فتيس اكسيل 1500 مو 95 مانيوال

[wael6]

السلام عليكم
عربيتي اكسيل 1500 مو 95 مانيوال 5 غيار
عملتلها نص عمره للموتور والحمد لله كويس
حاليا ومن قبل العمره يوجد 3 اصوات وحركات
1- صوت والعربيه واقف ومموره زى مثلا تكتكتكتكتكت بس مش عالى اوى وبيروح لما بدوس ع الدبرياج
2- صوت والعربيه ماشيه زى مثلا ور ور ور ور وبيروح لما بدوس دبرياج او امور
3- صوت لما بسيب رجلى من ع البنزين زى مثلا هى هى هى هى هى
يوجد خشونة فى تروس النقلات بمعنى بحس بصوت التروس وحركته بين الحارات خصوصا فى الاول والثانى
حاليا حاطط زيت 140 وكان قبله 90 ومحستش بقفرق
رايي الميكانيكي ان مصدر الاصوات الفتيس ويوجب تغيره لان تصليحه مصاريف ع الفاي وهيرجع تانى
وراي 2 عفشجيه هكذا بالزام تغييره
ويوجد راى 2 آخرين ان ممكن يحطوا علبة شحم ع الزيت وهيتظبط
وآخرين بيقولوا هنغير زيت 140 ونحط زيت سايب اتخن من 140 للتجربه ولو مراحش الصوت والخشونه يبقي لازم تغييره
يارب اكون قدرت اوصفلكم حال الفتيس ومشاكله
واسف للاطاله ومستني ردودكم القيمه باذن الله
وحفظكم الله تعالى ومصر من كل سوء

[saadelden]

الي عندك دا كرونه الفتيس خلصانه
الافضل تغيره لان بالشحم او من غيره كدا كدا الفتيس بايظ اصلا

[wael6]

الي عندك دا كرونه الفتيس خلصانه
الافضل تغيره لان بالشحم او من غيره كدا كدا الفتيس بايظ اصلا

طيب مش ممكن يكون بلي فتيس وبيتظبط
ولا رايكم ايه
ولكم جزيل الشكر والامتنان

[ahmed_h_g]

بيتصلح مفيش مشكله

[wael6]

هل الفتيس لو محتاج بلي وغوايش مثلا واتصلح هل يرجع يرد تانى بعد فتره بسيطه ولا الافضل تغييره
وياترى تكلفة فك وتركيب الفتيس وتغيير البلي كام ؟
وهل فى بلي اصلى ومضروب واعرفهم ازاى؟
اسف جدا للاطاله
وجزاكم الله خيرا

[tiger451]

انا شايف ان اصوات العربيه كده زي الفل كر و ور و هي
علي فكره انا بهزر اوعي تزعل
في الغالب حتكون مشكله في بلي الفتيس
وانشاء الله تتصله ومترجعش تاني لو رحت لميكانيكي محترم

[wael6]

انا شايف ان اصوات العربيه كده زي الفل كر و ور و هي
علي فكره انا بهزر اوعي تزعل
في الغالب حتكون مشكله في بلي الفتيس
وان شاء الله تتصله ومترجعش تاني لو رحت لميكانيكي محترم

يارب
ربنا اللى عالم انا لسه طالع من عمره للموتور
وشكرا جزيلا

[wael6]

لو جيبت فتيس اجيب بتاع اللانسر صفيه او بطه
ولا يستحسن بتاع الاكسيل
ولكم جزيل الشكر

[ahmed_h_g]

لو جيبت فتيس اجيب بتاع اللانسر صفيه او بطه
ولا يستحسن بتاع الاكسيل
ولكم جزيل الشكر

نفس الفتيس بس هيختلف الواير عن الباكم

[wael6]

نفس الفتيس بس هيختلف الواير عن الباكم

السلام عليكم

وبتاعى واير ولا باكم
وايه الافضل وطرق اختبار الفتيس من فضلك والتعامل معاه
ولدى مشكله اخرى

العربيه بتنتش منى اوقات ع الاول والاكتر ع التانى
خصوصا لما بهدى فى الملفات واقرب للوقوف التام او شبه الوقوف واجى اطلع الاقي نتشه العربيه بتترج من ورا لادام وكانها هتبطل
مش عارف ده من ظبطة رجلى فى الدبرياج والبنزين ولا من ايه
علما بان برده اوقات الاقى العربيه ماشيه على سرعة 20 كم ع الثانى وتنتش برده وكانها هتبطل
ولما بكون ماشي ع الثالث وبسرعة قليله اقل من سرعة الثالث المنطقيه لا تنتش ولا تفعل شئ ملاحظ وتسير بهدوء لحد ما تاخد سرعتها ولا اعالجها بالدبرياج
انا عملت نص عمره للموتور ولكن هذه النتشه من قبل العمره واعانى حاليا من خشونة الفتيس

نرجو الافاده ولكم جزيل الشكر والامتنان

[ahmed_h_g]

النتشه ليها كذا سبب
بس واضح من كلام حضرتك ان العربيه عايزه تعلى شويه أو محتاجه ظبط بسيط للكربراتير

بالنسبه للفتيس مش موضوع الأفضل
اللى راكب عند حضرتك واير ولا باكم ؟

[wael6]

النتشه ليها كذا سبب
بس واضح من كلام حضرتك ان العربيه عايزه تعلى شويه أو محتاجه ظبط بسيط للكربراتير

بالنسبه للفتيس مش موضوع الأفضل
اللى راكب عند حضرتك واير ولا باكم ؟

بصراحه مش عارف لكن هسال واقول لحضرتك باذن الله
وبشكرك جدا لاهتمامك القيم ده يا بشمهندس

[ahmed_h_g]

على ايه بس
الشكر لله

[wael6]

الدبرياج واير يا بشمهندس
هل ينفع يتحول لباكم ولا مينفعش
ولو فضل واير فى طريقه انه يخف شوية
وهل له علاقه بالفتيس ونقلاته
ولكم جزيل الشكر

[ahmed_h_g]

الدبرياج واير يا بشمهندس
هل ينفع يتحول لباكم ولا مينفعش
مش عارف بصراحه
ولو فضل واير فى طريقه انه يخف شوية
غير الدسك
هو المسؤل عن خفية الدبرياج
وهل له علاقه بالفتيس ونقلاته
لو بين الباكم والواير يبقى مفيش
والدبرياج لو مبيتضغطش عليه للأخر
مع كل مره وتكرار نفس الحركه الغوايش بتتاكل
ولكم جزيل الشكر