تيش الفتيس

[Ahmed.Ali]

بسم الله الرحمن الرحيم

انا عندي بونتو 2002 و اماكن الغيارات غريبه جدا بعيده عن بعضها و مرحله لقدام و بما اني شاري العربيه مستعمله كنت بحسب انها كدا لحد ما جربت عربيه زميل لينا هنا و طلع في فرق

الميكانيكي قالي عاوزه حشو و مش بيتباع و هات عصايه فتيس استيراد و لما كلمت يوسف محمد بتاع قطع غيار الفيات قالي العربيه مفيهاش حشو و فيها تيش و سعرهم الف جنيه
ايه بقي تيش الفتيس دا و بيعمل ايه؟؟

[amrmaismail]

الف جنيه ايه ابن ال تييييييييييييت
ما نا لو قلتلك التيش ده ايه هتروح تقتله
التيش ده بيكون واصله بين الجير والدراع وعادة بيكونوا ٣ اتنين منهم قصيرين طولهم بتاع ١٠ سم وواحد طويل حوالي ٢٠ سم وهو عامود حديد في آخره كورتين كده مفرغين بيركبوا كبس كده زي مساعدين الشنطه او شبه اوي دراع الميزان

انا عربيتي فرنساوي قع غيارها ناااااار غيرت مره واحد صغير كان ب ٤٠ جنيه
وفي منهم بيتباع راكب عليه صاموله رجلاش علشان تقدر تعدل طوله
ممكن اوي تشوفهم لما تفتح الكبوت وتبص علي اتصال العامود الواصل من دراع الفتيس لل جيربوكس هتلاقيهم راكبين عليه

وطمنا عملت ايه

[Ahmed.Ali]

بجد دا قالي ان العربيه تيشين واحد ب600 و التاني ب400

[amrmaismail]

يا باشا ادخل علي قسم الفيات وشوف رأي الناس هناك ايه لو مش مصدق
اللي اعرفه كمان ان التيش دة مقاسات استاندرد حسب الطول ومقاس الفتحة بتاعته
يعني فك التيش بتاعك ( انت ممكن تفكه بسهوله علي فكره ) وانزل السوق قول عايز زي ده وشوف الناس هتقولك بكام

وربنا يطمنك ويسهلك انشاء الله

[Ahmed.Ali]

شكرا جدا يا باشا بس فعلا التيش للبونتو بتاع السرعات الاماميه بـ600 و الخلفي بـ400
بس الحمد لله المشكله طلعت في عصايه الفتيس و اشتريتها استيراد بـ500 جنيه

[abo_kanze]

نفس المشكله كانت عندي ونفس الحل تقريبا...