تكلفة رش هيوانداي أكسنت 2006 ؟!

[akont]

السلام عليكم و رحمة الله و بركاته

معلش يا رجالة هزعجكم شوية ... بس موضوع مهم جداً و محتاج أعرف الرد في أسرع وقت بعد إذنكم .

في عندنا عربية هيونداي أكسنت 2006 ... كانت أتخبطت من الجنب اليمين قدام و الحمدلله أتردت و المقص أتظبط و كله تمام ، بس المشكلة في شكلها أتجرحت !!! و عايزين نداري التجريح ده !

فسألنا قالولنا لازم تترش كلها !!!! أنا كنت فاكر أنه ينفع نرش بس الكبوت و خلاص ، باقي العربية مفهوش حاجة ... لكن اللي أتقال أنها لازم تتعملها سمكرة و تترش كلها من جديد !

فسؤال لحضراتكم كالتالي :

1- هل لازم العربية كلها تترش من جديد علشان يبقي اللون واحد علي كل أجزاءها ؟ ولا اللي قال كدة عايز يعمل مصلحة و بيشتغلنا ؟!

2- مدة الرش قد أيه ؟!

3- تكلفة الرش _ و هو ده السؤال المهم _ كام بالظبط ؟! أرجو تحديد المتوسط الطبيعي .

.................................................. .......................

أحنا الحمدلله معندناش أي خبرة مع السمكرية نهائي ... فعلشان كدة قلت أسألكم هنا :)
و لو حد يعرف ورشة سمكرة كويسة و حابب يدلني عليها ، أتمني ذلك :) بس تكون في القاهرة طبعا.

أســـــــــف للاطالة و في أتنظار ردكم علي أحر من الجمــــــــــر

[amr011111]

لا مش لازم كلها ممكن ترش العربيه كلها ما عدا السقف
او الكبوت فقط وباقى العربيه تتلمع عادى
بالنسبه للتكلفه للحزام ممكمن تكون من 1200 لـ 1400 جنيه
وهتسمع اسعار اكتر من كده بكتير بس هيبقى نفس الشغل ونفس الجوده
الفرق هيبقى فى المكان انك مثلا رايح مركز خدمه

[akont]

لا مش لازم كلها ممكن ترش العربيه كلها ما عدا السقف
او الكبوت فقط وباقى العربيه تتلمع عادى
بالنسبه للتكلفه للحزام ممكمن تكون من 1200 لـ 1400 جنيه
وهتسمع اسعار اكتر من كده بكتير بس هيبقى نفس الشغل ونفس الجوده
الفرق هيبقى فى المكان انك مثلا رايح مركز خدمه

تسلم يا كبير علي الرد ... اللي فهمته أني لازم أخدها ورشة و هو يقيم التكلفة و هتحتاج أيه بالظبط :)

طيب تعرف ورشة كويسة و أصحابها محترميين في القاهرة ؟! أو مكان معين تنصحني به ؟!

في ورش جنبنا هنا بس مضمنهمش ... الله أعلم ممكن يعملوا أيه في العربية !