تنشيع زيت

[emad81]

وانا رايح اظبط زوايا الراجل ورانى العربية من تحت لقيت زيت منشع عرفت منه ان ده من علبة الفتيس هو قاللى ان فى كاوتش متاكل يا ترى ايه المشكلة بالظبط وحلها ايه؟ مع العلم اننى لقيت نقط زيت تحت العربية بس مش بقعة كبيرة ... كانت 3 او 4 بقع صغيرة تحت الحوض
مع العلم ان عربيتى 127 فيورا

[romieh]

هتلاقى الجوان بتاع الفتيس ضرب

ممكن تروح للميكانيكى وتوريله الموضوع وهو هيعملهولك بكل بساطة

الموضوع سهل ان شاء الله

[emad81]

الف شكر استاذromeih
يا ترى الموضوع ده يتكلف كام؟
و هل فى ضرر اننى امشى بالعربية كده؟

[romieh]

هو انا مش عارف عربيتك هتكلف كام

بس تقريبا كده لو قلنا مثلا ان الجوان ب 10 جنيه وعلبة جمالكة ب 6 جنيه ومش عارف بقى الزيت عندك كام كيلو بس هو الكيلو بيعمل حوالى 12 جنيه وشوف مصنعية حوالى 30 جنيه يعنى الموضوع كله مش هيتكلف 60 جنيه

بالنسبة بقى لخطورة المشى كده - لو الزيت اللى فى الفتيس مستواه انخفض التروس بتاعة الفتيس ممكن تتاكل والفتيس يبوظ وساعتها هتدخل فى دوامة فتيس جديد

احسنلك تروح تعمله وتريح دماغك

[emad81]

الف شكر استاذ romieh

[emad81]

انا رحت للميكانيكى
قاللى محتاج تغير كاوتشتين الكوبلن وجوان الاويل سيلبتاع الفتيس
قاللى كاوتشات كوبلن ال 127 بتبوظ بسرعة هو الواحد ب 12قاللى هات بتاع الريجاتا اللى على بلى هتلاقيه ب 55 والأويل سيل فى حدود 7 جنيه

تمام كده اروح اجيبهم ولا السبب مختلف؟