إعـــــــلان

Collapse

.

,
See more
See less

ياريت انواع واسعار بويات السيارة الميتاللك

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    ياريت انواع واسعار بويات السيارة الميتاللك

    ارجو معرفة
    - انواع الدهانات المستخدمة فى رش السيارات ( بوية فرن ) واسعارها
    - وتكلفة رش السيارة بالكامل فى حدود كام
    - لو ها روش السيارة بالكامل لانى مغيير رفرف وكبوت اسيب الحوض زى ماهو ولا ممكن ارشه للنظافة .
    - معروض عليا ارش العربية ببوية اوميجا ميتاللك وهاتتكلف تقريبا فى حدود 1700 فهل هذا الرقم مبالغ فيه .
    الكلمات الدلالية (Tags): 20, 323, 40, 50, اسعار, السيارة, الشمس, الميتاللك, انواع, بدون, بويات, خدمة, سعر, سيارات, سيارة, عربية, غالية, في, كبوت, كل, مركز, مصر, مع, هل, هي, واسعار, ورش, ياريت
  • #2
    سكينز تعتبر احسن البويات الميتاليك الموجودة فى السوق وسعرها يتراول ما بين 800 الى 1000 جنيه للكيلو, والعربية تقريبا بتاخد 2 كيلو الا ربع ودة طبعا غير الصنايعى والفرن.
    اياك ورش الحوض لانه بينزل من سعر العربية جدا, طالما العربية مش مخبوطة فى الحوض يبقى مترشوش.
    مش عارف الاوميجا نظامها ايه بس لما تشترى اى بوية هات الورنيش مستورد لان الورنيش هو الى بيدى اللمعة للعربية وبيحافظ على البوية لفترة اطول واعذرنى لقصر معلوماتى.
    [CENTER][SIZE=3][B][FONT=Arial Black]"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"[/FONT][/B][/SIZE][/CENTER]

    Comment

    • #3
      يا تري الورنيش ده عباره عن طبقه بتترش بعد الطلاء :?:
      و لو هوه كده فعلا ممكن ارش العربيه ورنيش بس لارجاع اللمعان

      كان عندي كام نقره صغيره و دكه في العتبه اليمين كل الناس بتقولي ما تعملهمش بس خانقني لو عملتهم علي البارد هل ده معناه اني مش لازم ارش اللي اتاكدت منه ان العتبه طبعا لازم تترش

      و شكرا علي حسن استماعكم :lol:
      [SIGPIC][/SIGPIC]

      Comment

      • #4
        نصيحه لله
        متجيش جمب العتب لأن مفيش حد بيعرف يظبطه تاني وسيبها زي ما هيا
        [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
        [COLOR="Olive"]قال رسول الله صلى الله عليه وسلم :[/COLOR]
        [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

        Comment

        • #5
          بص يا عم هانى تلميع العربية بيبقى من غير الورنيش فيه بوليش للتلميع و أنا متعود ألمع عربيتى كل فترة لأنها سودا و ما ادراك ما الأسود فى مصر المحروسة اما الورنيش ده فده اللى بيسبت البوية الميتالك و يديها اللامعة بتاعتها و موضوع التلميع ده باعملوا فى بورسعيد و بيتكلف حوالى 70 جنيه بس العربية بتبقى بعديه عروسة و لحد دلوقتى لمعت مرة واحدة و بتاع الدوكو بالمرة بياخد معاه الخدوش الخفيفة و بتبقى العربية تحفة أما بالنسبة للعتب ما حدش هايعرف يعمل فيها حاجة لو علبة مقفولة أما لو مفتوحة فهاتبقى عاوزة سمكرى كويس و اللى أعرفه و ممكن يعملها برده فى بورسعيد بحكم شغلى هناك و آسف للإطالة. و يارب أكون أفدتك.
          و رمضان كريم
          هانى أبو عبدالرحمن
          [SIZE="3"]م / هانى أبو عبدالرحمن [/SIZE]
          :satelite:

          Comment

          • #6
            جزاك الله كل خير
            همه في مركز الخدمه قالوا لي انهم ممكن يعملوها و ترجع كويسه مش عارف حاجه اسمها شفط
            [SIGPIC][/SIGPIC]

            Comment

            • #7
              يبقى العتب علب يا باشا و كده مفيش سمكرى يعرف يعمله و بالنسبة للشفط فى واحد فى الحرفيين بس ما أعرفش فين و لا إسمه إيه ممكن تسأل كريم منير ممكن يكون عارفه و التلميع بيخلى العربية جديدة تماما خصوصا لو سوده المهم يبقى الصنايعى كويس و أى خدمة يا هن :D
              [SIZE="3"]م / هانى أبو عبدالرحمن [/SIZE]
              :satelite:

              Comment

              • #8
                يا جماعة احسن حاجة بعد ما العربية تتغسل كويس و اي مركز للعناية بالسيارات يبقي تتشمع بمادة كده بتعمل عازل بين سطح العربية و العوامل الجوية و المادة دي اما سبراي او مثل الورنيش و افضلها نوع امريكي اسمه ترتلز و علي غلافه رسمة سلاحف تستخدمه و تنسي اي اتربة علي العربية لانه بيزحلق الاتربة او بفوطة صغيرة تلاقي الاتربة في خبر كان
                التشميع ميزته انه بيحافظ علي لون العربية الحقيقي و العربية تحتفظ برونقها لاطول وقت ممكن



                محمد فهمي
                (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

                [SIZE=4][COLOR=navy]محمد فهمي[/COLOR][/SIZE]

                Comment

                • #9
                  بص ياسيدي

                  أولا عربيتك 323 تاخد كيلو نص بوية و (كيلو ورنيش و نص كيلو مصلب) يترشوا يعد البوية على طول في الفرن

                  و السعر اللي انت سمعتة دة 1700 جنية كتير جدا في رش العربية بوية أوميجا
                  وبالذات ان اللي انا فهمتة ان العربية مافيهاش شغل كتير و انك بترشها نضافة يعني مانتاش مسمكرها و لا جايبها عالصاج

                  وموضوع العتب دة ممكن تعملة و ترشة على قدة بس بدون ماترش اي حتة تانية في العربية

                  و اياك ثم إياك انك ترش حوض العربية

                  مافيش حاجة اسمها رش نضافة لحوض العربية

                  دي كلمة ابتدعوها تجار العربيات علشان يداروا ان العربية مرشوشة لحادثة
                  و اأكد علشها بتوع الدوكو علشان يسترزقوا

                  لو عاوز ترش العربية ب 800 او 900 جنية روح أربعه و نص من على طريق السويس و خش يمين قبل الجامع في شمال و اخر الشارع يمين و بعدين إسأل على "علي دوكو" و قولة انك صاحب أدهم و عاوز ترش العربية بوية فرن أوميجا و قولة أدهم بيقولك و فر و ماتعليش في العربية و قولة ان انا قلت لك ان على حايعملها ب 800 او 900 جنية
                  و الواد دة شغلة نضيف بس انت ماتتكلمش معاه كتير و فهمة انك عاوز شغل نضيف و ماتدفعش غير نص التكلفة عربون و الباقي عند الاستلام ماترغيش كتير معاه علشان هوة خبيث و حايشتغلك في الفلوس لو حس انك مش فاهم قوي و زبون

                  كيلو البوية الأوميجا بحوالي 60 جنية او 70 جنية و الورنيش بيبقى أغلى شوية ماتخليش الناس دي تشتغلك

                  ولو عاوز بوية نضيفة و مش غالية فية بوية علي عارفها اسمها سبيس هيكر ألماني بنجيبها من الحرفيين من ممدوح بتاع البوية قول لعلى أدهم بيقولك اعملها سبيس هيكر و مش حاتزيد غير يمكن 100 او 150 جنية بالكتير

                  Comment

                  • #10
                    ويا تر يا ا/ borgelharm
                    التشميع دا ينفع انا اعمله ولا لازن واحد بتاع دهان ورش
                    وبيتباع فيه وتمنه كام؟
                    وشكرا مقدما

                    Comment

                    • #11
                      على فكرة البولش بتاع تلميع العربية بيتعمل للعربية كلها ب 30 جنية بالكتير وممكن ب 25

                      مش لدرجة 70 جنية أبدا حرااام

                      Comment

                      • #12
                        المشاركة الأصلية كتبت بواسطة Adham
                        على فكرة البولش بتاع تلميع العربية بيتعمل للعربية كلها ب 30 جنية بالكتير وممكن ب 25

                        مش لدرجة 70 جنية أبدا حرااام
                        معلش نسيت أقول إن كان فيه حاجات تانية مع التلميع و كمان ده شامل سعر تمن بوية سكينز ميتالك نفس لون العربية و بقشيش الصبيان :D
                        [SIZE="3"]م / هانى أبو عبدالرحمن [/SIZE]
                        :satelite:

                        Comment

                        • #13
                          ثمن كيلو بوية فرن ميتاليك + ورنيشها و مصلبها لو ماركة سكينز تمنها فوق ال 100 جنية لوحدها

                          دي اكيد بوية اوميجا مش سكينز

                          Comment

                          • #14
                            تمن مش ثمن يعنى 0.125 كجم :lol: و التلميع مش محتاج و رنيش و مصلب
                            [SIZE="3"]م / هانى أبو عبدالرحمن [/SIZE]
                            :satelite:

                            Comment

                            • #15
                              ايوة انا عارف و 1/8 كيلو سكنز ميتالك بالورنيش والمصلب بتاعه بيعدي ال 100 جنية

                              البوية الميتاليك بيبقى ليها و رنيش و مصلب يا أبو عبدالرحمن مش من مستلزمات التلميع انا ماقلتش كدة

                              Comment

                              السابق 1 2 template التالي
                              Working...
                              X