يا جماعه ياريت تساعدوني بجد

[zadreamer]

أنا معايا لانسر 98 موتور 1600 أوتوماتيك:
1:لاقيت خنقه غير طبيعيه في الموتور , روحت للميكانيكي قلي ده عيب ترمبة بنزين أختبرها لقى ضغط الترمبه تمام ؟, بعد كده قلي ده عيب فلتر بنزين (غيرته)؟,بعد كده قلي ده عيب بوجيهات (غيرت الطقم كامل)؟, بعدكده نظف السيور والرشاشات و(غيرت سلك الموبينه) ونظف الآنجكشن ؟,بعد كده قلي ده عيب كهرباء (ظبطها)؟, بعد كده قلي تلآقيه حساس البنزين (ياتر صح ولا غلط ويا ترى ده يعمله كام)؟؟؟, وكل شويه يطلعلي بحوار وانا أدفع وأغير في الآخر خالص بعد ما دفعت ده كله قلي روح شوفها على الكمبيوتر ؟؟, بعد كده لقيت المياه في الريداتير بيجي عليها زيت قلولولبي ده (هغير وش السيليندر) يا ترى ده تمنه كام ؟؟؟؟, بعد كده لقيت العربيه بيتجيب دخان أبيض خفيف قلولي (هتغير طقم شنابر ) يا ترى ده تمنه كام؟؟؟؟, شويه وواحد صحبي عنده شبه معرفه في العربيات قلي ممكن عيب السحب في العربيه يكون عيب فتيس فسألت الميكانيكي قلي (مال الفتيس ومال السحب) ؟؟؟؟؟, فأنا عايز أعرف حوار العربيه دي من وجهة نظركم يأخواني ايه ؟؟..

[hamedo0]

انت شوفت العربيه علي الكمبيوتر ولا لا
لو زيت بيخش علي المياه غير جوان وش السلندر مش وش السلندر نفسه وشوف لو محتاج يروح للخراط ولا لا ليكون مفقفق وش السلندر مفقوك يقولك الميكانيكي محتاجه طقم شنبر ولا لا
نصيحة اخويا غير الميكانيكي بتاعك

[walidabdelaziz]

أنا معايا لانسر 98 موتور 1600 أوتوماتيك:
1:لاقيت خنقه غير طبيعيه في الموتور , روحت للميكانيكي قلي ده عيب ترمبة بنزين أختبرها لقى ضغط الترمبه تمام ؟, بعد كده قلي ده عيب فلتر بنزين (غيرته)؟,بعد كده قلي ده عيب بوجيهات (غيرت الطقم كامل)؟, بعدكده نظف السيور والرشاشات و(غيرت سلك الموبينه) ونظف الآنجكشن ؟,بعد كده قلي ده عيب كهرباء (ظبطها)؟, بعد كده قلي تلآقيه حساس البنزين (ياتر صح ولا غلط ويا ترى ده يعمله كام)؟؟؟, وكل شويه يطلعلي بحوار وانا أدفع وأغير في الآخر خالص بعد ما دفعت ده كله قلي روح شوفها على الكمبيوتر ؟؟, بعد كده لقيت المياه في الريداتير بيجي عليها زيت قلولولبي ده (هغير وش السيليندر) يا ترى ده تمنه كام ؟؟؟؟, بعد كده لقيت العربيه بيتجيب دخان أبيض خفيف قلولي (هتغير طقم شنابر ) يا ترى ده تمنه كام؟؟؟؟, شويه وواحد صحبي عنده شبه معرفه في العربيات قلي ممكن عيب السحب في العربيه يكون عيب فتيس فسألت الميكانيكي قلي (مال الفتيس ومال السحب) ؟؟؟؟؟, فأنا عايز أعرف حوار العربيه دي من وجهة نظركم يأخواني ايه ؟؟..

طالما فى زيت جى على مية الريدياتير يبقى عندك جوان السلندر بايظ ويتغير بس ربنا يستر ما يكونش فى شرخ البلوك الموتور او تفقع وش السلندر
الزيت اللى يجى على مياه بيحصل عن طريق -تسريب الزيت من مجراه فى بلوك الموتور من عند جوان وش السلندر على مجرى المياه وبالتالى تلاقى المياه مختلطة بالزيت بس لازم تلحق تشوف ايه الموضوع اذا كان الجوان بس ولا الوش فقع ومحتاج خرط لا قدر الله

الدخنة البيضه دى تبقى بخار مياه يعنى كده المياه تخش على غرفة الاحتراق مع البنزين والهوا والبوجيه وتلاقى العربيه مخنوقه وده هيبقى برده الجوان او الوش سلندر وبالتالى فى تسريب كبس خفيف بالاضافة عدم نقاء الخليط البنزين والهوا

[caysersosaih]

غبر الميكانيكي الي لسه مش عارف ان العربية جايبة وش سلندر

[mohamedrabia]

اول مرة اعرف ان الكرستاله فيها رشاشات صاحبي معاه 1300 كريستاله 98 مفهاش رشاشات كاربرتير

[zadreamer]

اول مرة اعرف ان الكرستاله فيها رشاشات صاحبي معاه 1300 كريستاله 98 مفهاش رشاشات كاربرتير

ممكن يا باشا بس بتاعتي مواصفات خليجي ومتور 1600 ccفالله أعلم بس انا صحبي معاه كرستاله 1300 مو98 أنجكشن ورشاشات.

[zadreamer]

غبر الميكانيكي الي لسه مش عارف ان العربية جايبة وش سلندر

فعلا ياباشا انا لازم أغيره لآنه مبصش حتى على زيت المتور الي لونهبقى أسود فحم وريحته محرؤه ولا بص على الريداتير كل الي فيها نزل تغيير في دورة البنزين بعد مش لآى فايده قلي حطها على الكمبيوتر علشان ده تئريبا حساس بنزين (طيب مكان من الآول ) يا أما وديها الحرفيين (طيب أحنا في الزقازيق والعربيه مش بتعدي 10كم هوديها الحرفيين أزاي )؟

[m_love4me]

فعلا ياباشا انا لازم أغيره لآنه مبصش حتى على زيت المتور الي لونهبقى أسود فحم وريحته محرؤه ولا بص على الريداتير كل الي فيها نزل تغيير في دورة البنزين بعد مش لآى فايده قلي حطها على الكمبيوتر علشان ده تئريبا حساس بنزين (طيب مكان من الآول ) يا أما وديها الحرفيين (طيب أحنا في الزقازيق والعربيه مش بتعدي 10كم هوديها الحرفيين أزاي )؟

السلام عليكم ورحمه الله وبركاته


حضرتك ف الزقازيق


فى واحد اسمه المهندس عمرو النجار

هو اصلا الورشه تابعه لصيانه شيرى ال ماسكها

بس هما بيفهموا جدا ما شاء الله عليهم

صحيح اسعارهم عاليه شويه :( وياما اتسلعت منهم

بس فعلا بيفهموا وبيعرفوا هما بيعملوا ايه


- قبل الزراعه -- جنب شيبوب بتاع الترصيص


تحياتى لك

للاسف خبرتى ف العربيات قليله جدا
اول عربيه لسه :)
وماعرفش ميكانكيه قد كدا

ف حضرتك ممكن تروحلهم وان شاء الله خير