ما هى اعراض تلف الكبالن الداخلية

[ahmed azab]

السلام عليكم
هل من الممكن اصلاح هذه الصليبة لان عندي نفس الموضوع في الاكسارا 1 .
شكرا جزيلا ونرجو الرد بالافادة

ممكن اصلاحها لكن علي حسب حالتها وبيتم تزويدها لحام وتجليخه لتعويض الفرق او البوش
وممكن تشتريهم استيراد كاملين -
افضل مكان لصيانة وتصليح الكبالن وبجميع انواعها موجود في شارع أحمد عصمت من جسر السويس بس مش فاكر اسمه دلوقتي هو بعد محطة الزهراء للخيول علي اليمين صاحبه اسمه المهندس احمد

[sonystar]

رعشة على سرعة 40 وانتا ماشى بالعربية دا بالنسبة الى الكوبلن الداخلى لاكن الخارجة طقطقة

لانى دا كان بيحصل معايا رعشة من 40 الى 70 كم

[laser63]

سمعت أن طقم الكوبلن الخاص بالسيارة رينو لوجان بالتوكيل 3800 ج فهل ممكن المركز اللى بالزهراء ده يكون عنده الكوبلن ده وياريت رقم تلفونه لو أمكن .

[Maged_Samy]

رعشة على سرعة 40 وانتا ماشى بالعربية دا بالنسبة الى الكوبلن الداخلى لاكن الخارجة طقطقة

لانى دا كان بيحصل معايا رعشة من 40 الى 70 كم

كلامكك مظبوط ده اهم مؤشر لتلف الكبالن الداخلية
الرعشة دى من بعد ال 40 وتستمر طول مانت دايس بنزين وتروح اول ما تدوس دبرياج وتمشى بقوة الاندفاع

[golfawyzz]

طيب الكبالن الداخليه ممكن تأثر على الخارجيه ؟؟؟
انا عندى كانت بتحصل رعشه السرعه دى
وبعد كده العربيه جابت كوبلن مرتين ... ومن نفس الناحيه .. والكوبلن بيبوظ خالص ومش بيمشى العربيه

[mbx4e]

ممكن اصلاحها لكن علي حسب حالتها وبيتم تزويدها لحام وتجليخه لتعويض الفرق او البوش
وممكن تشتريهم استيراد كاملين -
افضل مكان لصيانة وتصليح الكبالن وبجميع انواعها موجود في شارع أحمد عصمت من جسر السويس بس مش فاكر اسمه دلوقتي هو بعد محطة الزهراء للخيول علي اليمين صاحبه اسمه المهندس احمد

تقصد احمر عمر بتاع الكبالن في شارع احمد عصمت
كل الناس بتشكر فيه انا مجربتوش بصراحه بس بيقولوا ان هناك دماغهم حلوه في التعديلات الميكانيكيه عموما

[serry 52]

وظيفة الكوبلن هي نقل الحركة من الفتيس الي العجلات
الكوبلن مكون من جزئين
داخلي :- وده مثبت بالفتيس وعمره اطول من الخارجي لان حركته ثابتة سواء للأمام او الخلف واعراض تلفه تكون صوت رزع او خبطة في بداية الحركة او مع التعشيق وذلك نظرا لتأكل الصليبة الداخلية وحدوث ( بوش ) بها
خارجي :- وده مثبت بالعجلات وهو معرض للتلف بشكل اكبر نظرا لتحركه في اتجهات كتير مع توجيه العجلات واعراضة الشهيرة صوت طقطقة في الملفات وبعد فترة بيكون حتي في طريق مستقيم
اعراض تلف الكبالن بشكل عام تحدث في كل الظروف بعيدا عن ظروف الطريق سواء كان طريق مستوي او غير ممهد
يعني يا يشتغل كويس علطول ييا يبقا له صوت علطول

[د.محمود صلاح]

حصلت معي في سيارة نيسان التيما 2008 ..على سرعة 100 كان صوت رجة شديدة ورعشة

واتضح تلف الاكس الكوبلنج الداخلي وتم صيانته في مخرطة متخصصة في ورشة كبالن وعفشة

[ahmedsrs]

من اعراض تلف الكوبلن الداخلى ذى ماقال الاعضاء
1- نطة او رعشة عند السير بسرعة معينة
2-كركبة او تخبيط عند الدوس على البنزين للبدا بالحركة
3- واحيانا بيبقى فى كركبة عند البدا بالحركة ثم اختفاء الاعراض تماما عند ارتفاع درجة حرارة مجموعة الحركة خصوصا فى السيارات الاوتو

[volociximab]

هل تلف الكبالن يسبب انفصال العجلة و هل هناك خطورة من اهمال الكبالن سواء داخلية او خارجية؟

[Abo_Mazen]

هل تلف الكبالن يسبب انفصال العجلة و هل هناك خطورة من اهمال الكبالن سواء داخلية او خارجية؟

لأ ..ما بيحصلش ..الكوبلن لو إتكسر العربية هتقف مكانها ومش هتمشي

[volociximab]

بس ممكن يكون فى بوش فى الصليبة اللى داخلة فى الفتيس ودة يعمل الطقة فى الطلعة الامام والخلف

احيانيا عند النقل اسمع صوت زى ترس مزنوق او مفوت علما بأنى متأكد ان عندى كوبلن لان جلدة الكوبلن من 3 شهور كانت مقطوعه و طنشطها دلوقت فيه طقطقة عند الانحراف للشمال
فهل صوت الترس المفوت ده كبالن داخليه؟