أنا بشد العربية وحاسس أن السمكري لامؤاخذة

[shockoprinz]

يا جماعة أغيثوني أنا معايا كريستالة وبشدها سمكرة ودوكو وفى عندي حتتين بارومة ورا العجل الأمامي فقلت أعملهم ولف علي العربية كلها بس كل شوية الموضوع بيوسع من السمكري مثلآ العتب مخبوط معرفش يستعدله من برا راح جاي قاصص حتة البارومة اللي في العتب وفتح العتب وقص نص العتبة وقاللي هلحملك غيرها ومتخافش .... شوية بص تحت العربية وعايز يستعدل الدعامات الممتدة أسفل العربية اللي ماسكة علب الشاسية اللي هية تحت الدواسات معرفش راح جاي مفور حتة منها وقصها طولها حوالي 30 سم وقالي ماتقلقش هلحمها تاني .... أنا شوفت ان البنط اللي فكها من الدعامة عملت أخرام وهوه ٌقاللي أن الكلام دة هيحصل بس أنا أعتقد أنه ناوي يبنطها .... ياجماعة أفيدوني بأقصي سرعة جزاكم الله خيرآ.. هل أنا كدة عربيتي أتعابت والشغل دة يأثر علي تمنها بعد ماتخلص ولالأ.... مع أني واللهي غرضي النظافة وشد العربيه علي الأخر

[Mosmafa]

بص الشغل في العتب ميعبش العربية خالص
وبما انك قلت ان العربية فيها بارومة يعني هي اساسا اتعابت من قبل ما الراجل يشتغل فيها
انت حاول تلم اللحامات على قد ما تقدر و خلي البوهيجي يظبط معاك العيوب الظاهرة
انا كان عندي عتبة معجونة رحت فصلت واحدة صاج ولحمتها عالقديمة
زيها زي القديمة بالظبط و البوهيجي مغجن على اللحام و لما اتهدنت العربية كان شئ لم يكن

[shockoprinz]

ألف شكر علي الرد ويارب البوهيجي يقدر يداري لحسن أنا شاكك أن الأتنين زي بعض فهمهم علي قدة

معلش عايز أسأل سؤال هو المفرض البوهيجي ياخد كام لو جبت العربية علي الصاج ماعدا السقف

[shockoprinz]

فين الرد ياخبراء الموقع أنا منتظر ردكم أكون مشكور لو حد يقلي قصة الدعامات اللي تحت بتأثر ولا لآ

[walids]

دهان العربيه عل حسب ، لو فرن ممكن يتكلف لكل العربيه حوالي 1200 جنيه مثلاً ، علي حسب العربيه هتحتاج قد ايه داهان ، و نوع الدهان

[Mosmafa]

البوهيجي طالما هترش كله هيحاسبك على رشة كاملة
انا عملت النوبيرا ب 1500 كاملة بوهية اوميجا
ويستحين ترش السقف لانه هيبان جدا ان العربية راشة
وشكلها مش هيبقى حلو بالمرة
وربنا يباركلك فيها
وان قدرت تحط صور تبقى تمام
بص عالموضوع ده

http://www.nilemotors.net/Nile/91055-a.html

[miroo_man]

انا حاليا برش العربيه هتتكلف 700 ج رشه ففرن دوكو بس معمول معايا واجب
اه نسىت اقولك هرش كله ماعدا السقف
ولو سقف العربيه مرشش قبل كده فبلاش تعمله

[shockoprinz]

أنا متشكر ليكم كلكم ياجماعة علي الردود

[shockoprinz]

أيه رأيكم

يا جماعة أغيثوني أنا معايا كريستالة وبشدها سمكرة ودوكو وفى عندي حتتين بارومة ورا العجل الأمامي فقلت أعملهم ولف علي العربية كلها بس كل شوية الموضوع بيوسع من السمكري مثلآ العتب مخبوط معرفش يستعدله من برا راح جاي قاصص حتة البارومة اللي في العتب وفتح العتب وقص نص العتبة وقاللي هلحملك غيرها ومتخافش .... شوية بص تحت العربية وعايز يستعدل الدعامات الممتدة أسفل العربية اللي ماسكة علب الشاسية اللي هية تحت الدواسات معرفش راح جاي مفور حتة منها وقصها طولها حوالي 30 سم وقالي ماتقلقش هلحمها تاني .... أنا شوفت ان البنط اللي فكها من الدعامة عملت أخرام وهوه ٌقاللي أن الكلام دة هيحصل بس أنا أعتقد أنه ناوي يبنطها .... ياجماعة أفيدوني بأقصي سرعة جزاكم الله خيرآ.. هل أنا كدة عربيتي أتعابت والشغل دة يأثر علي تمنها بعد ماتخلص ولالأ.... مع أني واللهي غرضي النظافة وشد العربيه علي الأخر

أيه رأيكم اللي عمله ده يعيب العربية؟