مشكلة فى فتيس الفيرنا

[engmiro_1985]

انا معايا فيرنا 2007 1600 سى سى
عاملة 61000 كيلو
لما ادور العربية الصبح وبعد ما اسخن اديها الاول وانا بنقل للتانى بحس ان الفتيس سايب خالص وزى ميكون فيه حاجات بتتكسر جواه بس مفيش صوت خارج من التروس وبعد ما امشى بالعربية 10 دقايق الفتيس بيبقى كويس وامبارح الصبح وانا رايح الشغل ركبت العربية وسخنتها وجيت ادى الاول مردتش تاخده زى ميكون فيه حاجة مانعة الفتيس ان هو يتحرك لقدام فاديتها التانى ورحت مرجع الفتيس على الاولانى فخدت الغيار ومشكلة الصوت اللى فى الفتيس دى بتظهر اكتر لما الجو بيبقى برد مع انى لسه مغير زيت الفتيس فى بنزينة كالتكس اللى بعد مول العرب فى اكتوبر وحطلى زيت التعاون فمش عارف سبب المشكلة دية ايه هل نوع الزيت ولا الفتيس فيه حاجة؟
ارجو الافادة من ذوى الخبرة .....

[amrelsaqqa]

"وانا بنقل للتانى بحس ان الفتيس سايب خالص وزى ميكون فيه حاجات بتتكسر جواه بس مفيش صوت خارج من التروس"

يعنى ايه الحتة دى مش فاهمها
ازاى بتحس انه سايب وحاجات بتتكسر وفي نفس الوقت مفيش صوت ؟

وهل هو سايب ( خفيف) ولا تقيل ؟

[engmiro_1985]

انا قصدى مفيش صوت من التروس الصوت خارج من تحت عصا الفتيس اما من ناحية خفيف ولا تقيل فهو بيبقى خفيف بس لما العربية بتمشى شوية الصوت بيروح بس الفتيس بيبقى خفيف لما اغير من الاول للتانى وباقى الغيارات مفيهاش مشاكل

[amrelsaqqa]

راجع على رجلاش العصاية الاول

[engmiro_1985]

هراجع على الرجلاش وميرسى اوى على اهتمامك

[peter magdy]

هو حضرتك غيرت زيت الفتيس بكام
شكرا

[engmiro_1985]

انا غيرت زيت الفتيس ب 100 جنيه بس هو اقل من كده لان بتوع بنزينة كالتكس دول شوية حرامية اما لو انت عايز تغيره هات موبيل بس يكون ليه نفس معامل اللزوجة اللى مكتوب فى الكتيب تقريبا gl 4 والعربية بتاخد تقريبا 2.5 لتر اللتر ب 30 جنيه من اى بنزية موبيل وغيرة عند اى حد يكون عنده عدة نضيفة