ممكن حد يقولى الخبطه دى هتتكلف كام ؟

[a raafat]

السلام عليكم
كل سنه وانتوا طيبين وعيد سعيد عليكوا

النهارده للأسف وانا بطلع بالعربيه من الجراج وبرجع لورا ولافف الدركسيون كله لليمين وش العربيه بتاعى حدف شمال وريح على باب تاكسى كان راكن جنبى والباب دخل لجوه ممكن حد من حضراتكم يقولى رايه فى الخبطه دى وهل هتترد على البارد بس ولا ايه وتكلفتها فى حدود كام ؟ لان انا طبعا هعرض على صاحبها اعملهاله

[a raafat]

ايه يا جماعه 38 مشاهده ومفيش ولا رد !
هوه السؤال صعب اوى للدرجادى ؟ انا شايف ان اى حد يشوف الصوره هيقدر يحدد التكاليف ياريت حد يرد عليا !

[kaza]

250-300جم سمكرة ودوكو وفي يوم تخلص

[A7medelfe2y]

مش هتحتاج بويه ياباشا ان شاء الله بس هيبقي فيه اثر بسيط
والسمكري ياخد 100 اخره ويبقي كتير كمان لو عندنا في طنطا والله مديله غير 50 ج لانها تتعمل في اقل من ساعه
بس لو سمكري غشيم يبقي هتحتاج بويه

[a raafat]

شكرا يا جماعه على الرد والاهتمام
هوه كان فيه واحد شاف الصوره قالى تترد عالبارد والسمكرى كبيره ياخد 50 جنيه !
يلا قدر الله وماشاء فعل عامة انا كتبت ورقه اعتذرتله و قولتله ان انا اللى عملت كده ويقدر يتصل بيا واتحمل تكلفة اصلاحها وسيبتله رقمى ولزقتها على الازاز من قدام
والولد اللى فى الجراج قالى انه راجل محترم وممكن مياخدش حاجه لانه كده كده كان ناوى يدخلها عمره كامله بس انا عملت اللى عليا برده