هزة كبيرة جدا فى العربية مع الفرامل

[us_ahmedsamir]

السلام عليكم

امبارح كاوتش عربيتى الكيا برايد انفجر والطنبورة بتاعتى اتكسرت المهم روحت غيرت الطنبورتين الى اودام والبلى وتيل الفرامل،

الغريبة بقى لما جيت اسوق العربية انهاردا على سرعة 90 فما فوق وادوس فرامل العربية كلها بتتهز هزة رهيبة جدا ورعشة كمان فى الدواسة كل ما المس الفرامل انا اعرف ان الهزة بتبقى بسبب الطنابير بس ازاى والطنابير والتيل لسة جداد

ياريت حد يقولى المشكلة فين

وشكرا

[ahmedeihab]

زى ما حضرتك قلت المشكله فى الطنابير

عادى جدااا قطع الغيار المضروبه ملت السوق و دى حاجه انا واثق منها جداااااااااا


هتروح تفك الطنبوره و تروح للخراط هيلاقى فيها ريجا ( رفه )

قدامك حاجه من 2

يا اما ترجعها مطرح ما جبتها و تقوله الطنبوره فيها رفه

يا اما تخلى الخراط ياخدها وش و يظبطهالك

تحياتى

^_^

[mrghost]

ممكن العجل يكون فيه بوش
وانت بتغير البلي هتلاقي الراجل سايب بوش زياده عن اللزوم
ارفع العجلة وهزها بأيدك شوفها ثابته ولا بتتهز