نفس المشكلة فى باسات 2000 وتعبت واللة !!!! (الفتيس)

[mado69]

انا بصراحه عندي مشكله في الفتيس الاتوماتيك لما انقل الفتيس الي d العربيه بتطلع عادي ومتنقلش النقلات الباقيه ويفضل rbm يعلي جامد ومفيش فايده واحيانا العربيه بتكون طبيعيه جدا والنقلات ممتازة ومفيش اي مشكلة القصه دي مضيقاني جدا روحت للكهربائي راجع علي الفيش بتاعت الفتيس كلو تمام ومن الاخر محدش عارف حاجه لانهم بيقولو لو الفتيس باظ يبقي مش هينقل خالص . انا تعبت جدا وخايف اغير الفتيس تكون المشكله بسيطه وكان ممكن تتحل بسهولة علشان كده انا مش عارف اعمل ايه وعاوز اعرض المشكله علي ميكانيكي فتيس اتوماتيك يقولي الحل النهائي.

نفس هذة المشكلة عندى فى باسات 2000 , هل اغير طرمبة الزيت ولا اعمل اية ساعدونى يا خبراء ال (VW)
!!!!!!!!!!!!!!!!!!!!!!!!

[mado69]

خاصة لما امشى بها مشوار وابطل وادور , مع العلم بحس احيانا بكتمة فى الفتيس و بعدين تسلك مش عارف اعمل اية @:

[vampero]

فتش عن الكيك دون سينسور حصلت معاي مره فى مرسيدس

[raouf]

اول تصرف تعمله تغير فتر وزيت الجير اذا استمرت المشكلة يبقى اكشف كمبيوتر فيه عندك مشكلة كهرباء بالجير ممكن يكون حساس الكام او حساس الجير

حاجة كمان جربها حط الجير على 1 او 2 او 3 وقولى العربية بتمشى عادى ولا لا

[montela]

بس حساس الكامه مالوش دعوه بالفتيس

[raouf]

بس حساس الكامه مالوش دعوه بالفتيس

فى بعض انواع السيارات له علاقة لان كمبيوتر السيارة بيجمع كل المعلومات وعن طريقها بيحرك الجير ويقوم بباقى العمليات من تقدير والتحكم بنسبة الهواء وسرعة دوران الموتور ونقل الفتيس واكرر فى بعض السيارات وليس كلها

[montela]

الحساسات اللي بياخد الفتيس منها المعلومات هي حساس iss او حساس السرعه الداخله وفي بعض العربيات هو هو حساس الكرنك وحساس vss اوحساس السرعه الخارجه وحساس tps وحساس درجه حراره زيت الفتيس وال hold switch لكن معتقدش حساس الكامه لانه مسؤل عن توقيت الشراره والحقن هو وحساس الكرنك ده علي قد ماعرف

[raouf]

الحساسات اللي بياخد الفتيس منها المعلومات هي حساس iss او حساس السرعه الداخله وفي بعض العربيات هو هو حساس الكرنك وحساس vss اوحساس السرعه الخارجه وحساس tps وحساس درجه حراره زيت الفتيس وال hold switch لكن معتقدش حساس الكامه لانه مسؤل عن توقيت الشراره والحقن هو وحساس الكرنك ده علي قد ماعرف

انت صح انا كان قصدى كرنك اعذرنى صيام وكاتب المشركة فى الشغل

[mado69]

اول تصرف تعمله تغير فتر وزيت الجير اذا استمرت المشكلة يبقى اكشف كمبيوتر فيه عندك مشكلة كهرباء بالجير ممكن يكون حساس الكام او حساس الجير

حاجة كمان جربها حط الجير على 1 او 2 او 3 وقولى العربية بتمشى عادى ولا لا

كشفت يا باشا بالكمبيوتر و مطلش اعطال , اما لما ادى 1 او 2 او 3 بردة متنقلش احترت , و بالنسبة لتغير الزيت و الفلتر فا عن تجارب ناس كتير غيروة ولسة العيب موجود فلا اعتقد ان الزيت هو السبب !!!!!!

[mado69]

انت صح انا كان قصدى كرنك اعذرنى صيام وكاتب المشركة فى الشغل

هاشوف حساس الكرنك يا باشا ونتابع لحد ما نوصل لحل فى المشكلة الابدية d:
المشكلة دى خلتنى افكر ابيع العربية ,,, 3 شهور لا يوجد لها حل عند متخصصى vw شارع الاربعين ....

[raouf]

كشفت يا باشا بالكمبيوتر و مطلش اعطال , اما لما ادى 1 او 2 او 3 بردة متنقلش احترت , و بالنسبة لتغير الزيت و الفلتر فا عن تجارب ناس كتير غيروة ولسة العيب موجود فلا اعتقد ان الزيت هو السبب !!!!!!

طبيعى ما تنقلش علشان كده هو عامل 1 و 2 و3

انا قصدى لما تدى 3 مثلا العربية بتطلع وتمشى مثلا لحدد سرعة 80
ولما تدى 2 بتمشى عادى ولا لا يستجيب ؟

اذا كانت تتحرك السيارة عادى على سرعات 2 و3 يعنى العيب عندك عيب كهرباء اما لو مش بتتحرك يبقى الجير عايز يتعمر وماتقلقش العملية مش ضخمة توضيب الجير او تشترى واحد جديد اعتقد ممكن فى حدوود 3-4 الاف جنيه

ان شاء الله يطلع عيب كهرباء وتلاقى حد فاهم يصلحه

[osamabenladen]

bos ana 3andy nafs moshkltak belzabt octavia a4 98 3'ayrt zaiet we filter we zay maheya akeed bt3mel keda m3aak fe meshwar taweel nesbyan ana lessa 3amla m3aya keda elnharda wana ray7 elmatar men tanta we ma2rstesh 3aleeha khales el mec 2aly 3elbet beloof we mabtzharsh ela m3a meshwar tawaly we 3'alban tkoon el3arabeya feeha wazn sa3at tmshy talet we matrdash ta7'od rabe3 we low nezlt le awal matrdash takhod tany aw takhod tany we ba3deen terga3 awal tany ana 3'yar elzaiet we el filter kalfny 600 le we ma3amlsh 7aga ansa7ak teshoof mawdoo3 3elbet elbeloof ana sa2lt 3aleeha be 400 le we el vw we el octavia nafs el motor we el gear ana isa nawey a3'ayar 3elbet el beloof we hab2a isa a2olak 3la elwad3 et3'ayar wala la2

[osamabenladen]

bos 3la el link da http://www.nilemotors.net/Nile/90599-a.html

[Typerr]

سوفت وير يا معلم

[hamadasafaga]

المشكلة دى حصلت معايا مرة واحدة بس وانشاء الله مش حتحصل تانى علشان انا مش حمل فتيس دلوقت بس فيه عندى صوت فى الفتيس مع التحميل على الغيار