هزة في العربية جامدة

[mohamedfawzy39]

السلام عليكم
اخوكم م/ محمد فوزي مهندس كهرباء وعندي عربية ريجاتا 85 عندي مشكلة مديقاني جدا
العربية وهي باردة سحبها جميل جدا وطلعة العربية ثابتة سواء لليمين او الشمال وللعلم عندي كبالن بتقتق شمال ويمين بس العربية ماشية كويس وممكن اجيب عليها 130 علي الصحراوي مرتاح اوي
نيجي للمشكلة
لما اكون في الزحمة وهمشي واقف كتير ممكن ودة في الغالب هيحصل ان اول م اجي اطلع بالعربية الاقي العربية مش عايزة تتطلع وعايزة تتشال وتتهبد في الارض واضطر ان انا اشعر دبرياج خفيييف جدا واذود سرعة الموتور جامد علشان تبتدي تتحرك معايا ويا سلام لو داخل شارع وانا في الزحمة وكان عالي شوية بسيطة باحس ان انا راكب مرجيحة وكمان الموضوع دة واضح قوي في الاتجاة اليمين اكتر من الشمال
ارجوكم زهقت من المراجيح نزلوني منها بقا
اسف للاطالة

[AHMED_HAMDY]

بص انا هقول لحضرتك حاجه يمكن اسهلهالك

انا اما غيرت موتوري في هودا سيفيك 92 وانا راجع بالعربيه وقفت وجاي اطلع لقيت تهبيد والعربيه زي متكون بترزع في بعض !!!!!!!!!! اترعبت وبص كرهت/*-+ ام دي عربيه

اما رحت للميكانيكي قالي الكبالن دي قصيره انا فعلا جايب موتور 99 على عربيه 94 وقالي الكبالن دي عايز تطول او الاكسات تتغير حاجه زي كدا

قولتله مفيش حاجه من الحاجات دي هنا وانا في الزقازيق والحجات دي مش موجوده هنا خالص غير القاهره او بورسعيد جه ركبلي من ناحيه الفرده في الكوبلن ورده او حااجه زيها كدا بس ده مش حل دايم المفروض مؤقت وده بقى بتعمل للشاسيه بتاعهم مفتوح

معلشي اسف اقولك اتأكد الاول ان شاسيه العربيه كله سليم
لو سليم بييقى تطول الاكس وان شاء الله كله هيظبط انا جاوبت من ناحيه الحاجه الي حصلت معايا