العربية ما بترجعش بظهرها !!!!!!!!!!

[ahmedgooooo]

المشكلة غريبة بصراحة و اول مرة اوجهها لما اجي ادي العربية المرشدير و ارجع بظهري تيجي عند اي مطلع تروح وقفة و عملة صوة دربكة و تخبيط جمدين اوي الصوت جاي من نحية الفتيس انا مش عارف ده من ايه
العربية نصر127 موديل 1983 و حلتها ممتازة و ما بخلهاش محتاجة حاجة و المكانيكي مشيك عليها و مغيرلها جوز كبالن و اسكترا و تيل و مروق عليها
يا ريت اعرف ايه السبب
وشكرا

[yoko]

الدبرياج سليم؟؟؟
لو سليم وكل الغيارات التانيه سليمه ممكن يكون فيه بوش في سنون الفتيس!

[bassem.naguib]

اعتقد من وصفك ده كدة مبدئياً طقم دبرياج أو حاجة فيه .. سواء كانت اسطوانة أو ديسك أو بلية .. أو غوايش الفتيس لو الغيارات مبتثبتش في مكانها أو الغيار بينطر من مكانه .

يا أما بقى العيب في عدم ظبط رجلك على دواسة الدبرياج .

[caysersosaih]

بيتهيألي مشكلة فتيس بس يا ريت تعملها بسرعه بدل ما تأثر علي باقي التروس

[mohamed9999]

طقم دبرياج اكشف عليه وبعدين لما تدربك فى مطلع سواء بوشك او بضهرك يبقى طقم دبرياج

[ahmedgooooo]

على فكرة الدبرياج سليم و باقي الغيارات كويسة جدا و انا بسوق بقالي اربع سنين والعربية كانت بتدخل على المطلع ده عادي بظهرها ولا كان في اي حاجة و الحركة ديه جت فجأة ولما صحبي ركب يجرب عملتها معاه برضوا
فبقالي شهر بدخلها بوشها و الموضوع ده مضايقني جامد و معجزني

[ahmedgooooo]

اعتقد من وصفك ده كدة مبدئياً طقم دبرياج أو حاجة فيه .. سواء كانت اسطوانة أو ديسك أو بلية .. أو غوايش الفتيس لو الغيارات مبتثبتش في مكانها أو الغيار بينطر من مكانه .

يا أما بقى العيب في عدم ظبط رجلك على دواسة الدبرياج .

لا الغيار بيتنيه في مكانه ما بينطرش بس هي عملتها معايا مرتين على الطريق
كانت وخدة الغيار الثالث وكان فيه تعريجة في الطريق زي تكسير كده راح الغيار ناطر و الفتيس مور لوحده

و عملت نفس الموقف مع صحبي برضه بس في التكسير بس

[yoko]

دي كده فيه مشكله في الفتيس

[bassem.naguib]

المشكلة في ترس المرشدير داخل الفتيس ودي لازم الفتيس يتفك ويركب ترس بدل اللي بايظ .. ونسبة ضعيفة في الغوايش
بس في سؤال تاني .. لو على أرض مستوية المارشدير بيبقى عادي

[bassem.naguib]

المشكلة ممكن تكون في ترس المارشدير داخل الفتيس لو بتعمل نفس الحركة لو الأرض مستوية .. لو مبتعملهاش والأرض مستوية .. ممكن تكون صلايب كردان أو محتاج تركب ورد يتحكم بيها الكردان .. ودي كلها مجرد تخمينات

[ahmedgooooo]

لا العربية لو على ارض مستوية ما بتعملش حاجة خلص غير خبطة خفيفة في الطلعة لو ان قارص عليها شوية كل في المرشدير بس الغيرات الامامية كلها عادي خالص و موضوع صليبة الكوبلن كانت فرطة و غيرتها لان كان في صوت بين كل نقلة و نقلة بس بعدها كل حاجة اتظبتط معادا المرشدير على مطلع

[Adham]

ترس المارشدير
روح لمتخصص فتايس يحل الفتيس و يغير الترس

مصر بتشجع الفتايين

[ahmedgooooo]

الف شكر يا رجالة النايل موتورز و مشعارف من غيركم كنت ها عمل ايه

[ahmedgooooo]

بس ممكن نعرف الأسباب ال تخلي الترس يحصله كده علشان باقي المنتدي يخلي باله منها

[weta]

انا اظن المكنه خفيفه لو هيه بتعمل كده عل مطالع بس