صوت نحرة من فتيس الشاهين

[shadishamel]

مساء الخير يا شباب ...... بعد اذنكم انا عندى عربية شاهين موديل 2005 بسمع صوت نحرة كدا طالعه من الفتيس بس وانا على السرعات العاليه يعنى تقريبا عل الخامس والصوت دا بيطلع لو مدى الغيار على السرعه العاليه دى وشايل رجلى من على البنزين بمعنى انى لو رجعت تانى شعرت بنزين بسيط حتى الصوت يختفى وكمان لو مورت الصوت يختفى ولو اديت دبرياج الصوت يختفى ايضاياترى دا ايه ... افيدونى؟؟

[M.Al-Hefnawy]

اكشف الاول على زيت الفتيس والكرونة ممكن يكن ناقص ... لو لاقيتو مليان يبقى بلية الفتيس.

وبرده عشان تتأكد ان الموضوع ده ما يكونش من بلي العجل ارفع العربية من ناحية كل عجلة ولف العجل واسمع لو لاقيت صوت نحر ممكن يكون بلي العجل.

[shadishamel]

حضرتك هو زيت الفتيس والكرونه عندى مظبوطين مش ناقصين بس هو فتيس الشاهين فيه بليه؟؟
ولو فيه بليه والمشكلة فيها ليه الصوت بيظهر عند السرعه العاليه يعن من 80 كدا وانت طالع ودا لو شايل رجلى من على دواسه البنزين ومدى غيار ولو شعرت بنزين بس بيروح الصوت ولو دوست دبرياج بس بيروح برده ولو مورت بيروح برده
ممكن يكون نوع زيت الفتيس ال بحطه مش حلو بالنسبه لفتيس شاهين 2005 ؟؟
انا كنت حاطت زيت فتيس اسو 90
؟؟؟

[sameh308]

عليك واكشف على طقم الدبرياج
لان دى ممكن تكون خشونة فى بلى الدبرياج وتكون عايزة تتغير
دا لو بمجرد انك تمور او تدوس دبرياج بتروح
وان شاء الله خير