إعـــــــلان

Collapse

.

,
See more
See less

هو الواحد ممكن يخلى العربيه تلمع كده ازاى؟

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة theking2690 مشاهدة المشاركة
    الف شكر يا محمود على الشرح الجامد ده و بإذن الله هحاول انفذ الفكره بس قولى على مكان اشترى منه الحاجه بتاعت الكار كير
    العفو مصطفي باشا، معظم الحاجات دي هتلاقيها في كارفور ما عدا الشامبو هو فرنسي و مبلاقيهوش غير في سليكت اللي بتبقي في شل "و انا مبقفش غير في شيل الصحراوي ممكن تكون هي بس اللي بتجيبه" بس ممكن تستخدم بدل منه رابيدو المصري كويس جداَ و فيه نوع تاني أسباني علبة كبيرة هتلاقيها معاها سفنج .

    المالتي كلينر الأرمور أوول الأزرق ده هيفرق جداَ لأنه هينضف الأماكن الصعب تنضيفها زي الفجاوي اللي في الصالون و المج هولدر مثلاَ .. رشه فيه و كور الفوطة و لفها جوة هتلاقيها رجعت جديدة زي ما لسة مستلم .. و إمسح جسم العربية بفوطة مايكروفايبر (زي الزرقة في الصورة) سواء في التنشيف أو البولش و الواكس .. و في الشامبو سفنجة .

    و هتلاقي الفوط المايكروفايبر بتتباع في كارفور في قسم السيارات برضه .
    [COLOR="gray"]
    [CENTER]Leadership is based on inspiration, not domination[/CENTER][/COLOR]

    Comment


    • #17
      المشاركة الأصلية كتبت بواسطة MoToRiZeR مشاهدة المشاركة
      العفو مصطفي باشا، معظم الحاجات دي هتلاقيها في كارفور ما عدا الشامبو هو فرنسي و مبلاقيهوش غير في سليكت اللي بتبقي في شل "و انا مبقفش غير في شيل الصحراوي ممكن تكون هي بس اللي بتجيبه" بس ممكن تستخدم بدل منه رابيدو المصري كويس جداَ و فيه نوع تاني أسباني علبة كبيرة هتلاقيها معاها سفنج .

      المالتي كلينر الأرمور أوول الأزرق ده هيفرق جداَ لأنه هينضف الأماكن الصعب تنضيفها زي الفجاوي اللي في الصالون و المج هولدر مثلاَ .. رشه فيه و كور الفوطة و لفها جوة هتلاقيها رجعت جديدة زي ما لسة مستلم .. و إمسح جسم العربية بفوطة مايكروفايبر (زي الزرقة في الصورة) سواء في التنشيف أو البولش و الواكس .. و في الشامبو سفنجة .

      و هتلاقي الفوط المايكروفايبر بتتباع في كارفور في قسم السيارات برضه .
      الفوطة الميكروفيبر
      هتلاقيها فى كارفور
      وشل
      ومحلات 2.5 جنيه

      A.Saad

      Comment


      • #18
        المشاركة الأصلية كتبت بواسطة kareemhisham مشاهدة المشاركة
        مشاء الله جميلة جدا ربنا يحفظهالك ..

        بس عندى سؤال .. طريقة دهن الشمع بتبقى بأيه او ازاى ؟؟
        أشكرك يا باشا .

        طريقة دهان الشمع بتبقي عن طريق قطعة سفنج بتيجي معاه أو إنت جيبها المهم تكون ناعمة .
        و بتفرش الشمع بطريقة دائرية عالصاج و علي جزء جزء .. الكبوت لوحده .. رفرف لوحده و هكذا ..
        و بتسيبه شوية لحد ما ينشف و تلاقي ال haze بتاعة الشمع كدة بتبان عليه إنه خلاص نشف .

        تبتدي تمسحه بالفوطة الميكروفايبر و تنتقل لجزء تاني و هتلاقي الفرق ملحوظ جداَ .

        بيضيف طبقة شمعية فوق الدهان بتخليه يلمع و بتحافظ عليه إلي جانب إنها بتجعل تنظيف السيارة سهل جداَ .
        [COLOR="gray"]
        [CENTER]Leadership is based on inspiration, not domination[/CENTER][/COLOR]

        Comment


        • #19
          المشاركة الأصلية كتبت بواسطة motorizer مشاهدة المشاركة
          أشكرك يا باشا .

          طريقة دهان الشمع بتبقي عن طريق قطعة سفنج بتيجي معاه أو إنت جيبها المهم تكون ناعمة .
          و بتفرش الشمع بطريقة دائرية عالصاج و علي جزء جزء .. الكبوت لوحده .. رفرف لوحده و هكذا ..
          و بتسيبه شوية لحد ما ينشف و تلاقي ال haze بتاعة الشمع كدة بتبان عليه إنه خلاص نشف .

          تبتدي تمسحه بالفوطة الميكروفايبر و تنتقل لجزء تاني و هتلاقي الفرق ملحوظ جداَ .

          بيضيف طبقة شمعية فوق الدهان بتخليه يلمع و بتحافظ عليه إلي جانب إنها بتجعل تنظيف السيارة سهل جداَ .
          الف شكر يا محمود و معلش تعبتك معايا
          [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
          [/CENTER]

          Comment


          • #20
            مشكور يا محمود باشا بس كان ليا طلب
            انا اول مرة هعمل الحكاية دى بنفسى ومعرفش الاسامى بتاع المنظفات
            فلو تكرمت تقولنا الاسامى للمنظفات دى
            ومعلش اتقل عليك لو تكرمت تكتب استخدامهم بالترتيب
            وشكرا جزيلا

            Comment


            • #21
              العفو مصطفي باشا .

              المشاركة الأصلية كتبت بواسطة kajio60 مشاهدة المشاركة
              مشكور يا محمود باشا بس كان ليا طلب
              انا اول مرة هعمل الحكاية دى بنفسى ومعرفش الاسامى بتاع المنظفات
              فلو تكرمت تقولنا الاسامى للمنظفات دى
              ومعلش اتقل عليك لو تكرمت تكتب استخدامهم بالترتيب
              وشكرا جزيلا
              لا يا باشا مفيش تعب ولا حاجة .. بعد الفطار إن شاء الله هيكون عندك الصورة مرقمة و مكتوب كل منظف بيعمل إيه و بيستخدم في إيه و ترتيب الإستخدام .
              [COLOR="gray"]
              [CENTER]Leadership is based on inspiration, not domination[/CENTER][/COLOR]

              Comment


              • #22
                ايوة كدة يا موتو خش في المهم وفيد الناس
                مشاركاتك هنا جميلة جدا
                [SIGPIC][/SIGPIC]

                Comment


                • #23
                  المشاركة الأصلية كتبت بواسطة cairo2005 مشاهدة المشاركة
                  ايوة كدة يا موتو خش في المهم وفيد الناس
                  مشاركاتك هنا جميلة جدا
                  شكراَ لك يا باشا و كويس إنك رديت عشان انا كنت نسيت الموضوع إنت عارف الواحد بعد الفطار بيبقي مغم عليه .. هعمل الصورة دلوقت
                  [COLOR="gray"]
                  [CENTER]Leadership is based on inspiration, not domination[/CENTER][/COLOR]

                  Comment


                  • #24
                    Thank u all

                    Comment


                    • #25
                      عدنا



                      إزاي تعمل كار كير لعربيتك بنفسك .. الأدوات و إستخدامها بالترتيب :

                      1- مكنسة صغيرة توصل علي بطارية العربية .. بتشيل من العربية الدواسات بتاعتها و تنفض الكراسي من التراب اللي عليها بالراحة و بعدين تشغل المكنسة و تبتدي تشيل التراب اللي في الدواسات و مزانق الفرش و الكونصول و أي حتة فيها تراب .. انا جربت نوعين .. دي (البرميل) و واحدة تانية صغيرة كانت ضعيفة أوي إنما دي الشفط بتاعها كويس .. متوفرة في كارفور و سعرها تقريباَ 65 جنيه .

                      2 - ده multi purpose cleaner أو فوم منظف متعدد الإستخدامات .. بترج العلبة و ترشها في الأماكن اللي لازق فيها تراب و مبينة فيها الوساخة زي مثلاَ ال cup holder .. بترش و تلف الفوطة و تقعد تدورها جواه و تشيلها هتلاقيها رجعت لشكلها يوم ما إستلمت العربية من المعرض .. و ممكن تنضف بيه المكان اللي بيبقي في الباب لوضع أي حاجة .. ممكن تنضف بيه أي بلاستيك في العربية ممتاز .. بس ده منظف مش ملمع يعني تستخدمه مع حاجة متوسخة مش مع حاجة نضيفة و عايزها تلمع .

                      3- بعد تنضيف البلاستيك المتوسخ نيجي للفرش .. لو عندك الفرش (مش جلد) و ريحته فيها كمكمة من أي نوع .. ريحة سجاير لازقة فيه .. تستخدم معاه المنظف ده هو إنجليزي مش فاكر نوعه بالضبط عشان في العربية تحت .. موجود في كارفور و سعره 24 جنيه .

                      4- لو عندك بقع في الفرش أو عامة عايز تغسله عشان لونه الأصلي يرجع .. تغسله بالفوم ده و هو نفس الشركة الإنجليزية و إسمه fabric and upholstery cleaner .. من الممكن إستبداله بأي منتج من شركة أخري يحمل نفس الوظيفة .. في كارفور و سعره 27 جنيه .

                      ملحوظة : لو الفرش جلد يستبدل المنتجين 3 و 4 بمنظف جلد متخصص .. زي mr.leather l مثلاَ أو leather care ماركة أرمور أوول .

                      5- أرمور أوول ملمع التابلوه .. بعد ما نضفت كل حاجة و كله تمام إعمل التابلوه بالمادة الملمعة عن طريق رشها علي إسفنجة ناعمة جداَ و تنظيف التابلوه بها .. من الممكن الإستعانة بأرمور أول وايبس .. و دي مناديل مرشوشة أرمور أول ملمعة للتابلوه ظريفة جداَ و فيه منها نوعين .. gloss finish و دي بتدي لمعة / matt finish و دي مطفية و شيك أوي .. الملمع سعره 21 جنيه .. الوايبس سعرها 16 جنيه .. من الممكن إستبدالهم بماركة أخري تؤدي نفس الوظيفة .

                      ملحوظة : متعملش بيه الدركسيون عشان هيخليه يتزحلق في إيدك جامد .. ممكن تنضف الدركسيون بالمنظف متعدد الإستخدامات .

                      كدة العربية من جوة خلصت .. إقفل .. و إدي غسلة للبادي من برة بالمياه فقط عشان تنزل أي تراب أو حاجة ممكن تخربش الدهان أثناء الغسيل .. و دائماَ في الغسيل إبداَ من السقف .. و الغسلة دي إسمها "بيكيني"

                      6- بعد ما غسلت بالمياه .. إغسل العربية بالشامبو و السفنجة .. دي علبة شامبو فرنسي موجودة في شل اللي عالصحراوي سعرها 20 جنيه .. و الشامبوهات الأخري سعرها يتراوح بين 20 و 60 حسب الحجم .. بس اللي ب 20 دي هتكفيك سنة لأن مبتحطش منها غير مقدار غطائين و نص كل غسلة .. و فيه نوع مصري حلو جداَ إسمه رابيدو ب 5 جنيه بيكفي مرتين .

                      7 - نشف العربية بالفوطة الميكروفايبر (شبه الزرقاء اللي في الصورة) عشان متجرحش الدهان .. و بعدين لمع الزجاج بملمع الزجاج و ورقة جرنال .. فيه أرمور أول وايبس للزجاج انا جربتها بس معجبتنيش .. ممكن تعمل ده للزجاج برة و جوه.

                      8- جه دور البوليش .. بتفرش البوليش بشكل دائري علي حتة حتة في الصاج .. الكبوت لوحده .. رفرف لوحده .. و هكذا .. و تسيبه كام دقيقة لحد ما تحس إنه نشف و جير كدة .. بتشيله بالفوطة الميكروفايبر .. البوليش اللي في الصورة نوعه سيمونز و ده بيبقي حسب لون كل عربية ب 30 جنيه .. فيه منه ألوان كتير .. و انا بستعمله عشان اللون اللي فيه بيداري الخدوش الخفيفة شوية .. بس ممكن تستبدله ببوليش ملوش لون عادي .. موجود في كارفور بس ب 39 جنيه أو 42 .. بس بيتباع ب 30 جنيه في محطات بنزين وطنية في smile اللي بيبقي فيها .

                      9- بعد ما تخلص وش البوليش المتين للعربية هتحسها بقت أنضف و بتلمع .. بس لسة .. نفس اللي عملته بالبوليش تعمله بالواكس (الشمع) .. هتلاقيه دايماَ علبة مدورة و فوقيها سفنجة زي الصورة .. متجبش السائل لأن ده أحسن .. ممكن تجيب أي ماركة بس انا بحب أرمور أوول و فيه ترتل واكس بس مبقاش متوفر في السوق .. سعره تقريباَ 32 جنيه.. و بعد ما تخلص هتلاقي نتيجة مذهلة هتخاف تلمس العربية .

                      10- بعد ما زبطت كل حاجة .. إدهن البلاستيك الغير مرشوش بال wd40 .. العبوة هي اللي في الصورة .. سعرها 12 جنيه علي ما أتذكر .. بس تدهن بيها البلاستيك الغير مرشوش فقط مــــمـــــنـــــــوع تدهن بيها أي حاجة مرشوشة! ممكن تدهن بيها بربريز الإزاز الأمامي البلاستيك و المساحات و جسم المرايات الجانبية لو مش مرشوشة و هتلاقي اللون تحول من أسود جربان لأسود حقيقي !

                      11- الخطوة الأخيرة .. فوم العجل .. اللي في الصورة نوعه فورميلا وان .. فيه أنواع تانية ممتازة زي أبرو و أرمور أول .. جيب اللي يريحك سعرهم من 20 ل 34 جنيه .. رشهم دائرياَ مع العجل و سيبهم 10 دقائق ينشفوا لوحدهم متمسحش الفوم .

                      و أخيراَ إلقي نظرة عالعربية .. مش هتصدق انا عارف .

                      ملحوظة : متسترخصش في المنتجات .. فيه منتجات كتير أوي في السوق .
                      و أي إستفسار تاني في الإنتظار .
                      [COLOR="gray"]
                      [CENTER]Leadership is based on inspiration, not domination[/CENTER][/COLOR]

                      Comment


                      • #26
                        الف الف الف مليون شكر وتحية ليك ياباشا
                        والله مش عارفين نقول ايه ولا نشكرك ازاى
                        ربنا يصلح ليك الاحوال و يحفظلك الصحة وتعيش دايما فى سلام
                        تقبل ارق تحياتى

                        Comment


                        • #27
                          طيب لو واحد زيي عايز يريح دماغة و يروح كاركير يعلموا كل ده تنصح بانهي مكان وياتري هايبقي كويس و لا الواحد لازم يعمله بنفسه ,, شكراً

                          Comment


                          • #28
                            موضوع جميل و جزاك الله خيرا ولكن لى طلب صغير ارجو ايضاح المكونات السابقة مع اسعارها
                            [SIGPIC][/SIGPIC][media]http://lh6.ggpht.com/-ErnWAsZCJl8/TP_j2SX1l-I/AAAAAAAABfQ/cIj1bDGkghc/12.jpg?imgmax=128&crop=1[/media]

                            Comment


                            • #29
                              المشاركة الأصلية كتبت بواسطة zicooo2008 مشاهدة المشاركة
                              موضوع جميل و جزاك الله خيرا ولكن لى طلب صغير ارجو ايضاح المكونات السابقة مع اسعارها
                              جزاك الله خيرا شرح وافى وجميل
                              [SIGPIC][/SIGPIC][media]http://lh6.ggpht.com/-ErnWAsZCJl8/TP_j2SX1l-I/AAAAAAAABfQ/cIj1bDGkghc/12.jpg?imgmax=128&crop=1[/media]

                              Comment


                              • #30
                                هل في فرق بين فوم العجل وفوم الموتور
                                [aldl]http://store2.up-00.com/Jan12/l6z75685.png[/aldl]

                                Comment

                                Working...
                                X