صوت هوا على دواسات البريك

[alhourriah]

السلام عليكم
بقالي كم يوم لما أدوس بريك (خفيف أو جامد) بسمع صوت هوا خفيف على الدواسة. سألت صاحب ليا قالي ممكن تكون الطلمبة العلويا بدأت فيها مشكلة ولازم تركبلها طقم إصلاح أو تغيرها.. هل الحكي ده ممكن . وإيه يعني هوا من الدواسة وهل ده ممكن يأثر على البريكات.

[nour2007]

نفس المشكله كانت عندي وغيرت فيها ماستر وسيرفو
لأن الماستر كان بيجيب زيت داخل السيرفو
والمشكله انتهت

[alhourriah]

نفس المشكله كانت عندي وغيرت فيها ماستر وسيرفو
لأن الماستر كان بيجيب زيت داخل السيرفو
والمشكله انتهت

ألف شكر ياباشا
إيه يعني ماستر وسيرفو ممكن التوضيح أكثر

[nour2007]

ماستر عباره عن بلف بيوزع الزيت علي الاربع عجلات عند الضغط علي دواسة الفرامل
اما بالنسبه للسيرفو فهو ده اللي بيطلع صوت الهوا اللي عندك وهو عباره عن طبق راكب عليه دواسة القرامل بينقل الحركه بتاعة دواسة الفرامل للماستر
وانا كان عندي مشكلة الصوت بتاع الهوا دي وكان الصوت من السيرفو ولما فكيته كان مليان زيت من بتاع الفرامل
وانتظر معاك رأي خبراء المنتدي
وطمنا علي الوضع

[caysersosaih]

ده صوت السيرفو وده محرك يساعد في تفعيل قوة الفرامل بادني دوسة من قدمك وساعات الصوت يزيد لو الجوان بتاعه والبلف بايظ فراجع عليهم

[alhourriah]

ده صوت السيرفو وده محرك يساعد في تفعيل قوة الفرامل بادني دوسة من قدمك وساعات الصوت يزيد لو الجوان بتاعه والبلف بايظ فراجع عليهم

ألف شكر لحضراتكم أنا حأجرب وأبقى أطمنكم