترم أو إضطرته الظروف القهرية إنه يكون إبن ناس, هيتعمل عليه أحلى شغل (زى أبو 1700 ج سمكرة بس)
و بأقوله يا أسطى يعنى أصرف لى 3500 ج سمكرة و دوكو و فك فرش و كهربا؟ مش كتير؟
يقولى ده فيه واحد لسه صارف 14000 جنية فى سيراتو
قولتلو طيب دى مش سيراتو و ثمنها كلها على بعضها ميجيبش الـ 14000 دول . أعمل إيه؟

[Abo_Mazen]

أنا فى الدوامة دى بقالى 4 شهور
بسأل على السمكرة و الدوكو
بالنسبة للسمكرة سمعت أسعار من 200 ج إلى 1700 جنية (متأكد من الأرقام مش نايم)
و كلهم يقولولك هنعملك اللى ميتعملش

و الدوكو قالى مصنعية 500 و المون عليا
أو 1300 و يقوم بالشغل كله بس بيشترط يوديها لسمكرى تبعه !!! (إتهرينا من الشغل ده يا بلدينا)
واحد تانى قالى هأخدمك... سمكرة و دوكو 1200 ج (تقريباً ده هيسمكرها بالمعجون) !!!
واحد ثالث بيقول 1700 زى السمكرة
(و للعلم مش هأرش ميتالك و لا خلط ألوان يعنى ده أقل القليل )

اللى فهمته لما سألت واحد زميلى فى الشغل معاه تاكسى, قالى الصنايعى تروحله و هو فاضى, لو مشغول متروحش
و أسعار الزبون بتختلف من واحد للتانى على حسب "شكل الزبون", يعنى اللى شكله يدى على محترم أو إضطرته الظروف القهرية إنه يكون إبن ناس, هيتعمل عليه أحلى شغل (زى أبو 1700 ج سمكرة بس)
و بأقوله يا أسطى يعنى أصرف لى 3500 ج سمكرة و دوكو و فك فرش و كهربا؟ مش كتير؟
يقولى ده فيه واحد لسه صارف 14000 جنية فى سيراتو
قولتلو طيب دى مش سيراتو و ثمنها كلها على بعضها ميجيبش الـ 14000 دول . أعمل إيه؟
:copy of majd(4)::_alshmokh11:

يعني هي قصة عقده من اللي راكبين العربيات ..هما متخيلين إنك راكب عربيه تبقى حرامي ولازم تدفع دم قلبك ..طيب أنا سمعت إن الصنايعية في دمنهور أسعارهم حنينه وكويسه ..صحيح الكلام ده ؟؟؟أنا بسأل على دمنهور عشان أنا من إسكندرية ..فدي أقرب حاجه ليا

[EgyArmy]

أنا سمعت برضه من أصحاب المشاريع عندنا فى أسكندريه ( الميكروباصات يعنى )
أنهم لما بيحبوا يعملوا أى حاجة بيروحوا دمنهور و ليا واحد صاحبى هناك كهربائى سيارات
بس مش عارف أسعارهم عاملة أزاى

[Abo_Mazen]

أنا سمعت برضه من أصحاب المشاريع عندنا فى أسكندريه ( الميكروباصات يعنى )
أنهم لما بيحبوا يعملوا أى حاجة بيروحوا دمنهور و ليا واحد صاحبى هناك كهربائى سيارات
بس مش عارف أسعارهم عاملة أزاى

طيب ما تعس لنا كده طيب وتشوف الدنيا ماشيه إزاي هناك ..وفين بالضبط في دمنهور

[EgyArmy]

طيب ما تعس لنا كده طيب وتشوف الدنيا ماشيه إزاي هناك ..وفين بالضبط في دمنهور

هتصل بصاحبى كهربائى السيارات ده إنهاردة ان شاء الله بالليل و هرد عليكم بكره بالكتير

[miam0502788391]

اقولك على حاجة
من سنتين واحد كان معاه فيرنا زيرو قام واحد خابط له الباب اليمين الخلفى من عند الاكره وطبعا اخد معاه الفجوة اللى فوق العجلة
السمكرة لازم ولابد تسخين مش هتنفع على البارد
راح لواحد سمكرى قاله كام
1000 جنيه بس فى حتة 30 *30 سم يوم ما تزيد معاه يومين شغل
طبعا ده من سنتين
شوفت الاسنهبال

[EgyArmy]

نفس الاسعار يا رجاله يعنى متستاهلش بس الراجل بيشكر فى شغلهم

[hardmind_doc]

بص ياسيدى
انا عملت سمكرة ودوكو لعربيتى من شهر تقريبا بس كان فيها شغل كتير شوية
سمكرة 1500
الدوكو 2200 ميتاليك وقول كمان 400 جنيه شوية هبشتكانات على كهرباء على فك وتركيب الفرش وكده
بس الحمد لله العربية رجعت زيرو

[amr011111]

اسعارهم غاليه جداً ويمكن ساعة شغله اعلى من اى حد معاه مؤهل عالى من غير ذكر مؤهلات علشان محدش يزعل
الحاجه التانيه رغم الفلوس الكتير اللى بتدخل لهم الا نه مش بيبان عليهم

[mk3]

انا فى الحالات دى اوديها لمركز ياخد نفس اسعارهم ويمكن اكتر بس ابقى عارف ان دى اسعار ثابته فى المركز ومش بيتعمل عليا شغل حسب شكلى وشكل عربيتى

[فتح الباب]

استهبال الصنايعيه ليس على حسب المظهر انما على حسب اهتمام ولهفة وفيمة العربيه عندصاحب العربيه امام الصنايعى ملخص كلامى اى حد يروح لاى صنايعى يقوله انا عايز اعمل كذا وكذا الاماكن اامراد تصليحها فقط وبدون مبالغه وما تقولش للصنايعى الحته دى هترجع زى الاول ولا لا سواء كانت سمكره او دوكو ٠٠٠٠٠٠ جربو كده وقولولى على نتيجة اى اتفاق فى اسعار المصنعيات