انا اشتريت ابيزل و لقيت المنظر ده

[the masked]

الحقوني يا جدعان
انا اشتريت ابيزا 94 و لقيت المنظر ده



المشكلة ان سمكري معرفة بصلي عليها مرتين و قالي الدواخل زي الفل


ده ايه يا جدعان و الحل ايه

[mk3]

متابع

[the masked]

انا روحت لسمكري قالي " ياعم خضيتني انا افتكرت انها جايبة شاسيه"

دي حاجة عادية كل الابيزا عاملة كده و بتتلحم بس بس ماتترشش , الشاسيه مافيهوش حاجه ده مكان اللحام اللي بيربط الشاسيه في الجزئ اللي فوق ده نسيت اسمه
هل الكلام ده صح

[the masked]

يا جماعة الخير الناس اللي عندها نفس العربية قولولي اعمل ايه في الموضوعع ده اسيبه ولا اعمل فيه حاجة

[ViLMoS]

يا جماعة الخير الناس اللي عندها نفس العربية قولولي اعمل ايه في الموضوعع ده اسيبه ولا اعمل فيه حاجة

السلام عليكم
ده حال كل الابيزا من 94 حتي 99
ده اسمه الشاسية مفتح
وده طبعا بيقلل من ثمن العربية
والحل انك لازم طبعا تلحمه وياريت يتلحم كهرباء علشان ميفتحش اكتر من كده وبعدين بتحط علي اللحام ده طبقة عازل علشان الصدا
ولو نويت تبيع العربية طبعا بتبيعها علي العيب ده
علشان كده بنقوول نصيحة لكل اللي عاوز يشتري ابيزا انه يصبر لان العربية دي بالذات لما بتلاقيها حالة نضيفة بتكوون نادرة

والتفتيح ده بييجي نتيجة ان العربية طبعا بعد الهري والنكت فيها طبعا العفشة بتتاثر وبعدين مع الاهمال في تصليح العفشة يبدا الشاسيه في تلقي كل الصدمات واللي انت شايفه ده ناتج طبيعي للاهمال

[mohammad isdf]

بس معنى كده انها مهلوكة وصاحبها مكنش كارمها

[Abo_Mazen]

بس معنى كده انها مهلوكة وصاحبها مكنش كارمها

ما أنا مش فاهم يعني إيه كل الإبيزا كده ..وفي ناس قالت لحضرتك عادي وسيبها ..وبعدين بيقولوا دلوقتي لازم تتلحم ؟؟؟؟