المساعدة للضرورة القصوى فتيس النترا 94

[iso_old]

السلام عليكم ورحمة الله وبركاته
تحياتى للمنتدى الكريم
اولى مشاركاتى اننى حسيت ان هذا المنتدى به مصداقية وحوار جاد وافادة
ممكن حد يساعدنى فى هذا الطلب على شان انا بلف حولين نفسى ومش عارف اعمل ايه
فتيس النترا 94 اتوماتيك
سعره فى الاستيراد
تكلفة صيانته
هل اصين ام اشترى استيراد
المشكلة ان العربية مبترجعش للخلف عند الـ r بس بتمشى للامام عند d قبل هذه المشكلة كان فيه نتشه جمدة جدا عند الغيار من p الى ال d او من الغيار من ال r الى d
سالت واحد بتاع فتيس قالى هنفوك الفيتس ونشوف اخباره وبعد كدة نقرر نصين ولا نشترى استيراد
افيدونى بالله عليكم
تحياتى لكل اعضاء المنتدى الكريم

[zomprakes]

واللة ياباشا معظم الناس بتبقي شايفة ان الاستيراد بيبقي احسن لان الفتيس ممكن بعد مايتصلح بيبقي تمام و ممكن كام شهر و يقوم بايظ تاني انا عندي نفس اعراضك دي و الفتيس هايتصلح بي 1600 و هو استيراد بي 2000 فاقلت اشتري استيراد و اخلي اللي عندي قطع غيار

[iso_old]

السلام عليكم ورحمة الله وبركاتة
تحياتى الغالية للاستاذzomprakes
طيب ازاى اعرف اجيب فتيس استيراد ويكون كويس ومضمون الى حدا ما وهل بيكون معه ضمان كما يقال
افتونى يا اهل الخبرة علشان انا خلاص الدنيا بتلف بيا
تحياتى للمنتدى الكريم

[original]

قبل ماتعمل أى حاجة!!
حضرتك متأكد إن مشكلة ال r مش فى عصاية الفتيس وإناه ممكن ماتكونش بتوجه الفتيس للغيار المطلوب؟
طيب هل النتشة اللى فى الغيارات مالهاش علاقة بإن الموتور عالى مثلا!!
أخبار الصيانة فى الفتيس ده إيه!! زيت وفلتر الفتيس!!
عمتا الإستيراد بييجى على تجربة ولازم تجربه فى مشوار حلو وتجرب الغيارات ولو تقدر تخلعه من موتور حالته كويسة تبأا ضامن إن محدش لعب فيه ولا جربه..

[original]

طمننا..

[iso_old]

الاخ العزيز الفاضل original تحية طيبة وغالية
اشكرك على هذه المتابعة الجميلة منك ومن كل الاعضاء الكرام
حضرتك انا بوجه العصاية صح ومتاكد جدا
صوت الماتور فى النترا 94 بيكون عالى على البارد فى اول تشغيل العربية وبعد كده بيهدأ
النتشة دى ملهاش علاقة بصوت الماتور
بص مكدبش عليك انا العربية ديه معايا من سنة وشهرين وعملت سيرفيس اخر رمضان الماضى الزيت بتاع الفتيس مكنش مظبوط بس ... النتشه ديه كانت قبل السيرفيس كانت ضعيفه جدا وكان زيت الفتيس تقريبا مفيش واول مزوت الزيت ظهرت النتشه بشده وبعد كده حصل ان الغيار على الـ R مبيجبش خالص
المشكلة انا هجيبه منين ويكون مضمون وبكام علشان اعرف ومنعا للاشتغالات
تحياتى لاخوه الكرام

[original]

حضرتك لازم تشوف ميكانيكى أمين وتروح لواحد بتاع قطع غيار استيراد محترم وعنده بضاعة نضيفة وتنقى الفتيس وتاخده على تجربة وربنا يكرمك ويطلع تمام..

[iso_old]

يا باشا انا مش عارف اشكرك على الردود بتاعتك
ربنا يكرمك
تحياتى

[original]

يا باشا انا مش عارف اشكرك على الردود بتاعتك
ربنا يكرمك
تحياتى

العفو بس طمننا وبرده نستفيد من تجربتك..

[iso_old]

الجديد فى الموضوع احد الموثوق منهم ( ميكانيكى ) قالى ممكن يكون مكان زيت الفتيس اتخرم وبيدخل ميه على الزيت وده ممن احتمال الله اعلم

[original]

معقول!!
فى عربيات فيها:
- زيت الفتيس له دورة تبريد بتدخل الريداتير بماسورة داخلية!!
- يا إما الريداتير له دورة تبريد داخل الفتيس بخراطيم مياه داخل وخارج!!
هوا حضرتك عندك التبريد إزاى بالظبط؟؟ وهل شفط خليط بعينك بين المياه والزيت؟؟