صوت ونة خشنة

[yahiawestlife]

السلام عليكم

أنا عندي مشكلة الصوت العالي لما اسيب الدبرياج والصوت بيروح لما ادوس الدبرياج
مع العلم أنا غيرت طقم الدبرياج كله بما فيه بلية الدبرياج


الصوت ده باين جدا وأنا ممور العربية وفي الغيار الأول والتاني
والصوت بدأ يظهر بعد تغير طقم الدبرياج على طول

فيه حد عنده فكرة ده من إيه ؟ وجزاكم الله خيرا

[yahiawestlife]

العربية طيب سيات ابيزا 2001 عايز أي رد يا رجالة

[samirayad]

ممكن تكون بلية عمود دريك الفتيس

دا لو كان الصوت موجود قبل ماتغير دبرياج ببليته

______________

وممكن تكون بلية الدبرياج الجديده وحشه

دا لو مكنش الصوت موجود قبل ماتغير بلية الدبرياج

[yahiawestlife]

تسلم يا سامي باشا

هو الصوت ماكانش موجود قبل مااغير طقم الدبرياج
هل فيه احتمال إن طقم الدبرياج اتركب غلط ؟ أصلي البلية جايبها جديدة واصلية

[samirayad]

هو الصوت ماكانش موجود قبل مااغير طقم الدبرياج

أكيد دى غلطة صنايعى

مقامش بالواجب كويس

من ناحية النظافه والتشحيم لظرف البليه من الداخل

يعنى نقدر نقول

ده شغل صنايعى عكاك

وبعكه

بوظ بلية الدبرياج للأسف

[yahiawestlife]

الحمد لله المشكلة طلعت في زيت الفتيس أنا رحت لميكانيكي تاني وقال لي إن ده مش عيب الميكانيكي ده طبيعي جدا وروح غير زيت الفتيس وامشي بيها 3 أيام كده وال صوت هيروح فعلا الحمد لله الصوت راح خالص وشكرا على مشاركتكم