مشكله فنيه في الفتيس

[atvi1000]

الي خبراء الفيات ال 127

اولا انا جايب السياره هي كويسه جدا بس كان فيها بعض العيوب عملتها الحمد لله خلال الشهر اللي فات كانت عوزه طقم شمبر فعملته وغيرت كبالن وكمان جابت اسطوانه لاني كنت لسه بتعلم عليها فمستحملتش تقريبا فغيرت الطقم كله من يومين
بس المشكله دلوقتي في كم حاجة مش عارف سببهم في منهم ظهر بعد الفك والتركيب ومنهم من وقت ما اشريت العربيه

اولا مشكلات قديمه

1-احيانا في صعوبه لما باجي اجيب الغيار الاولاني بحس بدقره وبسمع صوتها في ناس قالوا لي المعلقه بس الميكانيكي اللي بتعامل مع قال لا سليمه بس مقليش سبب المشكله ديه ايه شكله ميعرفش اصلا

مشكلات جديده

1- بعد طقم الشمبر وبعد ما ظبط تاكيهات بحس بزي زنه تحت رجلي في دواسه البنزين خصوصا وانا بجري بالعربيه والزنه ديه مستمره ومش بتعلي او بتوطي زي زنه ماكينه الحلاقه بتاع الدقن كده ( مش عارف ديه تاكيهات ولا حاجة تانيه )

2- بحس بنخعه لو انا ماشي علي الاولاني بسرعه بطيئه وشيلت رجلي من البنزين وحطتها علي الفرامل علي شان اهدي بدون ما ادوس دبرياج بلاقي العربيه بتتنخع كده ونفس الحركه بتحصل لما اجي ارجع رجلي للبنزين تاني بدون دبرياج

3- بعد طقم الدبرياح لقيت نفس النخعه بردو بس زاد عليها اني بقيت احس ان عصايه الفتيس كمان بتتنخع وكان الفتيس كله بيتنخع

انا عارف اني طولت عليكم بس معلش اخوكم لسه جديد في السواقه وكمان في مشاكل العربيات

[volk]

1-احيانا في صعوبه لما باجي اجيب الغيار الاولاني بحس بدقره وبسمع صوتها في ناس قالوا لي المعلقه بس الميكانيكي اللي بتعامل مع قال لا سليمه بس مقليش سبب المشكله ديه ايه شكله ميعرفش اصلا

اهلا بيك

واجهتني نفس المشكله و كان سببها الغويشه بتاعت الغيار الاول عايزه تتغير

تكلفتها تقريبا 50 جنيه بالاضافه للجوانات و غيره الانه هيفك الفتيس كله و ممكن تكلفك في حدود 100 الي 120 جنيه بالتركيب بكله

بس برضوا شوف ميكانيكي تاني يفيدك اكتر و يئكد علي العيب فين

1- بعد طقم الشمبر وبعد ما ظبط تاكيهات بحس بزي زنه تحت رجلي في دواسه البنزين خصوصا وانا بجري بالعربيه والزنه ديه مستمره ومش بتعلي او بتوطي زي زنه ماكينه الحلاقه بتاع الدقن كده ( مش عارف ديه تاكيهات ولا حاجة تانيه )

علي ما اعتقد ان الزنه ممكن يكون الموتور ملمس في جسم العربيه و ده سببه ان جلده اللي بتربط الموتور بالشاسيه اتقطعت بس لازم لتغيرها فك الموتور كله

2- بحس بنخعه لو انا ماشي علي الاولاني بسرعه بطيئه وشيلت رجلي من البنزين وحطتها علي الفرامل علي شان اهدي بدون ما ادوس دبرياج بلاقي العربيه بتتنخع كده ونفس الحركه بتحصل لما اجي ارجع رجلي للبنزين تاني بدون دبرياج

كده لازم تروح لعفشجي يشوف و يربط العفشه الانه كان بيحصل عندي نفس الكلام و كان سببه ان العربيه مرفوعه من قدام بشكل كبير لسبب مجهول

[atvi1000]

شكرا يا باشا علي الرد بتاعك واكيد هستفيد منه

بس انا انا اول لما جبتها روحت لعفشجي وبص علي العربيه وقالي انها تمام ومفيها حاجة خالص كان في بس كوتشات الميزان وغيرتها وروحت ظبط زوايا وبقت تمام
انا حاسس ان الموضوع ده سببه عيب في الميكانيكي او هو فك حاجة ومرجعهاش زيما كات او حاجة متظبطتش
مع اني سالته علي قواعد الموتور فبص عليهم وقالي كلهم كويسين تحت وفوق فمش وبالنسبه للعربيه عندي مش مرفوعه من قدام ولا حاجة هي عاديه ووقفه علي حيلها كويس

ويا ريت حد يفيدني بخصوص النخع الجديد بعد فك الفتيس وتركيب طقم الدبريياج هل هو مربطهوش كويس ولا يه بالظبط


انا حاسس ان المشكله مشكله ظبط فياريت حد يفيدني

انا كده كده ناوي اروح عند ميكانيكي تاني يشوف لي الظبط بتاعها ويسوقها ويقولي ايه السبب

[atvi1000]

انا امبرح روحت للميكانيكي تاني وهو ربط لي حاجات تحت شكله كان مش مربطها دلوقتي مقاش في الرجه اللي كانت الاول بس بردو حاسس ان العربيه متكلبشه شويه خصوصا في السرعات المنخفضه لحد قل ال 60 كده
فياترا ده ممكن يكون تاكيهات ولو هي تاكهات يا ريت حد يقولي بحس بايه لو التاكيهات مش مظبطوطه

[atvi1000]

احب اطمنكم انا روحت امبارح عند ميكانيكي تاني في شبرا هو كويس قوي وطلع معي وجرب العربيه وحس فعلا ان التاكيهات مش مظبوطه وفتحوظبطها لي وكمان كان طلعت معه وجربنا العربيه وكانت بتخبط تحت خبطهجمده قوي وانا جايب الرابع وخصوصا لما باجي ازود بنزين او اهديواجي ازود تاني وهو اكتشف السبب طلع ان الميكانيكي الاولاني تقريبا غبي وكان المفروض يحط ورده بعد راس الكوبلن قبل الطمبوره وعلي شان كده العربيه كان بتعمل الدبدبه ديه من العجله الشمال فك وحطهم وطلعنا تاني جربنا والعربيه بقت تمام بس دلوقتي حاسس انها بتحدف ناحيه الشمال وانا بجري فعاوز اروح اظبط الزوايا

فياريت حد يفيدني في موضع الزوايا ده هل بع شغل الكبالن ده وتركيب الكاوتش الجديد لازم اظبط زوايا مع العلم اني مرصص لسه من اسبوع وكنت ظابط زوايا قبل ما اعمل صيانه العربيه والكبالن والكاوتش وطقم الشمبر

منتظر رد اهل الخبره