صوت خشونة و أنا بلف الدركسيون في النيو أكسنت 2006

[sherifmax88]

الحقوني يا محترفي النيو أكسنت
حصل معايا شيئ غريب جداً وخايف موت
كنت بسمع صوت خشونة ( أو زي نحره ) و أنا بلف الدركسيون و أهملت فيها قلت لما أفضى أبقى أشوفها ودلوقتى بسمع صوت تكتكة في الدركسيون في المطبات وعلى الواقف لما بلفه يمين وشمال رحت للميكانيكي قالي دي عاوزة تربيط صليبة وربط بس لسة راح مزحلقني على الكهربائي وقالي أصل دي باور كهرباء
مع العلم عربيتي نيو أكسنت 2006
أفيدوني أرجوكم

[asemx1]

حاسس انها مشكله فى حلقه الكلاكس

حلقه الكلاكس عايزه تتغير ودى بتبقى حلقه نحاسيه وراء الدريكسيون بالظبط

[sherifmax88]

شكراَ للمشاركة
أنا روحت كشفت عليها كمبيوتر وقالي عربيتك زي الفل وبعدين وريتها لبتاع العفشة وقالي بردو دي زي الفل بس في الأخر وديتها لواحد ميكانيكي قالي مشعارف الصوت منين ده طالع من الأسكترا أو الصليبة وقالي ريح دماغك واطلع بيها على التوكيل ومش عارف لسة ظروف التوكيل ايه في المصاريف

[samirsaid1]

مفيش حل لسة

عشان نفس المشكله عندى

[egyptodentist]

بص حضرتك المضوع ده حلجة من 3::::
1- ممكن يكون البنز بتاه الاشارات اللي برجع ذراع الاشارات لما ترد الدريكسيون وده حله تفك الطارة وتنظف القرص اللي من روا وتحت حتة شحم علي البنز ده وده اول حاجة تعملها بس لو الصوت جاي من جوه الكابينة مش من بره.....
2- تكشف علي بلي بطحات المساعدين الامامي وده بترفع العربية وتنزل المساعدين كاملين ببطاحتهم وتفك البطاحة وتشوف الظرف البلي فيه حاجة مكسرة او خشنة وتشحمهم وتركبهم...
3- علبة الدريكسون وده شكوي شبه عامة في موضوع الطقطقة بالذات في الباور الكهرباء في معظم موديلات هيونداي وده حله مكلف لانه علبة الدريكسيون في التوكيل ب8000 وبره استيراد في حدود 2500-3500 بس عاما لا قدر الله طلع علبة الدريكسيون اقلب العربية باور هيدرولك وده بيكلف في حدود 3000 بالمصنعية والقطع استيراد........
بس لازم تكتشف الاول الصوت جاي منين عشان يكون التشخيص صخ....ممكن تجيب سماعة طبية وتخلي حد يلف الطارة وتسمع صوت البطحات قبل ماتفك وبرده اسمع صوت علبة الدريكسيون قبل ما تفك
ملحوظة::::::لو الصوت برده علي الطوالي لحد سرعة 50 يبقي علبة الدريكسيون.....
وقلنا ايه الاخبار......

[samirsaid1]

الصوت بيظهر وانا واقف وبلف الدركسيون يمين وشمال بسمع صوت خبط كان حديد بيخبط فى بعضة
لكن طول ما انا ماشى مفيش اى مشكلة
وبيبان كمان فى الطرق المنقرة
وعيون القطط منها لله طبعا

وشكرا على رد حضرتك

[egyptodentist]

اكشف علي الاسكترا وعلبة الدريكسيون في اي مركز محترم......

[fanki]

هيا الأسكترا غيرها مبتتصلحش

[a7medtal3at]

يا جماعة لو سمحتو انا عايز اعرف وصلتو لاية فى المشكلة ديه ضرورى لانها حصلت معايا امبارح و انا خايف اوى ليكون العيب من علبة الدركسيون لانى كلمت التوكيل النهاردة قالولى عاملة 10480 رقم خيالى فا اتا عايز اعرف لما كشفتو عليها طلع العيب من ايه

[a7medtal3at]

يا جماعة لو سمحتو انا عايز اعرف وصلتو لاية فى المشكلة ديه ضرورى لانها حصلت معايا امبارح و انا خايف اوى ليكون العيب من علبة الدركسيون لانى كلمت التوكيل النهاردة قالولى عاملة 10480 رقم خيالى فا اتا عايز اعرف لما كشفتو عليها طلع العيب من ايه

[Walid_M]

المشكلة اللي عند حضرتك دي علبة الدريكسيون ( الاسكترا ) !!!

دي عندي في النترا hd عامله جديد نوعها موبيس حوالي 1000 جنيه , واستعمال حوالي 300 جنيه ...

أعتقد عند حضرتك حتكون في الحدود دي ...
وفكك من التوكيل ...

تحياتي

[mostafa ecs]

ياريت حد يقولي اسعار علبة الدريكيون الباور ديه صحيحة وهل لو حولتها لزيت تكلف كام ؟

[BLOODY_STONE]

حاسس انها مشكله فى حلقه الكلاكس

حلقه الكلاكس عايزه تتغير ودى بتبقى حلقه نحاسيه وراء الدريكسيون بالظبط

طالما عاصم بسه قال كده يبقى خلص الكلام

انا كان عندي نفس الشكوى و طلع بس ان الحلقة عايزة تتنضف