اختلاف مقاسات الكاوتش ممكن يعمل ايه ؟

[SASA3]

السلام عليكم و رحمة الله و بركاته

كنت عاوز اسال بس لو الكاوتش مختلف فى المقاس ده ممكن يعمل ايه
هل عدم توازن او حدف يمين و شمال اكنها عاوزه تعديل زوايا بالكمبيوتر و ترصيص و كده ولا ايه

علشان انا عندى الكاوتش
الامامى 14 185/70
خلفى 14 185/80

[Adham]

طالما الفردتين يمين و شمال زي بعض نفس المقاس و نفس النوع و النقشة و في عربية مافيهاش اية بي اس مايبقاش فية مشكلة

المشكلة لو العجلة اليمين غير الشمال (في المقاس) تلاقي العربية بتحدف يمين و شمال مع دوسة البنزين و مع الفرامل (واحدة تخليها تحدف يمين و التانية تخليها تحدف شمال)

فرق النقشة يعمل فرق طفيف قوي و قد لا يكون ملحوظاً

[wael6]

الحمد لله الركب سليمة ( وانا ركبي حديد والاهلي حديد ههههههههه )
طلع اسنان الالسكترا مفوته فغيرتها وجيبت الايطالى ب 220ج وجوز مقصات ب 95 ج وشوية كوتشات وجوز تيش للاسف دخلت فى حيطه ( 500 ج بالمصنعيات (( للعفشجى وروحت ظبطت زوايا كمان )) )
الحمد لله لكن العربية مره تحدف يمين وارجع لبتاع ضبط الزوايا واروح اجرب الاقيها تحدف شمال وعلى كده حوالى 4 او 5 مرات مره يمين ومرة شمال (( يوجد الان حدفه شمال وصوت صرخه وتقل بسيط فى الدركسيون ما سببهما وما الحل ))
وفى الاخر خالص قرر انه عيب كاوتشات انى عاوز ع الاقل جوز كوتشات جداد ادام لمنع صوت الصرخة والحدفة اللى بتحصل )) هل هذا صحيح ام العيب فين انا اسف للاطاله وارجو الافاده

[SkyBird]

طلع اسنان الالسكترا مفوته فغيرتها وجيبت الايطالى ب 220ج

جبتها منين يا فندم
اصل انا عايز جريده مسننه لاسكاترة لانسر كريستالة بس تكون جديده

[wael6]

جبتها منين يا فندم
اصل انا عايز جريده مسننه لاسكاترة لانسر كريستالة بس تكون جديده

السلام عليكم
اولا انا من المنصورة
ثانيا عربيتي 128 اكيد مختلفه عن عربيتك والله اعلم
ولكن لو احتاجت شئ اقدر عليه اكيد مش هتاخر عليك وربنا يوفقك