علاج للخدوش

[Bmember]

السلام عليكم
هل يوجد اى علاج لمشكلة الخدوش للسيارة
هى العربية موديل 2015 لونها فيرانى و الخدوش هى خطوط لونها ابيض موجودة فى الرفرف و الكبوت

[Mohamed Desoky]

السلام عليكم
هل يوجد اى علاج لمشكلة الخدوش للسيارة
هى العربية موديل 2015 لونها فيرانى و الخدوش هى خطوط لونها ابيض موجودة فى الرفرف و الكبوت

مفيش حاجه فى مصر بتعالج الخدوش والخرابيش الصغيره انا حاولت اكتر من مره دعكت بلبوليش والكمبون ومفيش اى نتيجه لما دراعى وجعنى من كتر الدعك للاسف مفيش حل ؟

[sherif_mahalla]

مفيش حاجه فى مصر بتعالج الخدوش والخرابيش الصغيره انا حاولت اكتر من مره دعكت بلبوليش والكمبون ومفيش اى نتيجه لما دراعى وجعنى من كتر الدعك للاسف مفيش حل ؟

فضلت ادعك في الخدوش
لما الجني طلع من الشكمان هههههه

[Mohamed Desoky]

فضلت ادعك في الخدوش
لما الجني طلع من الشكمان هههههه

حلوه ياشريف

[Mohamed Desoky]

فضلت ادعك في الخدوش
لما الجني طلع من الشكمان هههههه

حلوه ياشريف انتى سمعت عن القلم السحرى كان فى اعلان مش فاكره عباره عن زى قلم الفلوماستر او الكركتر كده بترجه وتمشى على الخرابيش مش عارف يمكن كويس او فنكوش زى كل حاجه فى مصر ؟

[Bmember]

قالولى فعلا على القلم ده
ناس قالتلى ممكن الاقيه فى كارفور او فى شارع دمشق
واحد برضه من بتوع غسيل السيارات قالى عليه فى بنزينة موبيل اسمه قلم بويه
بس انا خايف استخدمه يعمل بقعة تبقى ظاهرة اكتر من الخدش نفسه



محدش جربه يقولنا عمل ايه

[Bmember]

افيدونا افادكم الله
معقول مفيش حل خالص

[ABOU YARA]

القلم كله نصب

[zeroten]

انتظروا اخواني في مشاركة خاصة سأعرض لحضراتكم طريقة ان شاء الله في علاج الخدوش نهائيا وستقوم بها بنفسك

[mahamiho9]

فى انتظارالرد

[baherhassan30]

انتظروا اخواني في مشاركة خاصة سأعرض لحضراتكم طريقة ان شاء الله في علاج الخدوش نهائيا وستقوم بها بنفسك

فين يا باشا
تعبنا من الانتظار

[zeroten]

فين يا باشا
تعبنا من الانتظار

كل الاسف اخي الكريم علي التأخر وكان بودي رفع فيديو ولكن المشاغل ؟؟؟

طريقة ازالة الخدوش الغير عميقة أو الخدوش الرفيعة البسيطة

أولا الأدوات ؟

صنفرة 5000 وصنفرة 3000 وشريط لاصق وبخاخة مية مليانة بها مليء غطاء حاجة ساقعة صابون سايل وبولش وواكس WAX ان توفر

طريقة العمل

1- تحديد الخدش وليكن الخدش بطول العربية وموازي للارض نحدده بطول الشريط اللاصق
2- نقوم ببخ كمية مناسبة من الماء المضاف ليه الصابون السايل علي الخدش
3- نقوم بحك الخدش بالصنفرة الــ 3000 بشكل عمودي عليه لو كان الخدش بالعرض مع استخدام البخاخة
4- نقوم بمسح منطقة العمل بقماشة قطنية باستمرار لمشاهدة النتيجة
5- سيختفي الخدش تدريجيا وعند اختفاؤه نهائيا نقوم باستخدام الصنفرة الــ 5000 بشكل دائري مع استخدام البخاخة لفترة بسيطة
6- نقوم بتنظيف منطقة العمل بماء عادي بدون صابون وتركها فترة بسيطة لتجف
7- يأتي دور البولش للتلميع بشكل كافي وتركه 15 دقيقة ليجف بحسب نوعه
8- ويأتي بعدها الواكس WAX للحفاظ علي البولش ومبروك عليك ازالة الخدش


[] ملحوظة هامة هذه الطريقة صالحة تماما ومجربة مع الخدوش البسيطة السطحية وليس الخدوش العميقة
[] يا ريت التجربة تكون في خدش جانبي مش ظاهر ولو مشي الحال علي البركة كمل علي باقي الخدوش

وشكرا وبالتوفيق ان شاء الله

[bahaa mohamed]

شكرا اباشا علي الطريقه ديه بس ايه هيا الصنفره ال ٣٠٠٠ و ال ٥٠٠٠ ديه

[zeroten]

شكرا اباشا علي الطريقه ديه بس ايه هيا الصنفره ال ٣٠٠٠ و ال ٥٠٠٠ ديه

مشكور اخي علي المرور

والصنفرة 3000 و 5000 ده كود ورقم بدرجة خشونة الصنفرة وكل الكود ما بقي عالي كانت الصنفرة ناعمة وكل ما بقي منخفض بقت خشنة وللأسف احنا هنا في مصر مش بناخد بالنا من الاكواد دي اللي هي في غاية الاهمية وبنقول للبياع صنفرة ناعمة او خشنة دون تحديد الكود بتاعها

وعلي فكرة اي صنفرة هتشتريها هتلاقي وراها مكتوب رقم

اهم حاجه ربنه يوفقك وتلاقي الاكواد دي وتنفذ الطريقة ..... بالتوفيق

[bahaa mohamed]

معلومه جديده عليا و شكرا علي الرد السريع