عايز نصائح ف رش العربية

[moody_687]

انا اتعاقدت مع مركز المصرية الاوربية لصيانة السيارات بالاسكندرية ع رش عربيتي مع سمكرة الداير وبعض الخبطات البسيطة
المهم هتتكلف ٥٠٠٠ ج وقالي هتترش ببوية اسكينز هولندي
دلوقتي انا لقيتهم مستخدمين معجون كابسي هل معجون كابسي ده كويس ولا ايه ؟؟
واعمل ايه عشان العربية تكون رشها نضيف والبوية متقبش ومتتقشرش من الشمس مع.مرور الزمن عليها
ارجو المساعده

[دعبدالرحيم]

خليهم يحطو معجون فيبر ..الكابسي دا هبل ينفع للحوائط بس ..امال هياخدو 5000 علي ايه ..

[moody_687]

خليهم يحطو معجون فيبر ..الكابسي دا هبل ينفع للحوائط بس ..امال هياخدو 5000 علي ايه ..

معجون الفيبر ده مش مخصص للاكصطدامات الفيبر بس ؟؟!!!
انا اقصد المعجون اللي محطوط ع صاج العربية عاما انا لقيتهم شغالين بمعجون كابسي ع صاج العربية فالمركز

[دعبدالرحيم]

حضرتك معجون الفيبر غير قابل للتشقق مع التعرض للشمس وهو الافضل لجسم السياره مش بس الاكسدامات..اسال عليه

[Ahmed abdkarim]

معجون الفايبر بيتمعجن بيه الاماكن اللى بتاخد معجون كتير وفيها تعريجات كتير علشان لو المعجون كتير ومستخدم معجون عادى حيضرب و يشقق مع الشمس انما عادى جدا انها تاخد معجون كابسى مفيش مشكلة

[moody_687]

طيب دلوقتي انا طلبت بوية اسكينز وهي هولندية الصنع
ولما سئلت ع الورنيش قالولي انهم بيستخدموا Body 699 وهو يوناني الصنع
ايه رأيكم كده ؟؟

[masawi88]

معجون كابسى ممتاذ جدا المهم البوية تكون سكنز و الورنيش كمان نفس نوع البوية

[Mohamed Desoky]

السلام عليكم ورحمة الله وبركاته وليه حضرتك مركز صيانه كان كفايه سمكرى كويس وصنيعى دوكو كويس والخامات انتى انزل اشتريها بنفسك وهات اللى يعجبك اهم حاجه سمعة الصنيعى تكون كويسه وكل حاجه قدام عنيك 5 الاف ده مبلغ يرجع العربيه جديده انا احب اعمل كل حاجه قدام عينى مفيش ثقه لاى حد صنيعى