برجاء الدخول للناس الفاهمة..فتيس نوبيرا 2 أوتوماتيك باظ

[hosini2000]

السلام عليكم و رحمة الله و بركاته

الإخوة الأفاضل أعضاء هذا المنتدى الجميل ..ساعدوني

من يومين كده كنت ماشي بالعربية (نوبيرا 2 موديل 2001) و بعدين سمعت صوت غريب في الموتور (اكتشفت بعدين انه الفتيس) كأنه صوت حاجة بتلف على الفاضي ؟؟صوت موتور عالي بيلف على الفاضي رغم إني كنت ماشي على d.. المهم بعد شوية وقفت أشوف إيه الموضوع مالاقيتش حاجة..جيت أطلع بالعربية مفيش حركة؟؟

وقفت العربية و بطلتها شوية و بعدين أشغلها تاني و انقل الفتيس تتحرك العربية 100 متر كده على الأول و بعدين تفصل و ماتتحركش مهما أدوس بنزين(بتتحرك بالقصور الذاتي مش نتيجة لدوس البنزين) ؟؟

تفتكروا ده إيه و حله إيه ؟

و لو الفتيس اتكل على الله هل أشتري استيراد؟؟ و سعره كام و الاقيه فين ؟

و لو له تصليح يكلفني كام تقريبا و فين ؟
أتمنى سرعة الرد لأن العربية بالنسبة لي إيدي و رجلي
أشكركم للمساعدة و جزاكم الله خيرا

[samirayad]

أعتقد كده حصل تفويت فى كلاتشات الفتيس

أكشف على الزيت
لو لقيت لونه محروق ومائل للسواد أو مسود

يبقى شوفلك فتيس أستيراد ( فى حدود 1500 ج )

[hosini2000]

شكرا لمرورك الكريم
بالأمس مريت على الحرفيين للسؤال عن سعر الفتيس الإستيراد و كان سعره في حدود ال1500 كما قلت يزيد أو ينقص .. المهم في أحد المحلات وجدت شخص أخبرني بأنه مهندس و كان يعمل في التوكيل بأبو رواش ..حكيت له القصة فأخبرني أن الموضوع ليس الفتيس و لكن في الكبالن .. على كل حال أشكر لك سرعة استجابتك و سأتابع أيضا بعد الإصلاح لأنقل هذه الخبرة لإخوتي بالمنتدى..

جزاكم الله خيرا و في انتظار مشاركاتكم

[mr_sameh]

لو كبالن العربيه مش هتتحرك من مكانها

[lovely_love]

فى حاجة احب اضيفها فيتيس النوبيرا 2 معيوب اصلا ودايما العيب يظهر فى غيار r العربية متخدش غيار الرجوع الى بعد وقت ودى كانت مشكلتى يحد ما بعتها ولما سالت قالولى دا اصلا عيب فى النوبيرا الاتوماتيك

[ecstatic]

سيدي الفاضل
المشكلة بسيطة جدا بما إن المشكلة في المرشدية فقط فهذا يعني أن عمل الطلمبة ومحول الجهد جيد جدا وبالتالي تكمن المشكلة في هذه النقاط الاربعة:-
1. Pressure control solenoid
2. Reverse brake
3. Reverse clutch

واخيرا ال (solenoid valve)

وبالتالي يمكن تغيير هذه الأجزاء جميعا أو احدهما طبقا والفحص للفتيس وكذلك هناك العديد من الاختبارات يمكن عملها للتأكد من سلامة هذه الأجزاء دون الفك وإذا أردت معرفتها نرجو الاتصال بنا علي 0115110782
م/ محمد رمضان

[elshreef_hemo]

السلام عليكم و رحمة الله و بركاته

الإخوة الأفاضل أعضاء هذا المنتدى الجميل ..ساعدوني

من يومين كده كنت ماشي بالعربية (نوبيرا 2 موديل 2001) و بعدين سمعت صوت غريب في الموتور (اكتشفت بعدين انه الفتيس) كأنه صوت حاجة بتلف على الفاضي ؟؟صوت موتور عالي بيلف على الفاضي رغم إني كنت ماشي على d.. المهم بعد شوية وقفت أشوف إيه الموضوع مالاقيتش حاجة..جيت أطلع بالعربية مفيش حركة؟؟

وقفت العربية و بطلتها شوية و بعدين أشغلها تاني و انقل الفتيس تتحرك العربية 100 متر كده على الأول و بعدين تفصل و ماتتحركش مهما أدوس بنزين(بتتحرك بالقصور الذاتي مش نتيجة لدوس البنزين) ؟؟

تفتكروا ده إيه و حله إيه ؟

و لو الفتيس اتكل على الله هل أشتري استيراد؟؟ و سعره كام و الاقيه فين ؟

و لو له تصليح يكلفني كام تقريبا و فين ؟
أتمنى سرعة الرد لأن العربية بالنسبة لي إيدي و رجلي
أشكركم للمساعدة و جزاكم الله خيرا

المشكلة دى بالظبط حصلت معايا النهاردة .. ياريت صاحب الموضوع أو أى حد فاهم يقولنا ده عيب إيه فتيس والا حاجة تانى؟؟؟

[hossam_elwani]

معلومه كنت عارفها من المنتدى هنا ان فيه بعض الفتايس استيراد للنوبيرا بتكون صنع فى المانيا واعتقد ان ده افضل من الصناعه الكورى والله اعلم

تحياتى

[elshreef_hemo]

انا عايز بس صاحب الموضوع يقولنا المشكلة طلعت من ايه ، لأن الاعراض اللى بيحكيها دى هيا بالظبط اللى حصلت معايا

[magedyounan]

انا عايز بس صاحب الموضوع يقولنا المشكلة طلعت من ايه ، لأن الاعراض اللى بيحكيها دى هيا بالظبط اللى حصلت معايا

ياريت صاحب المشكلة يقول العطل طلع ايه علشان الموضوع ده حصل معايا الان