فتيس النوفا ريجاتا

[salah008]

السلام عليكم ورحمة الله وبركاته
عندي مشكلة في الفتيس الغيار الثالث بيرد لازم اسنده و احيانا وانا سانده بيرد برضه الميكانيكي بيقول دي حاجة اسمها غويشة بتتغير فما رايكم اصلحه ولا اجيب واحد استيراد افضل وياتري الفتيس الاستيراد يعمل كام وحد يعرف واحد مضمون اجيب منه.
وشكرا مقدما

[samirayad]

لو كان على غويشه بس غيرها

حيبقى أوفر ليك

[mahmoodallam]

بص يا سيدي
من ناحية ميكانيكية مش هقدر افيدك ، لكن لو خدت القرا انك تشتري فتيس ممكن تشتري بتاعي لو حبيت
انا لسه شاري موتور استيراد بفتيسه
الفتيس القديم بتاعي ما فيهوش مشاكل
بس انا لقيت الفرق بسيط بين النوتور بالفتيس واللي من غير فتيس فجبته بفتيسه
لو عايز الفتيس القديم قولي ومش هنختلف ولو عايز تاخده عالتجربة برضو مافيش مشكلة .

[hamaza81]

السلام عليكم
مشكلة الفتيس دي كان الله في عونك
انت امام خيارين
الأول: انك تصلح الفتيس ودا تقريبا هايحتاج منك تغير الترس التالت تقريبا، لان اللي قاله الميكانيكي بتاعي ان الريجاتا الفتيس بتاعها مافيهوش غوايش، ودا تقريبا ممكن تشتريه من بتوع الإستيراد في حدود 100 جنية (مش عارف ليه)، دا غير طبعا بعد ما هاتفك الفتيس وتشوف اذا كان في حاجة تانية محتاج تغيرها ( ترس مهري، لافيه عايز يتغير ) والحاجات دي ثمنها غالي برضة وتقريبا مصنعية الراجل اللي هايصلح الفتيس من 100 إلى 150
الثاني: (ودا الأفضل من وجهة نظري) انك تجيب واحد استيراد من عزبة شلبي أو بورسعيد أو الوكالة وتاخده على التجربة لمدة عشر أيام.
بس خد بالك من حاجة، اتأكد الاول نوع الفتيس عندك ايه؟ يعني في نوعين:
النوع الأول: أتياش ودا المارش بتاعه صغير وثمنه في حدود 700 جنية، وهتلاقي منه كتير في عزبة شلبي.
النوع الثاني: معلقة ودا المارش بتاعه كبير ودا في عزبة شلبي كان موجود عند واحد بس وكان لو انت عندك النوع الأولاني انا لسة شايفة في عزبة شلبي غالي جدا الراجل كان بيتكلم في 1500 جنية ودا طبعا كتير جدا جدا.
وربنا ييسرلك الخير

[salah008]

السلام عليكم ورحمة الله وبركاته
اشكركم جميعا علي التفاعل تم تغيير الفتيس بواحد استيراد من عزبة شلبي من يومين اول تجربة اليوم شغال معقول بس لاحظت ان انا محتاج انقل للغيار الاعلي بسرعة مثلا الرابع كنت ممكن اعدي ال 100 بدون ازعاج ,مع الجديد باوصل ال 80 و احس ان صوت العربية عالي وباضطر انقل للخامس, يا تري ده طبيعي سمعت ان التروس ممكن تكون مختلفة في الفتيس الجديد يا تري ده صحيح ممكن يكون ايه تاني ارجو الافادة .
وشكرا مقدما.

[hamaza81]

ياترى أخبار الأسطوانة والديسك ايه؟
وقولنا نوع الفتيس اللي عندك وجبته بكام

[hamaza81]

بص يا سيدي
من ناحية ميكانيكية مش هقدر افيدك ، لكن لو خدت القرا انك تشتري فتيس ممكن تشتري بتاعي لو حبيت
انا لسه شاري موتور استيراد بفتيسه
الفتيس القديم بتاعي ما فيهوش مشاكل
بس انا لقيت الفرق بسيط بين النوتور بالفتيس واللي من غير فتيس فجبته بفتيسه
لو عايز الفتيس القديم قولي ومش هنختلف ولو عايز تاخده عالتجربة برضو مافيش مشكلة .

ياريت لو تقولنا الفتيس اللي عندك من أبو مارش كبير واللا أبو مارش صغير، واتياش واللا معلقة
وشكرا

[salah008]

السلام عليكم ورحمة الله وبركاته
الفتيس مارش كبير اتياش مش ملعقة اخدته علي 600 جنيه من عزبة شلبي طبعا بعد ما سمعت 1200 و 1000 جنيه بالمناسبة بعد ما فكيت الفتيس بتاعي الميكانيكي قالي ان الفتيس بتاعي الاصلي فيه حساس كرنك كهربا و اللي انا اشتريته ما كانش فيه مكان للحساس فرجعت تاني لعزبة شلبي و البائع لف العزبة كلها علي فتيس فيه مكان للحساس ده وما لاقاش فكان الحل عمل فتحة للحساس في المخرطة بناء علي راي البائع و الميكانيكي و اشتغل و الحمد لله.

[mahmoodallam]

ياريت لو تقولنا الفتيس اللي عندك من أبو مارش كبير واللا أبو مارش صغير، واتياش واللا معلقة
وشكرا

الفتيس اللي عندي اتياش ’ و المارش الصغير

[hamaza81]

الفتيس اللي عندي اتياش ’ و المارش الصغير

عن تجربة، يا ريت تحتفظ بيه كقطعة غيار، لأن لاقدر الله لو احتجت حاجة بعد كدة هاتلاقيها غالية جدا
انا الترس كنت بجيبه في حدود من 70 إلى 100 جنية، وفي قطع ثمنها مش اقل من 120 جنية
فنصيحة خليه عندك

[mahmoodallam]

عن تجربة، يا ريت تحتفظ بيه كقطعة غيار، لأن لاقدر الله لو احتجت حاجة بعد كدة هاتلاقيها غالية جدا
انا الترس كنت بجيبه في حدود من 70 إلى 100 جنية، وفي قطع ثمنها مش اقل من 120 جنية
فنصيحة خليه عندك

شكرا على النصيحة وعلى فكرة الناس كلها قالتلي كده
انا بس كنت عايز اسألك يا استاذ hamaza81 انت جايب الاسعار دي منين ازاي الفتيس يبقى 1500 جنيه انا شاري موتور بفتيسه ب2500 جنيه والفتيس اتياش وامارش الصغير ؟
بيتهيألي كده كتير اوي عليه انا وانا بشتري كنت بقول للراجل الماتور لوحده بكام .؟
لاني ما كنتش عايز الفتيس قالي هنزلك 300 جنيه ، قلتلو بس قالي اه
قلت خلاص اخده احسن مش هيخسر وكان في تخيلي ساعتها ان الفتيس لوحده ب600 جنيه مثلا !!!!!!1

[hamaza81]

العفو على ايه
انا اللي حصل معايا نزلت انا والميكانيكي عزبة شلبي لقينا كل الموجود هناك زي النوع بتاعك، ولقيت ابو مارش كبير عند واحد بس في العزبة واتكلم في 1500 ، انا كنت عامل حسابي على 600 جنية اقصى حاجة زي ما حضرتك قولت هو الراجل قال لما يحصل ايه مش هانزل عن الالف
قولناله شكرا وسبناه ومشينا طبعا
ورجعت فتحت الفتيس غيرت ترسين وشغال زي الفل الحمد لله