إعـــــــلان

Collapse

.

,
See more
See less

الفتيس الاوتوماتيك بيسخن وهتجنن ... مساعده عاجله

Collapse
X
 
  • Filter
  • الوقت
  • Show
Clear All
new posts

  • الفتيس الاوتوماتيك بيسخن وهتجنن ... مساعده عاجله

    انا هحكي اللي حصل عشان الناس الخبره تعرف تقدر العطل في ايه.

    العربية ميتسوبيشي لانسر 1600 اوتوماتيك موديل 2008 (سوبر اكشن خليجي سعودي)

    انا كنت بعمل صيانة 80 الف في التوكيل الجديد دايموند موتورز .. بس مش كل الصيانة لان فيه حجات غيرتها مع نفسي بره.

    المهم عشان مطولش غيرت زيت الفتيس بس نزل 4 لتر وزودهم جديد متهيألي التوكيل الرواس بينزلوه كله صح ويحطو 8 او 9 لتر حاجه كده... وغيرت الفرامل وفلتر البنزين (ملهمش دعوه بالموضوع)

    في اليوم ده وانا راجع من عندهم كان مفيش مشاكل والحمدلله بالليل في نفس اليوم خرجت ومشيت مشوار بتاع 60 كيلو لقيت البلاستيكه اللي فيها النقلات اللي في الفتيس سخنه على غير العاده وسخنه سخنه مش دافيه.

    تاني يوم على طول رحت مصريه في قليوب لانهم خبره اكتر .. كشف على الزيت قاللي منسوبه تمام وجودته تمام مفيهوش حاجه وركب الكومبيوتر عليه اكتر من ساعتين عشان يشوف الحراره بتاعت الفتيس هتزيد ولا لأ ومزادتش .. قولتلو يمكن لما تمشي مشي بيها لفه صغيره كده ومزادتش ودي قرايه جهاز مش باحساس الايد يعني.

    قال ممكن تكون دوره التبريد بتاعتها مخنوقه او مش بتبرد كويس نظفها و قاللي مفيش حاجه ومشي ومسخنتش الا بسيط .. دلوقتي من شويه رجعت تسخن تاني وانا هتجنن .. ممكن يكون ده من ايه ؟

  • #2
    ارجوكو يا جماعه .. رد سرع او حتى رأي او تفكير عشان مخنوق من الموضوع ده ومقلق منه

    Comment


    • #3
      انا عايز اقول لحضرتك ان الجزء ده مالوش دعوه بالفتيس :)
      الفتيس كله في الكبوت جنب الموتور
      لكن اللي في الكنسول ده التيش (الدراعات يعني) اللي بتحرك الفتيس قدام
      وكمان لو الفتيس بيسخن هيسخن العربيه علشان بياخد تبريدة من الرداتير
      وكمان هتحس ان الفتيس اداءة قل قوي لو سخن
      [CENTER]:11_5_14[1]:[/CENTER]

      Comment


      • #4
        المشاركة الأصلية كتبت بواسطة hema_lancer مشاهدة المشاركة
        انا عايز اقول لحضرتك ان الجزء ده مالوش دعوه بالفتيس :)
        الفتيس كله في الكبوت جنب الموتور
        لكن اللي في الكنسول ده التيش (الدراعات يعني) اللي بتحرك الفتيس قدام
        وكمان لو الفتيس بيسخن هيسخن العربيه علشان بياخد تبريدة من الرداتير
        وكمان هتحس ان الفتيس اداءة قل قوي لو سخن
        هيما باشا اللي كان مظبطني ايام الكريستاله .. منور الموضوع والله واي كلمه بتكتبها اكيد بتضيف معلومه ليا ولينا كلنا.. تسلم يا غالي.

        هوا موضوع تبريده مع الموتور ده فعلا قاله المهندس بتاع التوكيل ... بس اداء الفتيس يقل ازاي دي مش فاهمها يا هيما .. انا حاسس ان العربيه سحبها طبيعي متغيرش ومؤشر الحراره بتاع العربيه مش بيعلى هوا في النص اللي هوا الطبيعي؟

        طب لما هيا الدراعات ايه اللي جرالها يعني؟ وكمان يعني اكبر دماغي مثلا ولا اعمل ايه :) وتتعالج الحكايه دي ازاي؟

        ملحوظه: الموضوع ده اول مره يحصل كان بعد تغيير زيت الفتيس والاغرب انه بيحصل بالليل بس :)

        Comment


        • #5
          روح لحد بتاع شكمانات يشوف الوصلات والعلبة اللي في النص...إحتمال كبير حاجة في الشكمان هيا اللي عاملة القصة دي

          أو جايز جايز...الولاعة بتاعت السجاير فيها مشكلة وملمسة مثلا فبتسخن المنطقة دي

          ده اللي جه في بالي يا باشا وربنا يهديك للمشكلة بإذنه
          [sor2]http://img401.imageshack.us/img401/6193/5vgb.jpg[/sor2]

          Comment


          • #6
            المشاركة الأصلية كتبت بواسطة dr.mostafa anwar مشاهدة المشاركة
            روح لحد بتاع شكمانات يشوف الوصلات والعلبة اللي في النص...إحتمال كبير حاجة في الشكمان هيا اللي عاملة القصة دي

            أو جايز جايز...الولاعة بتاعت السجاير فيها مشكلة وملمسة مثلا فبتسخن المنطقة دي

            ده اللي جه في بالي يا باشا وربنا يهديك للمشكلة بإذنه
            تسلم يباشا على المشاركه.. الحقيقه ان المهندس بتاع التوكيل عمل كده فعلا .. رفعها وعمل فحص شامل للشكمان وانا نفسي شكيت في موضوع الولاعه ده .. بس لقيت الولاعه بارده ومفيش مشاكل ... ان شاء الله هتتحل وانا شايف اني اسأل مجرب ولا اسأل طبيب .. وان شاء الله الناس الخبره اللي هنا وملاك العربيات اللي زيها ممكن يفيدونا بتجاربهم وخبراتهم

            Comment


            • #7
              المشاركة الأصلية كتبت بواسطة ahmed_bq مشاهدة المشاركة
              تسلم يباشا على المشاركه.. الحقيقه ان المهندس بتاع التوكيل عمل كده فعلا .. رفعها وعمل فحص شامل للشكمان وانا نفسي شكيت في موضوع الولاعه ده .. بس لقيت الولاعه بارده ومفيش مشاكل ... ان شاء الله هتتحل وانا شايف اني اسأل مجرب ولا اسأل طبيب .. وان شاء الله الناس الخبره اللي هنا وملاك العربيات اللي زيها ممكن يفيدونا بتجاربهم وخبراتهم
              ربنا يوفقك وإن شاء الله تطلع حاجة بسيطة وهايفة :)
              [sor2]http://img401.imageshack.us/img401/6193/5vgb.jpg[/sor2]

              Comment


              • #8
                ازيك يا استاذ احمد انا جاوبتك نفس اجابه دى فى موضوع زيت فالفوين بالصدفه لقيت حضرتك هنا فهجاوبك نفس اجابه يمكن تفيدك بالنسبه لزيت فتيس مفروض 8 لتر مش 4 لتر

                بالنسبه لسخونه حولين فتيس دى مشكله كانت قابلت ناس و قالوا ممكن يكون من شكمان و كانوا بيكشفوا عليه فبيطلع سليم ففضلوا يدوروا لحد ما طلع سبب المشكله

                كاوتشة الفتيس...... و سروجي نضيف ممكن يعملهولك....
                تحت جلدة الفتيس اللي انتا شايفها بيكون فيه كاوتشة تانية مسئولة عن عزل (حرارة الفتيس و علبة الشكمان و غيرها من مصادر الحرارة) عن الكابينة وعن الصالون...
                الجلدة ديه عمرها طويل بس لما بتتقطع بتسبب الحرارة اللي انتا بتتكلم عنها ديه

                و هتلأقى حراره او سخونيه دى بتبان اكتر لما تكون مسافر على الطريق وثابت على سرعة معينة
                اتمنى انى اكون افادتك و فى ملاحظه ممكن ميكونش ده سبب بس احتمال كبير فقولت اقولك عليه يمكن يساعدك و يوصلك لحل مشكله و كنت عايز اسأل عن حاجه مؤشر حرارة عند حضرتك فى نص و لا عالى سنه عن عادى و ربنا يوفقك و لو فى حاجه قولنا لو قدرت اساعد انا تحت امرك و متزعلش ان شاء الله هتطلع مشكله بسيطه شوف بس كاوتشه دى مقطوعه او ضعفت ام لا

                Comment


                • #9
                  المشاركة الأصلية كتبت بواسطة bassem_sams مشاهدة المشاركة
                  ازيك يا استاذ احمد انا جاوبتك نفس اجابه دى فى موضوع زيت فالفوين بالصدفه لقيت حضرتك هنا فهجاوبك نفس اجابه يمكن تفيدك بالنسبه لزيت فتيس مفروض 8 لتر مش 4 لتر

                  بالنسبه لسخونه حولين فتيس دى مشكله كانت قابلت ناس و قالوا ممكن يكون من شكمان و كانوا بيكشفوا عليه فبيطلع سليم ففضلوا يدوروا لحد ما طلع سبب المشكله

                  كاوتشة الفتيس...... و سروجي نضيف ممكن يعملهولك....
                  تحت جلدة الفتيس اللي انتا شايفها بيكون فيه كاوتشة تانية مسئولة عن عزل (حرارة الفتيس و علبة الشكمان و غيرها من مصادر الحرارة) عن الكابينة وعن الصالون...
                  الجلدة ديه عمرها طويل بس لما بتتقطع بتسبب الحرارة اللي انتا بتتكلم عنها ديه

                  و هتلأقى حراره او سخونيه دى بتبان اكتر لما تكون مسافر على الطريق وثابت على سرعة معينة
                  اتمنى انى اكون افادتك و فى ملاحظه ممكن ميكونش ده سبب بس احتمال كبير فقولت اقولك عليه يمكن يساعدك و يوصلك لحل مشكله و كنت عايز اسأل عن حاجه مؤشر حرارة عند حضرتك فى نص و لا عالى سنه عن عادى و ربنا يوفقك و لو فى حاجه قولنا لو قدرت اساعد انا تحت امرك و متزعلش ان شاء الله هتطلع مشكله بسيطه شوف بس كاوتشه دى مقطوعه او ضعفت ام لا
                  مبدأيا انا متشكر جدا لحضرتك ... موضوع الزيت انه 8 لتر ده انا عارفه والتوكيل القديم (مصريه) بيعمل كده .. لكن البهوات بتوع دايموند التوكيل الجديد الفرع الرئيسي اللي لا عندهم قطع غيار ومهرجلين ... ما علينا ..ز قاللي هيا كده قولتلو يا بشمهندس كده الزيت مش هيبقى نزل كله وهتحط قديم على جديد قاللي وعرضها وقال احنا التوكيل وعارفين الصح :)

                  تصدق كلامك ده ممكن يوكن بنسبه كبيره اوي صح :))) ما شاء الله عليك .. اللي حصل بالظبط ان الكونسول عندي كنت فكيتو مره عشان انضفه وانضف تحتيه والكلبسات بتاعته نعمت شويه (بس بعد غسلتي انا مسخنش) ... لما كنت في توكيل مصريه في قليوب قوتلو غيرلي الكلبسات دي عشان يبقى محبك وتمام ........ كان نفس اليوم اللي كنت في في دايموند الصبح وغيرت فيه الزيت وجيت من الصحراوي لحد قليوب وفعلا مسخنتش الا بعد ممشيت من عند مصريه :........ معنى كده ان ممكن يكون وهوا بيعمل الكونسول حصل حاجه في العزل ... انتا استاذ ماشاء الله عليك .. انا عمري متخيلت ان دي ممكن تعمل قصه ... انا هكشف عليها كده وهبلغك النتيجه .. ومتشكر جدا جدا جدا على الدقه في التحليل والف الف شكر مقدما

                  Comment


                  • #10
                    علي فكره انت عرضت المشكله وحليتها في نفس الوقت
                    لأنك قولت بتظهر بليل بس وده طبيعي علشان اللمبات اللي بتنور مكان الفتيس :)
                    يعني ده شيء طبيعي جدا جدا
                    جرب تمشي بليل شوية من غير ما تشغل النور وانت هتلاقيها مش بتسخن :)
                    ولا شكمان ولا أي حاجه اسمع كلامي انا :)
                    [CENTER]:11_5_14[1]:[/CENTER]

                    Comment


                    • #11
                      المشاركة الأصلية كتبت بواسطة hema_lancer مشاهدة المشاركة
                      علي فكره انت عرضت المشكله وحليتها في نفس الوقت
                      لأنك قولت بتظهر بليل بس وده طبيعي علشان اللمبات اللي بتنور مكان الفتيس :)
                      يعني ده شيء طبيعي جدا جدا
                      جرب تمشي بليل شوية من غير ما تشغل النور وانت هتلاقيها مش بتسخن :)
                      ولا شكمان ولا أي حاجه اسمع كلامي انا :)
                      ههههههههههههههههههه صح قوة ملاحظه من الاخر ... انا اقول ايشمعنى بالليل وعمال اضرب اخماس في اسداس .. وفعلا اسخن حته هيا اللي فيها اللمبات .. ما شاء الله عليكو فعلا نايل موتوز هيا التوب ولا تقولي دايموند ولا مصريه .... النهارده بعد الشغل هجرب كده وربنا يسهل ان شاء الله

                      تسلمو يا رجاله :)

                      Comment


                      • #12
                        الناس كلامهم ولا اروع من كده تمام التمام ميه ميه
                        ربنا يجازيكم خير كل ده حصلي وفعلا كلامكم صح
                        [OVERLINE][FONT="Arial Black"][SIZE="4"]حمارتك العارجه تغنيك عن سؤال اللئيم[/SIZE][/FONT][/OVERLINE]
                        [aldl]http://im54.gulfup.com/69c9cD.jpg[/aldl]

                        Comment


                        • #13
                          المشاركة الأصلية كتبت بواسطة hema_lancer مشاهدة المشاركة
                          علي فكره انت عرضت المشكله وحليتها في نفس الوقت
                          لأنك قولت بتظهر بليل بس وده طبيعي علشان اللمبات اللي بتنور مكان الفتيس :)
                          يعني ده شيء طبيعي جدا جدا
                          جرب تمشي بليل شوية من غير ما تشغل النور وانت هتلاقيها مش بتسخن :)
                          ولا شكمان ولا أي حاجه اسمع كلامي انا :)


                          هوا دا الكلام المظبوط يا هيما ... شيء طبيعي من اللمبات :)

                          انا امبارح روحت لميكانيكي قاللي نفس كلامكم بس قاللي انتا ظبطت انهي كونسول الجزء اللي قدام اللي فيه الفتيس ولا اللي ورا اللي فيه الدرج والكوبايات ..فقولتلو اللي ورا قاللي يبقى ملهاش دعوه خالص ومعتقدش انها فيها حاجه وممكن السخون دي تكون من اللمبات ودا عادي عشان انا قولتلو بالليل وبتاع.

                          المهم خد بعضي وطلعت على الكهربائي وقاللي عادي جدا السخونه دي وملهاش دعوه بالفتيس .... بالليل انا قولت والله لفتحها وابص واشوف فيه ايه ... طبعا كنت مولع النور ..والمفاجأه انها دفيت كده والعربيه واقفه ومش شغاله اصلا .. ايقنت كده تماما انها اللمبات ومش هضحك عليكو انا ممكن اكون مكنتش باخد بالي هيا كانت كده ولا لأ قبل ماروح التوكيل ... روحت للكهربائي تاني قاللي لا ده عادي حتى الكاسيت سخن شويه برده اهو واي لمبه بتعمل كده ...قولت طب الحمدلله يعني مفيش اي حاجه قاللي لا توكل على الله وكله تمام.

                          انا قولت ابلغكو بردو عشان لو حد معاه لانسر اوتوماتيك ياكدلي هل السخونه دي عاديه فعلا ولا فيه حاجه ممكن تتعمل ؟ لاني لما فكيت الكونسله بتاعتها كانت عصاية الفتيس واللمبات متبرشمه ومقفله ومعرفش اصلا افكها .. وشكرا للجميع

                          Comment


                          • #14
                            الحمد لله انك وصلت الى المشكلة
                            بص انصحك انك تشوف المكان اللى بيبات فية اللمبة كويس ولا لا علشان كان حصل معايا واللمبة سيحت المكان بتاعها فرحت للكهربائى لحم بامير وثبت اللمبة فى المكان البلاستيك اللى فى الكاونسل والحمد لله .

                            Comment


                            • #15
                              المشاركة الأصلية كتبت بواسطة masrawy_online مشاهدة المشاركة
                              الحمد لله انك وصلت الى المشكلة
                              بص انصحك انك تشوف المكان اللى بيبات فية اللمبة كويس ولا لا علشان كان حصل معايا واللمبة سيحت المكان بتاعها فرحت للكهربائى لحم بامير وثبت اللمبة فى المكان البلاستيك اللى فى الكاونسل والحمد لله .
                              انا مش فاهم سيحته ازاي؟ هيا مش بتسخن للدرجادي بس انا فكيت ولقيت الدنيا متبرشمه ومعرفتش افكها .. عشان فيه ميكانيكي قاللي ممكن تعمل ورق حراري حواليها او حاجه زي كده بس انا ان جيت للجد كبرت دماغي

                              Comment

                              Working...
                              X