الستيكر مش عايز يتشال !

[pro_samir]

طيب يا جماعة مفيش حل لشيل الأستيكر نفسة بطريقة سهلة لأنة لازق جامد ورخم جدااا مش عارف أشيلة اصلا

مفيش أى حاجة كيميائية تسيح الأستيكرات او تخلى شيلها سهل سواء على الأزاز أو الصاج ؟

[MoToRiZeR]

هو خامته إيه ؟

[hossam_elwani]

نقطة تنر وحيتشال هوا

[pro_samir]

هوا مش باين بالظبط بس بلاستيك تقيل أو جلد مش عارف
ممكن تكونو شوفتوة قبل كدة هوا عبارة عن استيكر ابيض مربعات صغيرة كدة بيتلزق على الشماسة

هجرب كدة التنر ان شاء الله

بس سمعت ان فى مزيل مخصوص للحاجات دى بمجرد ما يتدهن بية الأستيكر بيفك لوحدة ؟
حد سمع عن حاجة زى كدة ؟

[MoToRiZeR]

انا مسمعتش الصراحة عن المزيل ده
بس ممكن تجيب إزازة مياه سخنة و تفضل تدلقها عالستيكر و تشيله واحدة واحدة لحد ما يتخلع
دي الطريقة اللي بيتعمل بيها debadge اللي لقيتها علي كل المواقع الأجنبية .. و بيشيلوا بيها كل الملصقات بما فيها الملصق الفضي بتاع ماركة العربية و الموديل .. و انا جربته و شلت حاجات كتيرة كدة تمام .

بعد كدة بقطنة و تنر تشيل أثاره عالصاج .. و فيه حاجة بقي انا جربتها كانت أجمد من التنر و شالت الأثار بسرعة

الكومباوند !

[pro_samir]

جربت التنر على استيكر الشماسة محوقش فية خالص

هجرب ان شاء الله موضوع المياة السخنة و فى واحد والدى قالى علية تخصص لزق استيكر لا غير هسألة علي موضوع المزيل دة باذن الله يوم تانى لأن كان عندة زحمة

[MohaMed_Refaat]

جربت التنر على استيكر الشماسة محوقش فية خالص

هجرب ان شاء الله موضوع المياة السخنة و فى واحد والدى قالى علية تخصص لزق استيكر لا غير هسألة علي موضوع المزيل دة باذن الله يوم تانى لأن كان عندة زحمة

شوف كدة البكرى اللى فى سيجر هو متخصص فى لزق وشيل الاستيكرات .
وعنوانة سيجر بعد المدينة الجامعية اول شارع على اليمين .

[pro_samir]

انا لسة طالع من تحت بقالى شوية .. مسكت سكينة معجون وفرمتة انا واخويا قعدنا نبدل علية لحد ما خلص ، كنت متغاظ منة جداا

بلا وجع دماغ

على فكرة البكرى دة اصلا بتاع دعاية ويفط وكدة وبيعمل برضو استيكرات لأن عندة البرنتر بتاعتها
انا اعرفة شخضيا وانصح اى حد مش عايز شغلة يخلص انة يتعامل معاة ، اسمة أمير اللى ماسك الشغل عندة
لكن فى الأستيكرات والحاجات الخفيفة دى شغال بيطبع عادى

[mohamed_mohsen]

wd-40
و اتشال في ثواني