ياريت الافادة باسعار الجنوط الحديد للعربية الفيات 127

[thegoodhacker]

عندي فردة جنوط فيها بارومة وعاوز اغيرها لانها بتهرب هواء الكاوتش التيوبلس .... علشان كده عاوز اشتري فردة جنوط حديد زي الاصلي .... فياريت الافادة : سعر فردة الجنوط حتكون حوالي كام ؟
الجنوط ده حيبقي جديد ولا استعمال ؟
ولو فيه امكانية الافادة عن محل مضمون اشتري منه في اسكندرية
وشكرا

[zumawy]

فى الغالب بتيجى مستعمل من اى حد بتاع استيراد اما الجنوط الاصلية بتاع ال 127 ودى تكون بسعر يتراوح بين 50 الى 60 بالكتير اوى وهتكون نظيفة جدا او جنوط الاونو تركب عليها وهتكون اقل فى السعر حوالى 40-45 جنية والكلام عن تجربة انا كانت معايا 127 وكنت غيرت الجنوط الحديد بتوعها بس انا من القاهرة

[Tarek_Swelm]

انا جبتهم من صلاح الدين من محل الرشيدي و اخدت الاربعة ب 160 بعد الفصال طبعا
و اذا دخلت في الشارع اللي وراة حتلاقي محلات اكتر و حتنقي كويس
الموضوع دة كان من سنة تقريبا .

[thegoodhacker]

شكرا علي جميع الردود ...
انا الحمدلله اشتريت فردة جنوط ب50 جنيه من يومين واعتقد انها كويسة ادعولي انها ما تعملش معايا مشاكل ان شاء الله ...

[x100]

ربنا يباركلك فيها

[thegoodhacker]

ربنا يباركلك فيها

ربنا يخليك و شكرا علي ذوقك