هزة جامدة فى الفتيس فى وضع المور

[refath]

السلام عليكم ورحمة الله وبركاته

انا معايا 128 موديل 99 فتيس 5 غيار وعندى بلاقى هزة جامدة فى الفتيس على وضع المور ( مع صوت رجة لا يطاق )
مش عارف من ايه مع العلم انى الغيارات كلها كويسه ومفيش فيها اى مشاكل وكمان ضبطت الكهرباء والهواء بتاع العربية

يا ترى ما هى اسباب هزة الفتيس وهل يوجد حل ؟؟؟؟؟؟؟

[sary005]

قاعدة الفتيس ياباشا ياريت تكشف عليها علاشان ممكن تباء المشكلة منها و لو القعدة ساليمة لقدر الله ممكن تكون بلية الفتيس و كمان الفتيس تكون محتاج شغل و اكيد الفتيس عندك كامل باحالة الفبريكة يعنى محلتش الفتيس قبل كدة و معملتش فية صيانة

[saadelden]

اما بتدوس دبرياج الهزه بتروح ؟؟
غير كدا يبقى حاجه ف الماتور
ظبط التاكيهات و شوف طقم الكهربا و شيك ع الماتور كويس

[refath]

الف شكر على ردودكم يا شباب
اولا قاعدة الفتيس انا كشفت عليها والحمد لله سليمة
ثانيا اما بتدوس دبرياج الهزه بتروح ؟؟ لا والهزة دى بتفضل موجودة فى اى نقلة وصوت الرجة ده لا يطاق
انا مغير بوجيهات والسيور والفلاتر كلها وكمان مضبط كهرباء وهواء العربية كويس

[hondaman]

شيك على كل القواعد

[refath]

شيك على كل القواعد

الف شكر ليك
وجارى التنفيذ ان شاء الله
بس انا شاكك انى عصا الفتيس محتاجة حشو
هل ده مفيد ام غير مجدى

[hondaman]

الف شكر ليك
وجارى التنفيذ ان شاء الله
بس انا شاكك انى عصا الفتيس محتاجة حشو
هل ده مفيد ام غير مجدى

بصراحة معرفش حكاية حشو عصاية الفتيس انا اول مرة اسمع عنها لان عصاية افتيس فى ال 128 و 127 هما هما ودى تجربتى فى اول عربية ليا 127 اللى اعرفو ان عصاية الفتيس نازلة لتحت العربية متوصلة ب وصلة البعض بيسموها معلقة نسبة انها فيها شبة بالمعلقة والبعض بيقول عليها شوكة او عقربة دى بتتكسر بتلغى خالص عصاية الفتيس لا كن عصاية الفتيس ليها حشو بجد الله اعلم ممكن يكون قصدك علبة الدركسيون هيا دى اللى اعرف ان ليها حشو لو عادة ( بستم -وشحم و الخ ) لو باور يبقى طقم اصلاح ... بس من كلامك ان عربيتك انت ظابطها وكهربتها مظبوطة والمكنة تمام عشان كدة رجحت انها تكون قواعد حوض المكنة كلها ممكن واحدة بس متاكلة شوية تعملك البرجلة دى

[refath]

بصراحة معرفش حكاية حشو عصاية الفتيس انا اول مرة اسمع عنها لان عصاية افتيس فى ال 128 و 127 هما هما ودى تجربتى فى اول عربية ليا 127 اللى اعرفو ان عصاية الفتيس نازلة لتحت العربية متوصلة ب وصلة البعض بيسموها معلقة نسبة انها فيها شبة بالمعلقة والبعض بيقول عليها شوكة او عقربة دى بتتكسر بتلغى خالص عصاية الفتيس لا كن عصاية الفتيس ليها حشو بجد الله اعلم ممكن يكون قصدك علبة الدركسيون هيا دى اللى اعرف ان ليها حشو لو عادة ( بستم -وشحم و الخ ) لو باور يبقى طقم اصلاح ... بس من كلامك ان عربيتك انت ظابطها وكهربتها مظبوطة والمكنة تمام عشان كدة رجحت انها تكون قواعد حوض المكنة كلها ممكن واحدة بس متاكلة شوية تعملك البرجلة دى

الف شكر يا باشا
انا روحت للميكانيكى يوم الجمعه وظبطلى الفتيس كان محتاج شوية تشحيم فى البلية بتاعته وكمان ركبلى سوستة
والحمد لله بقى تمام

[refath]

أنا غيرت الاتى
1- عصاية الفتيس
2- قاعدة الفتيس
3- ديسك واسطوانة وبلية
4- سلك دبرياج
5- زيت الفتيس
6- تم الكشف على قاعدة وشداد الموتور ووجدو بحالة سليمة

برجاء الافادة لانى خلاص عايز ابيع العربية ومفيهاش غير العيب ده وعايز اصلحو قبل ما ابيعها

[refath]

الحمد لله تم حل المشكلة نهائي
والمشكلة طلعت انى اسفل عصاية الفتيس بها فتحة دائرية
والفتحة دى راكب فيها ماسورة طويلة عن طريق مسمار والطرف الاخر متوصل بالفتيس
المشكلة بقى انى الفتحة اللى فى اسفل عصاية الفتيس كانت اوسع من المسمار اللى فى الماسورة بحوالى 2 ملى
تم عمل تزويد مسمار الماسورة بالنحاس وتجليخها جيدا( عند اى واحد عنده ماكنة لحام )
تم تشحيم بلية عصاية الفتيس
تم التركيب والتربيط والحمد لله