بحس ان التيدا مخنوقة

[mariam_552]

عندي مشكلة في النيسان تيدا لما بدوس بنزين جامد بحس العربية مخنوقة شوية وبعدين تروح الخنقة بس لازم افضل دايسة بنزين جامد هي اتوماتيك

[truss]

انا مش بفهم فى التيدا , بس يستحسن الكشف على الحساسات ( عن طريق جهاز كشف الاعطال فى مركز الصيانة) و اتأكدى ان البوجيهات سليمة و فلتر الهوا نظيف .

[Dr'AhmZZong]

هو حضرتك مستمرة على الصيانة ولا لأ ؟؟؟ ..

العربية عاملة كام كيلو ؟؟؟ ..

بتغيري زيت في معاده ولا لأ ؟؟؟ .. و إيه نوعه ؟؟

[mariam_552]

العربية عاملة 75 الف كيلو وانا لسة شاريها من شهر مستعملة بس هي كانت كويسة هو المفروض اغير زيت كل اد اية وازي صيانتها ولو تعرفو حد كويس اوديها لة
وشكرا

[Dr'AhmZZong]

العربية عاملة 75 الف كيلو وانا لسة شاريها من شهر مستعملة بس هي كانت كويسة هو المفروض اغير زيت كل اد اية وازي صيانتها ولو تعرفو حد كويس اوديها لة
وشكرا

حضرتك واديها التوكيل .. يكشف عليها و يقول لحضرتك اللازم

[DESIGNER105]

شوفى حضرتك انا مش خيبير عربيات اوى بس هقولك عن تجربتى ... اى عربيه مستعمله لازم تعمليها الصيانه بتعتها اول متشتريها او تسألى صاحبها الاولانى اخر مره عمل صيانة امته وبالتفصيل.. وغالبا الى ناوى يبيع مبيعملش حاجه فى العربيه على اساس انو هيبيعها فمش عايز يدفع فلوس .....لان فى حجات لازم تتغير فى الصيانه بعد اول 60 الف كيلو مثلا سير الكاتينه (لازم يتغير حتى لو سليم) وفلتر البنزين و فلتر الهوا والبوجيهات ... و تنضيف الرداتير والكشف الكامل على دورة التبريد مهم جدا ... واكشفى على الزيت فى اى بنزينه و الافضل انك تغيريه وتركبى زيت وفلتر جديد وهو بيتغير حسب نوع الزيت ..مثلا فى زيت يعمل 5000 كيلو وفى لحد 10000 كيلو ..... ولو العربيه مخنوقه ممكن يكون رشاشات البنزين عوزه تتنضف ..ووممكن يكون من الزيت ..؟؟