أسعار الكاوتش 175/70/13

[asem11211]

ف اول مشاركة ليا على الموقع الجميل المفيد ده حبيت اكتب خلاصة بحثي عن الكاوتش
انا روحت اللرومانى الى فى جسر السويس وسألته على الاسعار للكاوتش مقاس 13/175/75
سلفر ستون (ماليزى) (تيل) 235
فورسيم (اندونيسي) 250
جوديير (تركي) 255
بريللي (تركي) p3000سلك 270
باروم (اتحاد اوربي) تيل 250
سومتو (يابانى) تيل 285
نيكسن كورى 250
جي تي صيني سلك 215
تايجر يوغسلافي سلك 230
سيات تركي سلك 225

الاسعار دي بتاريخ 12/4/2011
وروحت سألت عند أشرفكو أمام محطة مترو المطرية وكانت أسعاره خيالية ومعندوش انواع كتير ومعندش زباين الساعة 5.30 العصر هههههههههههههههههههههههههه .
انا مبشجعش البطل الروماني بس لو فيه مكان احسن ياريت نكتب علية والاسعار وتاريخ عرض السعر علشان الناس تقدر تستفيد من الموضوع

[م/مصطفى محمود]

انا لسة مشتري ال بريللى ال 3000 من الروماني ب 265 من حوالي شهر

[medo_huhu]

انا لسه جايب تويو يابانى ب 275 بالترصيص و النيتروجين

[mrastra]

طب منا كنت معاك
مش برضو رحنا سوا

[M.Elgergawy]

اعتقد افضلهم سوميتو الياباني ودا كان بينزل مع اللانسر الكريستالة الاصلي من بلدها
وانا كنت جايب بريدجستون اندونيسي من حوالي سنتين الفردة ب 280 بالترصيص والنيتروجين

[exact]

BridgeStone B250 13/70/175 Indonesia
275 جنية بالبلوف
جربته مرة واشتريت منه تاني لأن التراكشان بتاعة (معامل الحرارة) درجة بي B وهي المناسبة لمصر...بالاضافة انه ولله الحمد فرمل العربية من 120 كم فالساعة في مسافة اقل من 30 متر وبفضل الله حاش عني حادثة شديدة بس العفشه تعبت بسبب الفرملة الجامده دي

[Fadl]

انا قدامى دلوقت الانواع و الاسعار دى
فايرستون ب 300
دانلوب يابانى ب 310
نوكيا ب 300
روتكس اوروبى ب 265
gt ب 275
سبكترا اندونيسى ب 250

ايه رأيكم مين احسن ؟؟
بس ضرورى لأن العربية واقفه و الفردتين اللى قدام جابوا اخرهم خلااااص
العربيه لادا ع فكرة

[M.Elgergawy]

طيب فين البريدجستون
اللي انت ذاكرهم افضلهم الدانلوب طبعا

[a_hmed]

bridgestone b250 13/70/175 indonesia
275 جنية بالبلوف
جربته مرة واشتريت منه تاني لأن التراكشان بتاعة (معامل الحرارة) درجة بي b وهي المناسبة لمصر...بالاضافة انه ولله الحمد فرمل العربية من 120 كم فالساعة في مسافة اقل من 30 متر وبفضل الله حاش عني حادثة شديدة بس العفشه تعبت بسبب الفرملة الجامده دي

البريدجستون لا خلاف عليه

انا جايبه من حوالى اسبوعين ب 311 بالنيتروجين بالترصيص و الجنوط كانت معوجة عدلهم كمان و ظبتهم

[llvllAX]

طب الباروم دا ايه ظروفو يا جماعة ... ابويا الله يكرمه جابه من اسبوع من غير ما يقوللي و حاسس اني اول مرة اسمع الاسم دا و محدش استخدمه قبلي و حاسس انه تعبان و انا لبست

[michaelhyundai]

الباروم %100

الموضوع جميل وخصوصا انى من اول الناس الى ركبت الكاوتش الباروم
على فكره هو اصلا كان اسمه كونتينينتال وكان مشهور بالاسم ده وعموما هو كاوتش محترم جدا و كمان مبقاتش موجود وسعره وصل ل 310 جنيه للمقاس 13