دواسه البنزين تقلت والسحب قل ؟

[blue_1177]

السلام عليكم
من يومين كده لاقيت دواسه البنزين بقت تقيله وتجميع العربيه لسرعتها بقى بطىء والسحب قليل
مع ان قبل كده كان العكس تماما
ممكن تكون ايه المشكله ؟
فى انتظار اراء الخبراء

[Ahmed Galal]

هاعتبر ان عربيتك ميرا زى ما انت كاتب فى بياناتك موضوع تقل الدواسة ده ممكن يكون من الكابل بتاعها و ممكن تبص عليه بيبقا راكب فى بكرة جمب الكربراتير ده بافتراض ان كل حاجة سليمة و الموتور مش خفيف
لو ما فيش حاجة فى السلك تخش بقا على الفلاتر هواء و بنزين و البوجيهات و الزيت اخبار الحاجات ديه ايه
شوف العجل بيسخن و لا لا بعد المشوار ممكن تكون بساتم الفرامل بتقفش و تهبط العربية

و نشوف باقى الاراء

[blue_1177]

انا بحس ان العربيه قافشه كده وحسيت ان الفرامل برضو قافشه عن الاول
هل يبقى كده هى المشكله الاخيره اللى حضرتك قولتها
وبالنسبه للبوجيهات انا كنت غيرتهم وباين طلعوا واخدين رطوبه وكانوا بيخلو العربيه تترج كده بس الميكانيكى غيرهم وحط طقم من عنده وبقت طبعيه وبرضو فلتر البنزين غيرته قريب لكن فلتر الهوا مغيرتوش خالص اما الزيت بقالوا ماشى معايا حوالى 800 كيلو وهو زيت مصر سوبر 10000
وكمان العربيه بتسحب بنزين كتير مع انها 3 سلتدر يعنى حسبتها خدت حوالى 12 لتر فى 108 كيلو

[Ahmed Galal]

انا بحس ان العربيه قافشه كده وحسيت ان الفرامل برضو قافشه عن الاول
هل يبقى كده هى المشكله الاخيره اللى حضرتك قولتها
وبالنسبه للبوجيهات انا كنت غيرتهم وباين طلعوا واخدين رطوبه وكانوا بيخلو العربيه تترج كده بس الميكانيكى غيرهم وحط طقم من عنده وبقت طبعيه وبرضو فلتر البنزين غيرته قريب لكن فلتر الهوا مغيرتوش خالص اما الزيت بقالوا ماشى معايا حوالى 800 كيلو وهو زيت مصر سوبر 10000
وكمان العربيه بتسحب بنزين كتير مع انها 3 سلتدر يعنى حسبتها خدت حوالى 12 لتر فى 108 كيلو

كده بتستهلك بنزين زيادة شوية و البوجيهات كنت جبت جديد احسن بدل طقم من عند الميكانيكى معلش (ما اصدقش الميكانيكى و لو كان صديقى) و فلتر الهوا بردك غيره حاجة الميرا رخيصة و حنينة و يا ريت تغير طقم سيور لو مغيرتش قبل كده و الكربراتير بقا اخباره ايه يعنى متنضف قبل كده و لا عمره ساب الموتور و كمان اظبط تاكيهات عشان ليها تاثير فى الاستهلاك

[blue_1177]

بالنسبه للبوجيهات اللى كنت مشتريها لسه موجوده بس مش عارف دول يتنضفوا ويركبوا تانى ولا ايه اصلهم ملحقوش والكربراتير ان شاء الله هنضفه قريب وهغير فلتر الهوا وسير الكاتينه غيرته مع سير الدينامو والتاكيهات ممكن يكون مشكلتها ايه ؟

[Ahmed Galal]

بالنسبه للبوجيهات اللى كنت مشتريها لسه موجوده بس مش عارف دول يتنضفوا ويركبوا تانى ولا ايه اصلهم ملحقوش والكربراتير ان شاء الله هنضفه قريب وهغير فلتر الهوا وسير الكاتينه غيرته مع سير الدينامو والتاكيهات ممكن يكون مشكلتها ايه ؟

البوجيهات ما بتتنضفش لو مهببة و سودا يبقى العربية عمالة تحرق زى ما انت قلت و التاكيهات بتتظبط ليها خلوص معين عشان ما تبقاش محملة او مفتوحة بزيادة فتستهلك بنزين

[blue_1177]

يعنى سبب ان البوجيهات عماله تبوظ ان التاكيهات عاوزه تتظبط

[Ahmed Galal]

يعنى سبب ان البوجيهات عماله تبوظ ان التاكيهات عاوزه تتظبط

و الكربراتير كمان اكيد بينزل عليها بنزين زيادة و مش مظبوط اظبط انت كربراتير و تاكيهات بس عند حد كويس و تكون واثق و فيه ناس متخصصة فى تنظيف و ظبط الكربراتيرات بس بتبقا ادق من الميكانيكى لكن التاكيهات يظبطها الميكانيكى عادى

[blue_1177]

شكرا جزيلا لحضرتك

[Ahmed Galal]

تسلم و لا يهمك و ان شاء الله تظبط معاك

[sameh127]

اعمل صيانة و نظافة للكربيراتير يشمل تنظيف حوض البنزين للكربيراتير و الكشف على اي سدد فى البيكات و تنظيف البوابة و الأكس الخاص بالكربيراتير و تزييت الأكس من الجانبين عند محاور الإرتكاز و تزييت كابل البنزين الداخلى بعد فكه و الكشف عليه و التأكد من نظافته و عدم صدأه او ظهور قطع بالسلك الداخلى