صوت زن يختفي مع الضغط على الدبرياج

[kh_talaat]

السلام عليكم جميعا أعضاء المنتدى الكرام


مشكلتي تتلخص اني بعد ادارة الموتور بسمع صوت زن أو غروشه في موتور العربية تختفي تماما عند الضغط على الدبرياج ثم يرجع الصوت بعد رفع رجلي من الدبرياج وهكذا

أستشرت الميكانيكي وقالي راجع على زيت الفتيس بس انا الحقيقه مش مقتنع بكلامه ، فهل فعلا في علاقة بين الصوت دة وزيت الفتيس

السيارة فيرنا علما بأن زيت الفيتيس لم يتم تغييره من قبل

[m_elkhishin]

الصوت ده بيكون من بلية دسك الدبرياج، أصبحت خشنه وبتعمل صوت زي الخرفشة أو الوش أول ما تدوس دبرياج يروح ويرجع تاني أول ما تسيب

البلية شبه اللي فى الصورة خارج العبوةات البلاستيك

[kh_talaat]

الصوت ده بيكون من بلية دسك الدبرياج، أصبحت خشنه وبتعمل صوت زي الخرفشة أو الوش أول ما تدوس دبرياج يروح ويرجع تاني أول ما تسيب

شكرا لرد حضرتك

بس افهم من كدة ان البليه في حاجه للتغيير ولا في حل تاني ؟

وكمان كدة زيت الفتيس ملوش علاقه

[m_elkhishin]

شكرا لرد حضرتك

بس افهم من كدة ان البليه في حاجه للتغيير ولا في حل تاني ؟

وكمان كدة زيت الفتيس ملوش علاقه

للأسف ملهاش حل غير التغيير.

بالنسبة للفتيس طالما مفيش تقل في الغيارات يبقى غالبا الزيت كويس وعموما أفضل انك تكشف عليه من باب الاطمئنان. مع ملاحظة ان زيت الفتيس غالبا مش بيتغير ، بيتزود فقط

[reamoz]

الصوت ده بيكون من بلية دسك الدبرياج، أصبحت خشنه وبتعمل صوت زي الخرفشة أو الوش أول ما تدوس دبرياج يروح ويرجع تاني أول ما تسيب

البلية شبه اللي فى الصورة خارج العبوةات البلاستيك

لو سمحت انا عايز أعرف الصور دي بتحط في الموضوع إزاي علشان عايز اعمل موضوع بالصور

[reamoz]

السلام عليكم جميعا أعضاء المنتدى الكرام


مشكلتي تتلخص اني بعد ادارة الموتور بسمع صوت زن أو غروشه في موتور العربية تختفي تماما عند الضغط على الدبرياج ثم يرجع الصوت بعد رفع رجلي من الدبرياج وهكذا

أستشرت الميكانيكي وقالي راجع على زيت الفتيس بس انا الحقيقه مش مقتنع بكلامه ، فهل فعلا في علاقة بين الصوت دة وزيت الفتيس

السيارة فيرنا علما بأن زيت الفيتيس لم يتم تغييره من قبل

الأسهل إنك تشوف زيت الفيتيس في البنزينة لو ناقص زودة

وبالنسبة لموضوع البلية انا اللي أعرفة ان لو في صور وررة لما بتدوس دبرياج وبيروح لما تيسب يبقى دة عيب بلية
لكن لو الصوت موجود وبيروح لما تدوس دبرياج يبقى المشكلة في الفيتيس لأن الفتيس بيلف مع الموتور على طول مش بيفصل عنة إلا لما تدوس دبرياج

[kh_talaat]

الأسهل إنك تشوف زيت الفيتيس في البنزينة لو ناقص زودة

وبالنسبة لموضوع البلية انا اللي أعرفة ان لو في صور وررة لما بتدوس دبرياج وبيروح لما تيسب يبقى دة عيب بلية
لكن لو الصوت موجود وبيروح لما تدوس دبرياج يبقى المشكلة في الفيتيس لأن الفتيس بيلف مع الموتور على طول مش بيفصل عنة إلا لما تدوس دبرياج

الصوت مستمر الا في حاله الضغط على الدبرياج بيختفي تماما

ثم يعود الصوت بعد رفع الرجل من على الدبرياج

[reamoz]

الصوت مستمر الا في حاله الضغط على الدبرياج بيختفي تماما

ثم يعود الصوت بعد رفع الرجل من على الدبرياج

يبقى الصوت من الفتيس يامعلم
روح أي بنزينة وخليهم يكشفولك على زيت الفتيس لو ناقص زودة
وإنشاء الله يكون بس الزيت ناقص وتتزبط بعد التزويد

[reamoz]

في الكتالوج بتاع عربيتك تقريبا بيقولو انك تغير زيت الفيتيس بعد 60 ألف
لو لقيت الزيت مش ناقص وانت معدي ال60 ألف غيرة
هو كلة بتاع 3 كيلو أو 3.5 والكيلو ب حوالي 12جنية يعني مش حاجة جامدة

[samirayad]

بلية دبرياج خشنه
وعاوزه تتغير

[KoDaK_Gti]

السلام عليكم جميعا أعضاء المنتدى الكرام


مشكلتي تتلخص اني بعد ادارة الموتور بسمع صوت زن أو غروشه في موتور العربية تختفي تماما عند الضغط على الدبرياج ثم يرجع الصوت بعد رفع رجلي من الدبرياج وهكذا

أستشرت الميكانيكي وقالي راجع على زيت الفتيس بس انا الحقيقه مش مقتنع بكلامه ، فهل فعلا في علاقة بين الصوت دة وزيت الفتيس

السيارة فيرنا علما بأن زيت الفيتيس لم يتم تغييره من قبل

الصوت ده بيكون من بلية دسك الدبرياج، أصبحت خشنه وبتعمل صوت زي الخرفشة أو الوش أول ما تدوس دبرياج يروح ويرجع تاني أول ما تسيب

الصوت ده كان عندى وكان عيب بلية لسه عاملو الاسبوع اللى فات
وغيرت بالمرة طقم الدبرياج كامل ديسك واسطوانة وبلية لأن مصنعية فك الفتيس غالية بسعر طقم الدبرياج كله

[M.Osman]

على فكرة انا ملاحظ حاجة مشابهة من زمااان ايام ما كانت رعبيتي عاملة مثلاً 10 ألاف كم ولا حاجة..
بس مش صوت خشونة
لأ هو الصوت لما بشيل رجلي من عالدبرياج بيكون عامل زي صوت "سسسسسسسسس" كدا
(حاجة زي صوت صفارة بس واطي .. و محدش غيري بيلاحظه في العربية على فكرة!)
العربية دلوقتي عاملة 30 ألف و لسة الصوت بيروح ويجي و مش عامل لي مشكلة
شكراً و امنى تكون مشكلتك اتحلت

[Ahmed R08]

على فكرة انا ملاحظ حاجة مشابهة من زمااان ايام ما كانت رعبيتي عاملة مثلاً 10 ألاف كم ولا حاجة..
بس مش صوت خشونة
لأ هو الصوت لما بشيل رجلي من عالدبرياج بيكون عامل زي صوت "سسسسسسسسس" كدا
(حاجة زي صوت صفارة بس واطي .. و محدش غيري بيلاحظه في العربية على فكرة!)
العربية دلوقتي عاملة 30 ألف و لسة الصوت بيروح ويجي و مش عامل لي مشكلة
شكراً و امنى تكون مشكلتك اتحلت

انا معايا فيرنا من سنيتن وعندى نفس الصوت والاعراض دى بالظبط

بس كانت راحت من نفسها فتره كبيرة

ورجعت تانى الايام دى

اعتقد انها بليه الدبرياج فعلا

[m_elkhishin]

الأسهل إنك تشوف زيت الفيتيس في البنزينة لو ناقص زودة

وبالنسبة لموضوع البلية انا اللي أعرفة ان لو في صور وررة لما بتدوس دبرياج وبيروح لما تيسب يبقى دة عيب بلية
لكن لو الصوت موجود وبيروح لما تدوس دبرياج يبقى المشكلة في الفيتيس لأن الفتيس بيلف مع الموتور على طول مش بيفصل عنة إلا لما تدوس دبرياج

كلام حضرتك صح جدا في حالة واحدة فقط: لما تكون العربية معشقة غيار و ماشية.

لكن أظن في حالة الأخ بتكون العربية واقفة و ممورة يعني مفيش أي حركة منقولة للفتيس، يبقى ازاي يكون عيب فتيس؟؟!!!

أنا ما زلت مرجح عيب البلية ،
بس لو الصوت بيروح بمجرد انك تسند رجلك على الدواسة ( يعني مش لازم تدوس للاخر) يبقى كده في احتمال يكون الذراع أو الشوكة بتاعة الدبرياج تكون مبوشة

ودي صورة الشوكة راكب فيها البلية، يعني العيب مش حيخرج برة واحد من الاتنين وكده كده لو حتغير واحدة منهم لازم حتفك الاتنين فابقى اكشف على الاتنين بالمرة





أرجو أكون أفادتك ، وتقبل مروري

[caysersosaih]

يا جماعه الموضوع ده عيب فتيس
صوت بلية الدبرياج بييجي لما تدوس دبرياج ويروح لما تشيل رجلك لأن مع الدوسة بتكون محمل علي البليه
العكس معناه مشكلة في الفتيس وكانت عندي ورحت شوفت زيت الفتيس لقيته ناقص زودته وبعد اسبوع رجع نفس الموضوع فرحت لقيت زيت الفتيس نقص تاني
رفعت العربيه ولقيت ان كاوتش الكوبلن الداخلي مقطوع غيرته ب 20 جنيه وزودت زيت الفتيس والموضوع اختفي بقاله سنتين والحمد لله
مع ملاحظة ان زيت الفتيس في شيل افضل كثيرا من موبيل

موضوع بليه الدبياج جالي من شهر وكان الصوت بيجي لما ادوس دبرياج وغيرتها والحمد لله